2 Timoti 3:11 - ULufingwi uLupwa

¹¹ Havhili ulandasite ishikunzi shaane nu kuyigomwa kwane. Umanyile vwe nálavile nu kuyimba, na zyonti zye zyánaazile mu nkaaya iya Antiyookiya ni ya Ikooniya ni ya Lisitila. Havhili umanyile kuuti nájimbiliiye mu ngomu zyonti, woope uMwene uYeesu ahampoha mu zyonti izyo.

Tesitamenti Umupwa 1965

¹¹ namukuṿwimilwa namumayimba ge nkayimbaga mw-Antiyokiya namw-Ikoniyo namu-Lisitila, vwontʼuvuṿwimilwa vwe mbegazilwe, nkandʼuMwene amposile muli vwonti.

2 Timoti 3:11 ပူးပေါင်းရင်းမြစ်များ

iMbombo izya Vhatumwa 13:14

Pe uPaavhuli nu Balinaaba vhaheepa ku Peelige, vhahajendeelela nu vhulendo, vhahafiha mu nkaaya iya Antiyookiya ye yáali papiipi ni nsi iya Pisidiya. Isiku ilya Sabaato, vhahinjila mwi isinagoogi, vhahatendama.

iMbombo izya Vhatumwa 13:45

Ileelo aVhayuuda lwe vhaalola avhantu vhavhungiine ivhungaana ipiti, vhahavha nu mwone. Vhahanda kuhaana amazwi ge uPaavhuli ahayangaga nu kumusaamula.

iMbombo izya Vhatumwa 14:8

Mu Lisitila mwámile umuntu wumo we álemaaye ivinama. Umuntu uyo áamile wu ntendya kufuma kupaapwa kwakwe, atájenzite naalumo.

iMbombo izya Vhatumwa 20:19

Nkamuvhombelega uMwene uYeesu ku vhwahayiisye vhwonti na ku mansozi. Havhili nkayimbaga, mwe pe aVhayuuda vhahasiivhaga kungoga.

iMbombo izya Vhatumwa 23:10

Amadali lwe gonjela nkaani, umupiti wa vhasikaali ahoogopa kuuti vhangamunyonkolanya uPaavhuli. Pe ahavhavhuuzya avhasikaali vhaakwe kuuti vhinjile pahati pa Vhayuuda, inga vhamutuule uPaavhuli ku maha, vhamutwale mwi ilinga ilya vhasikaali.

iMbombo izya Vhatumwa 26:17

Ndikupohaga mu Vhayuuda avhamwinyu, na mu vhantu vhe te Vhayuuda. Ivho vhe kuuti nkusonteelezye ku kwavho,

iMbombo izya Vhatumwa 26:22

Ileelo, mwe pe uMulungu anavwizye kufishila isiku ilya ileelo ili, nimiliiye pilongolela ilya vhapiti na vhansi, kufumwa uvhwahoome. Gataliipo amazwi aganji ge nkuyanga, nkandi gegaala ge avhakuvhwi nu Moose vháyanzile, kuuti galifumila.

iMbombo izya Vhatumwa 9:16

Ine kuuti mulanje vwe yikwanzilwa kuuti ayimbe nkaani kuzya izina lyane.”

VaLoma 15:31

Mundavhilaje kuuti avhantu vhe vhatamwitisile uYeesu mu nsi iya Yudeeya vhatahambombele uvhuvhiivhi. Havhili mundavhilaje, inga avhafinjile avha ku Yelusaleemu vhiitishe kuposheela ivwa kuvhaavwa vwe nkuvhatwalila.

2 VaKolinti 1:5

Yeenya, inza vwe amayimba ge uChilisiti áyimvile gakwonjela kuli iswe, vwe woope uMulungu akwonjezya kutusuvhaalizya kutuushila kwa Chilisiti.

2 VaKolinti 1:7

Ulusuuvhilo lwitu kuli imwe lupiti, mwe pe tumanyile kuuti vwe mukuyimba inza iswe, vwe mukusuvhalizilwa inza iswe.

2 VaKolinti 12:10

Ishi indi nu luseshelo kuzya vhuyeyevhazu nu kuligwa nu kuvha mu ntamwo nu kuvha mu mayimba nu kuyimvilwa kuzya Chilisiti, mwe pe lwe nkuvha ne muyeyevhazu, pe nkuvha na maha mwa Chilisiti.

2 Timoti 4:7

Naalwa uvhulugu ahinza, ulutumvanyo ulwa luvhilo lwe nashimbilaga, ishi naamala, nazyimililila insambiilizyo izya lwitiho.

2 Peteli 2:9

Kuli izyo, uMWENE uMulungu amanyile kuvhapoha avhantu vhe vhakumushindiha kufuma mu ndingo zyavho. Havhili amanyile vwe aliivhapa isunde avhavhiivhi isiku liila ilya kuvhalonga.