2 Timoti 4:16 - ULufingwi uLupwa

¹⁶ Lwe nkuyiyanjila izya kuyipoha kwi ilonjelwi ulwa kwanda, ataliipo umuntu naawumo we ánavwizye, nalyoli vhonti vhándesile. UMulungu avhaswile kuli izyo.

Tesitamenti Umupwa 1965

¹⁶ Ulutanzi lula lwe nkamulaga zye vahandonjelelaga, umuntu numo atali poka nine, nkandi vonti vandesile. Nkulava ukuti vatatashilwaje uvuvivi muli zinizi.

2 Timoti 4:16 ပူးပေါင်းရင်းမြစ်များ

Maliko 14:50

Pe avhasundikwa vhaakwe vhonti, vhahamuleha weeka nu kushimbila.

uLuuka 12:11

“Lwe vhavhatwala kuvhalonga mu masinagoogi, poosye pilongolela apa vhe vhakukonzya na vha maha avhanji, mutogopaje kuuti muliyaamula ishooni, poosye kuuti muliyanga ishooni.

Yohani 16:32

Yeenyi, ahavhaliilizyo hapalamiiye, havhili hali papiipi nkaani, he mwenti kwe musataane. Mwenti kwe musogole ukwinyu nu kundeha neeka. Ileelo ine ntali neeka, mwe pe uTaata ali pooka niine.

iMbombo izya Vhatumwa 22:1

Ahati, “Mwe vhamwitu pooka na vhataata vhaane, tejeelezyi! Ishi nkuyanga izya kuyipoha pilongolela lyinyu.”

iMbombo izya Vhatumwa 25:16

“Ileelo ine naavhamuuye naatili, iswe swe Vhaluumi tutakwitishila kuuti umuntu asundwe, she ashiili kuhomaana na vhe vhakumulonjeelela nu kuyanga izya kuyipoha.

iMbombo izya Vhatumwa 7:60

Pe ahasugamila pansi, ahahoola kwi izwi ahati, “We Mwene, utahavhalonje ku vhutalamalandu uvhu vhwe vhavhomba.” Lwe ayanga izyo, ahafwa. Woope uSaavhuli ahalola hinza kumugoga.

1 VaKolinti 13:5

Ishikunzi shikumupela umuntu kuvha nu mushinzi ku vhantu avhanji. Havhili shikumupela umuntu kuuti atasiivhaje zye zyakwe vhweleele, nu kuuti atavitwaje naluvhiilo, nu kuuti atavhanje na hamfwishi mu mwoyo.

1 VaKolinti 9:3

Ishi, avhantu vhe vhakundonga ine kuuti te ne mutumwa, nkuvhavhuziilizya kuuti,

2 VaKolinti 7:11

Yeenya, uvhuswimiilizu vhwe vhukwinza ku lukasamo ulwa Mulungu, vhuvhaleteeye imwe ilonka ipiti. Vhuvhavhiisile kuvha nu mute nkaani kuvhomba ingolosu, nu kuyiyanjila kuuti zye mukuvhomba zya nalyoli, nu kuziviitilwa imbiivhi, nu kumunyila uMulungu, nu kusamba kundola, nu kulola kuuti we ananzile aposheleeye amalipilo gaakwe. Muli izyo zyonti mukulolesya kuuti mutali nu vhunanzi kuli ili.

Filipi 1:17

Ileelo avhamwavho ivho, vhakulumbiilila izwi ilya Chilisiti ku lutumvanyo, te ku mwoyo umugolosu. Vhakusiivha kuuti, kuli izyo, kwe vhanonjezezye amayimba agamwavho mu jeela.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

2 Timoti 1:15

Iwe umanyile kuuti avhamwitu avha mu nsi iya Aasiya vhandesile. Muli ivho aliipo uFugeelo nu Helimogeene.

2 Timoti 4:10

UDeema andesile, mwe pe akuzisungwa izya mu nsi, asogooye mu nkaaya iya Tesaloniiki. UKileesike asogooye mu shigavho isha nsi isha Galaatiya nu Tiiti asogooye mu shigavho isha nsi isha Dalimatiya.

2 Timoti 4:15

Uvhe minso nawo, mwe pe ádindanjiziizye nkaani amazwi giitu.

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.