2 Timoti 3:2 - ULufingwi uLupwa

² Avhantu vhaliyisajilaga vhuuvho vheeka nu kuzisungwa impiiya. Havhili vhaliyitiimaga nu kuyibaada nu kuligana. Te vhahavhashindihaje avhapaafi vhaavho, poosye kusalifwa, poosye kusaajila izya Mulungu.

Tesitamenti Umupwa 1965

² Shʼavantu valiyikunda veka, valiva vapapilampiya, valiyitima veka, valiva namabado, avaligandigo, ve vakuvilʼavapafi vavo, avasitakusalifwa, avasitavufinjile,

2 Timoti 3:2 ပူးပေါင်းရင်းမြစ်များ

Matayi 15:6

Kwe kuuti, mukuti umuntu atakwanzilwa kumwavwa uyise poosye unyina. Ukwo kwe kulisuufwa izwi ilya Mulungu kwi idala ilya kulandata amaata giinyu.

uLuuka 12:15

Pe ahavhavhuuzya avhantu vhonti ahati, “Muvhe minso! Muleshe kupapila ivintu, mwe pe uvhulanzi uvhwa muntu vhutakufumiilana nu vhwinji uvhwa vintu vwe ali navwo.”

uLuuka 16:14

AVhafalisaayi lwe vhiivwa amazwi igo, vhahanda kumusuufwa uYeesu, mwe pe vházisungwilwe nkaani impiiya.

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

iMbombo izya Vhatumwa 5:36

Mukumbushe amanda aga pisinda, áfumiiye umuntu wumo izina lyakwe vhahatinji uTewuda, ahayibaadaga kuuti muntu mupiti, áamile na vhalandati vhaakwe 400 ishi. Ileelo kumpeleela, vhahamugoga, na vhaala vhonti vhe vhahamulandataga vhahasataana. Imbombo yaakwe yonti yihasilila pepaala.

VaLoma 11:18

Kuli izyo, imwe mutazisufwaje insamba zye zidiviilwe. Havhili mutayitumvwaje, mwe pe te mazi ge gakuvhasuuvhila imwe, nkandi imwe mwe mukugasuuvhila amazi.

2 VaKolinti 5:15

Umuntu uyo áfuuye kuzya vhantu vhonti, inga avhantu vhatalandilaje ku lukasamo lwavho, nkandi ku lwa ula we áfuuye nu kuzyuha ku zyavho.

Filipi 2:21

Avhamwavho vhonti, vhakusaajila zye zyavho, vhatakusaajila zye uYeesu Chilisiti akwanza.

Kolosi 3:5

Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.

2 VaTesaloniki 2:4

Uweene alidindanjizya vwonti vwe avhantu vhakuvilola kuuti wu Mulungu, poosye vwe vhakuvipuuta nu kuyitumvwa ku vwonti ivwo. Havhili aliyinjila nu kutendama mu Nyumba iMfinjile iya Mulungu nu kuyitumvwa kuuti wu Mulungu.

1 Timoti 1:20

Muli ivho aliipo uHimenaayo nu Alekizanda, avhenevho imulesheeye uSeetano, inga vhasambiilile, vhaleshe kumusaamula uMulungu.

1 Timoti 1:9

Havhili tumanyile kuuti indajizyo zitavhisiilwe ku vhantu avhagolosu, nkandi ku vhapuvi vhe vhatakusaajila na ku vhe vhatakumushindiha uMulungu, na vhe vhakuvhomba uvhutalamalandu. Havhili zivhisiilwe ku vhe vhakuviitilwa imbombo iya Mulungu nu kusungwa imbombo izya mu nsi, na ku vhe vhakugoga avhayise na vhanyina, na vhagozi avhanji vhonti.

1 Timoti 3:3

Atahaavhe wu shimwela, poosye kuvha wa ivho, nkandi avhe muntu we mutonsu. Havhili atahaavhe mupapizi uwa mpiiya.

1 Timoti 6:10

Yeenya, kusungwa impiiya, vhwe vhwandilo uvhwa mbiivhi zyonti. Vhaliipo avhantu vhamo vhe vhazisungwilwe nkaani impiiya, zivhapeleeye kuuti vhaluleshe ulwitiho lwavho, vhavwalaziizye amooyo gaavho ku vhuswimiilizu nkaani.

1 Timoti 6:4

Avhantu ivho vhakuyitumvwa vhweleele, vhatazimanyile naazimo, vhakwanza kudalinkana shaaha ku mazwi aga kuyitumvwa. Uvhwo vhwe vhwandilo uvhwa vhantu kuvha nu mwone ni ivho ni ndigo nu kuvhasivhiilila havhiivhi avhamwavho

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

Yakobu 2:8

Mu Vhusimbe uVhufinjile, indajizyo izya MWENE wiitu uMulungu zikuyanga zikuti, “Umukundaje umupalamani waaho inza vwe ukuyikunda weneewe.” Inga mukuvhomba vhwevhulo, pe lwe mukuvhomba ahinza.

Yakobu 4:16

Ileelo imwe mutakuvhomba vhwevhulo, mu kuyitiima nu kuyitumvwa. Kuyitumvwa kwinyu ukwo kuvhiivhi.

Yakobu 4:6

Pooka niizyo, uweene akwonjezya kutufwila uvhwila. Ye nongwa yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo vhe vhakuyiisya, akuvhafwila uvhwila.”

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”

2 Peteli 2:10

Alivhalonga vhaala vhe vhakuzilandata impapilo izya vhuntu vhwavho uvhwa vhutalamalandu nu kugasuufwa amaha aga Mulungu. Avhantu ivho vhali nu lukaani, havhili vhakuyitumvwa, vhakuvisaamula ivipelwa ivishindamu ivwa ku mwanya.

2 Peteli 2:12

Avhantu ivho vhali inza ivihanu vwe vitali ni njeele vwe vikupaapwa, inga avhantu vhavilemaje nu kuvivhoola. Vhakuvisaamula ivintu vwe vhatavimanyile. Vhoope uMulungu alivhalovwa inza ivihanu ivwo kuzya vhutalamalandu vhwavho.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

uYuuda 1:16

Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.

Ishitushizya 13:1

Nkalola ishihanu shikufuma mwa sumbi, ishihanu isho sháamile ni mpembe 10 na matwe 7. Havhili mu mpembe zyakwe sházwaye ivipambwi 10 ivwa vhumwene na mu matwe gaakwe mwámile amazina aga musaamu.

Ishitushizya 16:11

Vhahamuliga uMulungu uwa ku mwanya kuzya vhuvhaavi vhwavho na mapumba gaavho. Ileelo vhatápindusile ku lujendo lwavho uluvhiivhi.

Ishitushizya 16:21

Imvula iya mavhwe amapiti yihavhatoonyela avhantu, amavhwe igo gáali nu vhumwamu uvhwa kiilo 50 ishi ivhwe lyoka. Vhoope avhantu vhahamuliga uMulungu kuzya mfwa iya mvula iyo iya mavhwe. Mwe muumwo, imfwa iya mvula iyo iya mavhwe yáali mpiti nkaani.

Ishitushizya 16:9

Pe avhantu vhahapwa havhiivhi nkaani. Vhahamuliga uMulungu, uweene we ali na maha ku mfwa izyo. Ileelo vhatápindusile nu kumushindiha uMulungu.