2 VaKolinti 1:3 - ULufingwi uLupwa

³ Ashindikwaje uMulungu, uTaata uwa Mwene wiitu uYeesu Chilisiti, uTaata uwa vhwila, havhili we wu Mulungu we akutusuvhaalizya mu zyonti.

Tesitamenti Umupwa 1965

³ AtimwajʼuMulungu uYise wa Mwene witu uYesu Chilisiti, we wʼuTata umuhatalupepelezyo, we wʼuMulungu umuhatalusuvizyo lwonti,

2 VaKolinti 1:3 ပူးပေါင်းရင်းမြစ်များ

Yohani 10:30

Ine nu Taata waane tuli pooka.”

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

2 VaKolinti 11:31

UMulungu, uTaata uwa Mwene uYeesu we akwanzilwa kushindikwa shiima, amanyile kuuti ntakuluma ilenga.

2 VaKolinti 7:6

Ileelo uMulungu we akuvhasuvhaalizya avhantu vhe vhavunzisile amooyo, aatusuvhaliziizye kwi idala ilya kwinza uTiiti.

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

VaEfeso 1:3

Ashindikwaje uMulungu, uTaata uwa Mwene wiitu uYeesu Chilisiti! Uweene atuloosite nu vhuloote vhwonti uvhwa ku mwanya. Uvhuloote uvhwo tukuvhuposheela kwi idala ilya kusopenkana nu Chilisiti.

Filipi 2:11

Havhili ku vhushindamu uvhwa Taata uMulungu, avhantu vhonti vhapemule kuuti, uYeesu Chilisiti wu Mwene.

Kolosi 1:3

Insiku zyonti lwe tukuvhalaavhila, tukumusalifwa uMulungu, uTaata uwa Mwene wiitu uYeesu Chilisiti.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

2 Yohani 1:4

Naasesheeye nkaani, lwe niivwa kuuti avhaana vhaaho vhamo vhakulandila kulandata uvhwanalyoli, inza vwe uTaata uMulungu ahatulajizya.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.