2 Timoti 4:2 - ULufingwi uLupwa

² Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

Tesitamenti Umupwa 1965

² Kumusyagʼizwi, vuhaga nalyo nashenga palingine nashenga patalingine, uvamenelezyaje, uvahalapilaje, uvayinzanyaje lwʼuvuzyihamulaha namunsambilizyo.

2 Timoti 4:2 ပူးပေါင်းရင်းမြစ်များ

uLuuka 7:23

Alosiitwe umuntu we akuniitiha ine ishisita amaganigani!”

uLuuka 7:4

Avhasongo ivho, lwe vhaafiha kwa Yeesu, vhahamulambiilizya nkaani vhahati, “Umuntu uno ahondeeye kuuti umutuule,

uLuuka 9:60

UYeesu ahamwamula ahati, “Vhaleshe avhafwe vhavhasyile avhafwe vhaavho. Ileelo iwe, sogoola ukumusye uvhumwene uvhwa Mulungu.”

iMbombo izya Vhatumwa 13:5

Lwe vhaafiha ukwo, vhahalumbililaga izwi ilya Mulungu mu masinagoogi. Vháamile pooka nu Yoohani we vhahatinji uMaaliko, umutuuli waavho.

iMbombo izya Vhatumwa 16:13

Isiku ilya Sabaato tuhafuma kunzi ku nkaaya, tuhasogola pa luvhazu pi ijenje, twásuvhiiye kuuti tungapaaga apa kumupuutila uMulungu. Lwe twapaaga tuhatendama, tuhanda kuyanga na vhantanda vhe vhávhungiine penepo.

iMbombo izya Vhatumwa 20:7

Isiku ilya Pamulungu lwe lyafiha, tuhavhungaana, inga tumensulane ikaati nu kulya pooka. UPaavhuli ahavhalumbiilila avhantu kufishila pa vhusiku pahati, mwe pe ásivhiliiye kushuula indaavhi yaakwe.

iMbombo izya Vhatumwa 28:16

Lwe twafiha mu nkaaya iya Luumi, uPaavhuli ahitishilwa kuuti atendamaje weeka, vhahavhiiha umusikaali uwa kumuguulila.

VaLoma 10:15

Havhili vhangakumusya vhuli, inga vhatatumiilwe? Izya kutumwa vhe vhakulumbiilila, uVhusimbe uVhufinjile vhukuti, “Kwinza nkaani kwinza ukwa vhantu vhe vhakulumbiilila Izwi iLyinza!”

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaGalati 6:6

Umuntu we akusambiilila izwi ilya Mulungu, amugavhilaje umusambiilizi waakwe ivintu ivwinza vimo vwe akulonka.

Kolosi 1:25

UMulungu ansavhuuye ine kuvha ne muvhomvi uwa shivhanza isho, inga mbaleetele izwi lyakwe ku vhulunjisu.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

1 VaTesaloniki 5:14

Vhamwitu, tukuvhalambiilizya kuuti muvhasohaje avhahata nu kuvhagomwa vhe vhavunzisile amooyo. Havhili muvhagomwaje vhe vhatali na maha nu kuvhajimbiilila avhantu vhonti.

1 VaTesaloniki 5:20

Havhili mutavhusufwaje uvhukuvhwi,

1 Timoti 4:13

Uvhe nu mute kuvhavhaazizya avhantu uVhusimbe uVhufinjile, havhili uvhagomwaje amooyo nu kuvhasambiilizya. Uvhombaje izyo shiima kufishila ahavhaliilizyo he ndiyinza.

1 Timoti 5:20

Avhasongo vhe vhakuvhomba uvhutalamalandu, uvhapililaje pilongolela ilya vhantu vhonti, inga avhanji vhogopaje kuvhomba.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

2 Timoti 3:10

Ileelo iwe, ulandasite insambiilizyo zyane nu lujendo lwane ni nsiivho zyane nu lwitiho lwane nu vhujimbiilizu vhwane.

uTiiti 1:13

Amazwi igo ge gáyanziilwe ku zyavho ga nalyoli. Kuli izyo, uvhapilile nkaani, inga vhagome mu lwitiho.

uTiiti 2:15

Amazwi iga ge uvhasambilizyaje avhantu. Uvhagomwaje amooyo nu kuvhasoha ku vhudandamazu. Utahiitishe kuuti pavhe umuntu wonti uwa kukusuufwa.

VaHebuli 13:22

Mwe vhamwitu, nkuvhalambiilizya nkaani kuuti mugalandataje amazwi amansi iga aga kuvhasuvhaalizya ge mbasimbiiye mwa kalaata uno.

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.