2 Timoti 3:3 - ULufingwi uLupwa

³ Havhili vhaliivha vhantu vhe vhatakuvhakunda avha ku mwavho, poosye kwanza ulwivwano. Vhaliivha vhantu vhe vhakuvhalonjeelela avhamwavho izya ilenga nu kupootwa kuyikonzya. Vhaliivha vhahali, havhili te vhahasungwaje inyinza.

Tesitamenti Umupwa 1965

³ avasitashikunzi, avagulugulu, avakwalanzi, ve vatakuzipotʼimpapilo, avahali, ve vatakusungwʼinyinza,

2 Timoti 3:3 ပူးပေါင်းရင်းမြစ်များ

Matayi 10:21

“Umunine alimwaniila uwamwavho, inga amugoje. Woope utaata alimwaniila umwana waakwe, inga amugoje. Vhoope avhaana vhalisambuha ku vhapaafi vhaavho nu kuvhagoga.

Matayi 4:1

Pe uMupepo uMufinjile ahamulongola uYeesu kusogola mu luugwa, inga uMukwalanzi amulinje.

uLuuka 10:16

UYeesu ahavhavhuuzya avhasundikwa vhaakwe ahati, “Umuntu we akuvhiivwa imwe, akuniivwa neene, woope we akuvhahaana imwe, akunkaana neene. Havhili we akunkaana ine, akumuhaana ula we antumiliziizye.”

uLuuka 16:14

AVhafalisaayi lwe vhiivwa amazwi igo, vhahanda kumusuufwa uYeesu, mwe pe vházisungwilwe nkaani impiiya.

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

VaLoma 1:29

Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

VaLoma 1:31

havhili vhantu avhapukupuuku, vhatakulunjisya zye vhafinzile, vhatali ni shikunzi, poosye uvhwila.

1 VaKolinti 7:5

Mutimanaje, nkandi inga mwitinkiine kuleha ku havhaliilizyo hansi, inga muyifumwe kumulaavha uMulungu. Ileelo pisinda mugalushilanaje havhili, inga uSeetano atahinze avhalinje kuzya kupootwa kuyikonzya kwinyu.

1 VaKolinti 7:9

Ileelo inga vhakupootwa kujimbiilila, hinza kwimala poosye kwimalwa, mwe pe kwashi kuvhomba vhwevhulo, kuluusya kuyimvilwa ni mpapilo.

1 VaTesaloniki 4:8

Pe umuntu wonti we akuhaana insambiilizyo izi, atakumuhaana muntu, akumuhaana wu Mulungu, we akuuvhapa imwe uMupepo waakwe uMufinjile.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

uTiiti 1:8

Ileelo akwanzilwa kuuti avhanje muntu we mutesi na we akuzisungwa nyinza. Havhili akwanzilwa kuuti avhanje muntu we akuyikonzya nu kuvhomba ingolosu nu kuvha mufinjile na we akuyidinda ku mbiivhi.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

Yakobu 2:6

Ileelo imwe mukumusuufwa ula we mupiina. Vhuli, avhadumbwe ivho te vhe vhakuvhayimvwa imwe nu kuvhatwala kwi ilonjelwi?

2 Peteli 2:14

Ahavhaliilizyo honti vhakusiivha kuvhomba uvhuvhembu, vhatakuleha kuvhomba uvhutalamalandu. Vhakuvhahopenkanya avhantu vhe vhayeyevhazu mu lwitiho. Amooyo gaavho gavheleleeye kupapila ivwuma. Avhantu ivho vhatifiilwe.

2 Peteli 2:19

Vhakufinga kuuti kwe vhaavhape uvhusatushe avhiitisi avhayeyevhazu ivho, she avheene vhazya avha vhutalamalandu. Nkuyanga vhwevhulo, mwe pe umuntu akuvha muzya uwa shiila she shikumukonzya.

2 Peteli 3:3

Yikwanzilwa mumanye suuti kuuti insiku izya vhusililishilo vhaliyinza avhantu avha isuufwo, vhe vhalivhasufwaga imwe nu kuzilandata impapilo zyavho.

uYuuda 1:16

Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.

uYuuda 1:18

Vhátili, “Amanda aga kumpeleela, kuliivha avhantu vhe vhakujevhula nu kuzilandata impapilo zyavho izya vhupuvi.”

Ishitushizya 13:15

Ishihanu isha vhuvhili shihapeelwa amaha aga kupuutila umwuyu mu shiholanyo shiila isha shihanu ishitanzi, inga ishiholanyo isho shiyanje. Havhili ishiholanyo isho shivhagoje vhonti vhe vhatakushipuuta.

Ishitushizya 13:17

Havhili shihavhalajizya kuuti umuntu wonti atahasheele kukala poosye kukazya, nkandi inga ali ni shimanyilo shiila. Ishimanyilo isho lizina ilya shihanu shiila ishitanzi, poosye uvhwinji vhwa mbaazyo izya izina lyakwe.

Ishitushizya 16:6

Mwe pe avhantu ivho vhíisite amavhanda aga vhafinjile na vhakuvhwi, niiwe waavhapa amavhanda vhamwele. Vhahondeeye izyo!”

Ishitushizya 17:6

Nkalola umwantanda uyo ahoziilwe amavhanda aga vhafinjile avha Mulungu na mavhanda aga vhantu vhe vhahamuhomeshezyaga uYeesu. Lwe namulola, násukumiiye nkaani.