2 Timoti 4:5 - ULufingwi uLupwa

⁵ Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

Tesitamenti Umupwa 1965

⁵ Iwe nyene nazimo zitahakuhole ndali, ujimbililaje amayimba, uvombʼimbombo ya munyatulʼIvangeli, ulunjisyaje uvuvombezi vwaho,

2 Timoti 4:5 ပူးပေါင်းရင်းမြစ်များ

Matayi 25:16

“We vhámupiiye italanta zisaano, naluvhiilo ahasogola kuzitaanania, ahambulila izyamwavho zisaano.

Maliko 13:34

Ishiholanyo isha kugaluha kwane shili ngati muntu we akushuula, ahayileha inyumba yaakwe na vhazya vhaakwe, ahaavhapa vhonti amaha ni mbombo zyavho. Ahamulajizya umuguulizi uwa mulyango ahati, ‘Uvhanje minso.’

Maliko 13:37

Izi zye nkuvhavhuuzya imwe, nkuvhavhuuzya avhantu vhonti kuuti vhavhanje minso!”

uLuuka 12:37

Vhalosiitwe avhazya vhe umwene waavho inga ayinza, alivhaaga vhadamuuye. Nalyoli nkuvhavhuuzya kuuti, aliyisengaanya kuvhavhombela, alivhiita vhatendame nu kuuvhapa ishaakulya.

iMbombo izya Vhatumwa 21:8

Indaavhi yaakwe tuhasogola mu nkaaya iya Kayisaaliya, tuhatendama mu nyumba iya Fiilipo. UFiilipo áamile mulumbiilizi. Havhili áamile wooka mu vhatuuli 7 vhe vhávhasevile ku Yelusaleemu.

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

VaEfeso 4:11

Uweene ávhaloosite avhantu ivikunjilwa. Vhamo ávhasavhuuye kuuti vhavhe vhatumwa, avhamwavho vhavhe vhakuvhwi, avhamwavho vhavhe vhalumbiilizi, avhamwavho vhoope vhavhe vhadiimi havhili vhasambiilizi avha vhantu.

VaEfeso 4:12

Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

Kolosi 1:25

UMulungu ansavhuuye ine kuvha ne muvhomvi uwa shivhanza isho, inga mbaleetele izwi lyakwe ku vhulunjisu.

Kolosi 4:17

Mumuvhuuzye uAlikiipo kuuti amale ahinza imbombo ye uMwene ámupiiye.

1 VaTesaloniki 5:6

Ishi tuleshe kuvha inza avhanji vhe vhakukaata utulo, nkandi tuvhe minso, havhili tuyikonzyaje.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Timoti 4:15

Uvhombaje izyo ku mute waaho wonti, shiima ulujendo lwaho luvhanje apazelu ku vhantu vhonti.

2 Timoti 1:8

Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

2 Timoti 2:3

Ujimbililaje mu mayimba pooka niine, inza umusikaali umwinza uwa Chilisiti uYeesu.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

Ishitushizya 3:2

Vhuuha! Uzigomwe ziila zye zipalamiiye kufwa, mwe pe ulujendo lwaho te lulunjisu pilongolela ilya Mulungu waane.