2 Timoti 4:3 - ULufingwi uLupwa

³ Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

Tesitamenti Umupwa 1965

³ Shʼakwinzʼumwaha pʼavantu valisita ukuva ninsambilizyo impelavulanzi, nkandi inza she vasungwilwe vuvo valiyanzila avasambilizi impuga, mwe vazile mukunyejela mumakutwi gavo.

2 Timoti 4:3 ပူးပေါင်းရင်းမြစ်များ

uLuuka 20:19

Avhasambiilizi avha ndajizyo na vhapiti avha vhapuuti, vhahamanya kuuti ishiholanyo isho shihavhayangaga vhuuvho. Pe vhahanzaga kumulema pepaala, ileelo vhahoogopa impuga iya vhantu.

uLuuka 6:26

Mwasheela imwe mwe avhantu vhonti vhakuvhatiima, mwe pe avhataata vhaavho vhahavhavhombelaga vhwevhulo avhakuvhwi avha ilenga.”

Yohani 8:45

Ileelo, mwe pe nkuvhavhuuzya izya nalyoli, mutakuniitiha.

iMbombo izya Vhatumwa 17:21

Vhámuvhuziizye vhwevhulo, mwe pe aVhaseene na vhanji vhonti vhe vhahatendamaga umwo vhatahavhombaga ishinji naashimo, nkandi lye lipangwi ilya kuyanga nu kutejeelezya inongwa injeni.

1 VaKolinti 2:1

Vhamwitu, lwe nínzile kuli imwe ntahakumusyaga intumi iya Mulungu ye yáali ya vhuzigizigi, inga ndoleshe kuuti ine indi na hayanjile ahinza, poosye kuyilolesya kuuti indi nu vhushindamu uvhwa njeele.

1 VaKolinti 2:4

Lwe nkasambilizyaga na lwe nkakumusyaga izwi kuli imwe, ntahavhombaga vhwevhulo kwi idala ilya vhushindamu vhwane uvhwa njeele, inga mwitishe, nkandi mwítisile, mwe pe mwágavhwenyi amaha aga Mupepo uMufinjile.

VaGalati 4:16

Vhuli, ileelo navha ne mulugu wiinyu, mwe pe nkuvhavhuuzya uvhwanalyoli?

1 Timoti 1:10

Indajizyo izyo zya vhalugusu, na vhe vhakuvhomba uvhuvhembu avhanaavuli ku vhanaavuli, vhe vhakuvhakazya avhazya, avha ilenga na vhe vhakulapa izya ilenga. Havhili zya vhanji vhonti vhe vhakuvhomba lyonti lye likusugaana ni nsambiilizyo izya nalyoli.

2 Timoti 1:13

Amazwi gonti ge ugivuuye ku kwane ga nalyoli, ugaleme. Usambiilile genego, havhili shivhe shiholanyo mu lwitiho ni shikunzi she shili mwa Chilisiti uYeesu.

uYuuda 1:18

Vhátili, “Amanda aga kumpeleela, kuliivha avhantu vhe vhakujevhula nu kuzilandata impapilo zyavho izya vhupuvi.”