2 Timoti 4:17 - ULufingwi uLupwa

¹⁷ Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

Tesitamenti Umupwa 1965

¹⁷ NkandʼuMwene ahanimila, ahangomwa, ukuti imalilizyaje uvukumusyi vwane, ukuti avakunzi vonti viṿwaje, mwe mumwo nkapona mwilomu lya nsama.

2 Timoti 4:17 ပူးပေါင်းရင်းမြစ်များ

Matayi 10:19

Lwe vhakuvhatwala ku vhapiti, mutahogopaje kuuti muliyanga ishooni, poosye kuuti muliyangaga vhuli, mwe pe uTaata uMulungu alivhapanga izya kuyanga ahavhaliilizyo hehaala.

uLuuka 1:1

Kuli iwe uwa mushinzi nkaani Teyofiilo: Avhantu avhinji vhasimvile inongwa izya Yeesu Chilisiti inza vwe zyávhombesile muli iswe.

uLuuka 21:15

Nkuvhavhuuzya isho, mwe pe ine ndiivhapa amazwi aga kuyanga nu vhushindamu uvhwa njeele, vhwe avhalugu vhiinyu vhatangatumvanya navhwo, poosye kuvhudinda.

iMbombo izya Vhatumwa 23:11

Isiku lyeliila uvhusiku, uMwene uYeesu ahimiilila papiipi nu Paavhuli, ahamuvhuuzya ahati, “Gomaaga umwoyo! Inza vwe wamfumwizya uvhwahoome pa Yelusaleemu ipa, yikwanzilwa umfumwizye shiniisho na ku Luumi kwope.”

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

VaLoma 15:31

Mundavhilaje kuuti avhantu vhe vhatamwitisile uYeesu mu nsi iya Yudeeya vhatahambombele uvhuvhiivhi. Havhili mundavhilaje, inga avhafinjile avha ku Yelusaleemu vhiitishe kuposheela ivwa kuvhaavwa vwe nkuvhatwalila.

2 VaKolinti 12:9

Ileelo uweene ahambuuzya ahati, “Uvhwila vhwane vhukukwiliiye, mwe pe mu vhuyeyevhazu mwe amaha gaane gakuloleha.” Kuli izyo, kwe nkutiimaje ku luseshelo ulupiti kuzya vhuyeyevhazu vhwane, inga amaha aga Chilisiti gavhe pooka niine.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

2 Timoti 2:1

Ishi we mwana waane, uvhe na maha kwi idala ilya vhwila vhwe tukuvhwaga mwa Chilisiti uYeesu.

2 Timoti 2:9

Izwi ilyo lye likumbiiha kuuti njimbaje nu kukungwa na manyoloolo ngati ne muvhomba mbiivhi. Ileelo izwi ilya Mulungu litakukungwa!

2 Timoti 3:11

Havhili ulandasite ishikunzi shaane nu kuyigomwa kwane. Umanyile vwe nálavile nu kuyimba, na zyonti zye zyánaazile mu nkaaya iya Antiyookiya ni ya Ikooniya ni ya Lisitila. Havhili umanyile kuuti nájimbiliiye mu ngomu zyonti, woope uMwene uYeesu ahampoha mu zyonti izyo.

2 Timoti 4:5

Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

uTiiti 1:3

Lwe ahavhaliilizyo haakwe he áhavhatisile haafiha, ahavhamanyisya avhantu izwi lyakwe kwi idala ilya kukumusya kwane. UMulungu uMuposhi wiitu wuuyo we álajiziizye kuuti ndumbililaje.

VaHebuli 11:33

Mwe pe avhantu ivho vhámwitisile uMulungu, vhahapootaga uvhulugu vhwe vhahalwanga na vhamwene avha mu nsi izinji. Vhahakonzyaga ku vhugolosu nu kuposheela ziila zye uMulungu áfinzile kuuvhapa. Havhili vhamo vháamile na maha aga kudindila amalomu aga nsama, inga zitahavhavwalazye.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

2 Peteli 2:9

Kuli izyo, uMWENE uMulungu amanyile kuvhapoha avhantu vhe vhakumushindiha kufuma mu ndingo zyavho. Havhili amanyile vwe aliivhapa isunde avhavhiivhi isiku liila ilya kuvhalonga.