2 Timoti 3:16 - ULufingwi uLupwa

¹⁶ UVhusimbe uVhufinjile vhwonti vhusimviilwe mu vhulongozi uvhwa Mulungu. Vhuhondeeye kuvhasambiilizya avhantu nu kuvhasoha ku vhutalamalandu vhwavho nu kuvhalongozya kuuti vhaleshe uvhutalamalandu nu kuuvhapa amasunde ku vhugolosu.

Tesitamenti Umupwa 1965

¹⁶ UMupepo wa Mulungu avafutiyʼavakalata vonti, havili vahondeye kunsambilizyo, nukumenelezyʼimbivi, nukugolosyʼumuntu, nukumusundʼinjele zya vugolosu umuntu,

2 Timoti 3:16 ပူးပေါင်းရင်းမြစ်များ

Matayi 13:52

Pe woope ahavhaamula ahati, “Umusambiilizi uwa ndajizyo izya Moose we musundikwa mu vhumwene uvhwa Mulungu, akuvha inza umuhaata nyumba we akufumwa ivintu ivipwa ni vikaali mu nkoma yaakwe.”

Matayi 21:42

Pe uYeesu ahavhavhuuzya havhili ahati, “Vhuli, mutahavhaazya uVhusimbe uVhufinjile? Yisimviilwe kuuti, ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba. UMWENE uMulungu we álivhiisile ivhwe ilyo, lyope lya kusukumizya pa minso giitu.’”

Matayi 22:43

UYeesu ahavhavhuziilizya ahati, “Inga vwe zili, zili vhuli uDaavhudi lwe akulongolwa nu Mupepo, akumwita uChilisiti kuuti wu Mwene? Nkuvhavhuziilizya vhwevhulo, mwe pe umwene uDaavhudi átili,

Matayi 26:54

Vhuli, inga navhomba vhwevhulo, pe zingalunjiha vhuli zye zisimviilwe mu Vhusimbe uVhufinjile kuuti isho vwe zikwanzilwa kuvha?”

Matayi 26:56

Ileelo izi zyavhombeha, inga zye avhakuvhwi vhásimvile mu Vhusimbe uVhufinjile zilunjishe.” Pe avhasundikwa vhaakwe vhonti, vhahamuleha weeka nu kushimbila.

Maliko 12:24

UYeesu ahavhaamula ahati, “Mupuvile nkaani, mwe pe mutavhumanyile uVhusimbe uVhufinjile na maha aga Mulungu.

Maliko 12:36

Umweneesho uDaavhudi ásimvile ku maha aga Mupepo uMufinjile kuuti, ‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”’

Yohani 10:35

Yisimviilwe mu Vhusimbe uVhufinjile kuuti avhantu vhe vhaposheleeye izwi ilya Mulungu, uMulungu ávhayanzile átili avhantu ivho vhalungu. Niiswe tumanyile kuuti zye zisimviilwe mu Vhusimbe uVhufinjile zya nalyoli insiku zyonti.

Yohani 3:20

Avhantu vhonti vhe vhakuvhomba imbiivhi, vhakuvhuviitilwa uvhuzelu uvhwo. Havhili vhatakwanza kusogola kwe uvhuzelu vhuli, vhakuvhomba isho inga imbiivhi zyavho zitahaloleshe apazelu.

iMbombo izya Vhatumwa 1:16

ahavhavhuuzya ahati, “Mwe vhamwitu, zye zyásimviilwe mu Vhusimbe uVhufinjile kuzya Yuuda, we ávhalongooye avhantu vhaala vhe vhámulemile uYeesu, zyaanziliilwe zivhombeshe. Izyo zye uMupepo uMufinjile áyanzile kwi ilomu ilya taata wiitu uDaavhudi.

iMbombo izya Vhatumwa 18:25

Umuntu uyo ásambiliiye idala ilya Mwene uYeesu. Ahataliha kuvhasambiilizya avhantu izya Yeesu mu vhwanalyoli, mwe pe umwoyo waakwe wuhaahaga nkaani. Ileelo ámanyile ulwozyo lwe lwa Yoohani.

iMbombo izya Vhatumwa 20:20

Mumanyile kuuti ntahavhazyihaga izwi lyonti lye lingavhaavwa, ileelo nkavhasambilizyaga apazelu na mu nyumba zyinyu.

iMbombo izya Vhatumwa 20:27

Ntázyisile inga hansi kuvhalumbiilila zyonti zye uMulungu akasiime.

iMbombo izya Vhatumwa 28:25

Lwe aVhayuuda vhaaga vhatakwivwana vhuuvho vheeka ku mazwi ge uPaavhuli ahayangaga, vhaheepa. Lwe vhashiili kwepa, uPaavhuli ahavhavhuuzya ahati, “UMupepo uMufinjile áyanzile izya nalyoli, kuvhavhuuzya avhataata vhiinyu kutuushila kwa mukuvhwi uYisaayi kuuti,

VaLoma 15:4

Zyonti zye zyásimviilwe hali, zyásimviilwe kuvha nsambiilizyo zyitu. UVhusimbe uvhwo vhukutwavwa kujimbiilila nu kutusuvhaalizya, lwe tukuguliilila kuuti zilunjishe zye uMulungu áfinzile.

VaLoma 2:20

Havhili, ukuyilola kuuti we musambiilizi uwa vhaana na vhantu avhapukupuuku, mwe pe indajizyo zyaho zikukuvhuuzya inongwa izya vhushindamu uvhwa njeele vhwonti nu vhumanyinsanyi uvhwa nalyoli.

VaLoma 3:2

Nalyoli kuvha we Muyuuda kuli ilonka ipiti. Ipiti kuli izyo, uMulungu ávhapiiye aVhayuuda indajizyo, inga vhazisunjiilile nu kuzilandata mu vhulanzi vhwavho.

VaLoma 4:23

Ileelo amazwi igo ge gakuti, “UMulungu ámuvhaziizye kuuti mugolosu,” gatásimviilwe kwe kwa Aabulahamu weeka,

1 VaKolinti 12:7

UMupepo uwa Mulungu akuuvhapa avhiitisi vhonti amaha gaakwe, inga vhatulanaje.

VaGalati 3:8

Havhili uVhusimbe uVhufinjile vhwálolesiizye kufuma hali kuuti, vhe te Vhayuuda vhalivhaazilwa kuuti vhagolosu kwi idala ilya lwitiho lwavho. UMulungu we ámuvhuziizye uAabulahamu Izwi iLyinza ili kuuti, “Kutuushila ku kwaho avhantu avha mu nkolo zyonti vhalilootwa.”

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

VaHebuli 11:1

Kumwitiha uMulungu kwe kuvha nu vhwanalyoli kuuti ziila zye tukuzisuuvhila zilivhombeha. Havhili kwe kwitiha kuuti ziila zye tutakuzilola ishi zya nalyoli.

VaHebuli 3:7

Ishi inza vwe uMupepo uMufinjile akuyanga akuti, “Ileelo inga mwivwa izwi ilya Mulungu,

VaHebuli 4:12

Yeenya, izwi ilya Mulungu lilanzi havhili lili na maha. Havhili likuliluusya ipanga lye lili nu vhuhozu imbazu zyonti zivhili. Likulasa nu kwinjila muhati nkaani, nu kulehaanya umwoyo nu mupepo na pe ivipelwa ivwa muvhili visopenkiine na mafuta ge gali muumwo nu kumanya zye avhantu vhakusiivha nu kwanza.