2 Timoti 3:8 - ULufingwi uLupwa

⁸ Avhantu ivho vhe vhakuvhahopenkanya avhantanda, vhakudindanjizya uvhwanalyoli, inza vwe uYaane nu Yambule vhámudindanjiziizye uMoose. Injeele zyavho zinanjisile, havhili vhalulesile ulwitiho.

Tesitamenti Umupwa 1965

⁸ Inza shʼuYanesi nuYambulesi valuye nuMose, ṿwe vahonzizye navanava, vope vakulwa nuvwanalyoli. Avantʼiva vananjisile injele, vatahondeye muzya lwitiho.

2 Timoti 3:8 ပူးပေါင်းရင်းမြစ်များ

iMbombo izya Vhatumwa 15:24

Twivuuye kuuti avhantu vhamo kufuma ku kwitu vhavhavhuziizye inongwa izya kuvhavwalanganya nu kuvhapuvwa amooyo giinyu, ileelo te sweswe twaavhasonteleziizye.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

1 Timoti 1:19

Ululemaje ulwitiho lwaho, nu kuvha nu mwoyo umwinza. Izyo, vhamo vhatázisajiiye, pe zihaazya ulwitiho lwavho kuuti lunanjishe lwonti.

1 Timoti 4:2

Insambiilizyo izyo zikwinza na vhe vhakuyanga izya ilenga ku shifumbo. Amooyo gaavho amavhiivhi gatangalonga imbiivhi zyavho.

1 Timoti 6:5

nu kudalinkana na vhamwavho shiima. Avhantu ivho zye vhakusiivha, mbiivhi, vhatali nu vhwanalyoli. Vhakusiivha kuuti kuvha nu lujendo ulwinza pilongolela ilya Mulungu lye lidala ilya kulyaga ilonka.

2 Timoti 4:15

Uvhe minso nawo, mwe pe ádindanjiziizye nkaani amazwi giitu.

uTiiti 1:10

Nkuti avhanje vhwevhulo, mwe pe kuli avhinji vhe vhatakushindiha insambiilizyo izyo, inkaani avhiitisi vhamo vhe vhafumile mu Vhayuuda. Vhakuhomeelezya amaata gaavho na mazwi ge gatali ni ilonka nu kuhopenkanya. Ivho vhakwanzilwa vhahaanwe kusambiilizya,

uTiiti 1:16

Vhakupemula kuuti vhamumanyile uMulungu, ileelo vhakumuhaana mu lujendo lwavho. Vhakumuviisya, havhili vhasambusu, vhatahondeeye poosye na ku mbombo inyinza zyonti.

2 Peteli 2:14

Ahavhaliilizyo honti vhakusiivha kuvhomba uvhuvhembu, vhatakuleha kuvhomba uvhutalamalandu. Vhakuvhahopenkanya avhantu vhe vhayeyevhazu mu lwitiho. Amooyo gaavho gavheleleeye kupapila ivwuma. Avhantu ivho vhatifiilwe.

1 Yohani 2:18

Mwe vhaana vhaane, ahavhaliilizyo aha kumpeleela hafisile! Mwivuuye kuuti umulugu uwa Chilisiti akwinza, niishi avhalugu avhinji avha Chilisiti vhinzile. Ilyo lye likutuvhiiha kumanya kuuti, tuli mu havhaliilizyo aha kumpeleela.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

Ishitushizya 2:20

Ileelo indi ni izwi niiwe: Ukumujimbiilila umwantanda ula uYezebeeli. Uweene akuyitaha kuuti mukuvhwi, ileelo te muumwo. Akuvhasambiilizya avhavhomvi vhaane nu kuvhapuvwa, kuuti vhavhembuhaje nu kulya impuutile zye vhafumwizye ku viholanyo.

Ishitushizya 2:6

Kuli izi nkukutiima, ukwilwa zye aVhanikolayi vhakuzivhomba, zye niine nkuzyilwa.