2 Timoti 4:7 - ULufingwi uLupwa

⁷ Naalwa uvhulugu ahinza, ulutumvanyo ulwa luvhilo lwe nashimbilaga, ishi naamala, nazyimililila insambiilizyo izya lwitiho.

Tesitamenti Umupwa 1965

⁷ Ulupasʼulwinza mpasile. Imazile ukushimbila mulutumṿanyo. Ulwitiho numishizizye.

2 Timoti 4:7 ပူးပေါင်းရင်းမြစ်များ

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

uLuuka 8:15

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

Yohani 17:6

UYeesu ahajendeelela kulaavha ahati, “We Taata, navhamanyisya izina lyaho avhantu vhonti vhe waampiiye pa nsi ipa. Ivho vhaamile vhaaho, wampa vhenevho, havhili vhalandasite izwi lyaho.

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

iMbombo izya Vhatumwa 13:25

UYoohani lwe akumaliilizya imbombo yaakwe, ahavhavhuzyaga avhantu kuuti, ‘Mukusiivha kuuti ine ne naanu? Ine te ne we wula we mukumuguliilila! Ileelo uweene akwinza, inga ine natuuha we ntahondeeye poosye kuvha ne muvhomvi waakwe, uwa kuzevwa nu kusatula inkusa izya vilyatu vwakwe.’”

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

VaGalati 2:2

Násogooye ahavhaliilizyo iho, mwe pe uMulungu ándolesiizye kuuti nsogole. Lwe naafiha, nkatendama na vhalongozi kukwilu, nkavhavhuuzya Izwi iLyinza lye nkavhakumusizyaga vhe te Vhayuuda. Návhomvile vhwevhulo, inga imbombo yaane ye nkuyivhomba yitishilwe, yitahaavhe ya vhweleele.

Filipi 1:30

Ishi muli nu lutumvanyo luula lwe mwáluvhwenyi kuli ine nu kwivwa kuuti indi nalwo poosye ishi.

1 Timoti 1:18

Mwana waane Tiimoti, nkuukupa indajizyo izi zye zikufuma mu mazwi aga vhakuvhwi ge gáyanziilwe ku kwaho. Ugalandate amazwi igo gavhe shilwilo shaaho kulwa uvhulugu uvhwinza.

1 Timoti 6:12

Uyikungulaje nkaani ku vhulugu uvhwinza uvhwa kulwila ulwitiho lwitu, inga uhavhwaje uvhulanzi uvhwa shiima shiima. Uvhulanzi uvhwo vhwe uhiitilwa nu Mulungu, lwe wiitiha ulwitiho lwaho kwa Yeesu pilongolela ilya vhahoome avhinji.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 1:14

Izwi iLyinza lye uMulungu akupiiye, uligulilaje ku maha aga Mupepo uMufinjile we akutendama muhati yiitu.

2 Timoti 3:10

Ileelo iwe, ulandasite insambiilizyo zyane nu lujendo lwane ni nsiivho zyane nu lwitiho lwane nu vhujimbiilizu vhwane.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.

Ishitushizya 3:8

Ndumanyile ulujendo lwaho. Yeenya, nkuvhishiiye umulyango we wuli ukwazi kwilongolela lyaho, we uwunji nuumo atangawugalila. Imanyile kuuti uli na maha mansi, ileelo ulisunjililiiye izwi lyane, havhili utalihaanile izina lyane.

Ishitushizya 6:11

Pe vhonti vhahapeelwa amenda amazelu. Havhili vhahavhavhuuzya kuuti, vhaguliilile ku havhaliilizyo hansi, kufishila uvhwinji uvhwa vhavhomvi avhamwavho na vhajenzi vhaavho pe vhwalunjiha. Ivho vhe avhalugu avha Mulungu avha pa nsi vhalivhagoga inza vheene vwe vhávhagozile.