2 Timoti 3:10 - ULufingwi uLupwa

¹⁰ Ileelo iwe, ulandasite insambiilizyo zyane nu lujendo lwane ni nsiivho zyane nu lwitiho lwane nu vhujimbiilizu vhwane.

Tesitamenti Umupwa 1965

¹⁰ Nkandʼiwe undandatʼine munsambilizyo namulujendo, namuli zizyo zye nakasimʼine, namulwitiho namuvuzyihamulaha namushikunzi namuvuṿindilamalema,

2 Timoti 3:10 ပူးပေါင်းရင်းမြစ်များ

uLuuka 1:3

Ishi niine naalola kuuti hinza kukusimbila izi zyonti inza vwe zyálandatiine, mwe pe nkomesheziizye ahinza uvhwanalyoli uvhwa nongwa izya Yeesu kufuma ku vhwandilo.

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

iMbombo izya Vhatumwa 20:18

Lwe vhaafiha, ahavhavhuuzya ahati, “Imwe mumanyile vwe nkatendamaga niimwe insiku zyonti, kufuma isiku lye náfisile mu Aasiya.

iMbombo izya Vhatumwa 26:4

“AVhayuuda vhonti vhamanyile ahinza nkaani vwe nkatendamaga kufuma ku vhwana vhwane mu vhantu avha mu nsi yaane, mu nkaaya iya Yelusaleemu.

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

2 VaKolinti 1:17

Vhuli, lwe nagalulanya insiivho izyo, mukusiivha kuuti ne muntu wa mangalungalu? Pamo mukusiivha kuuti ine nkulongolwa nu lukasamo lwane, kuuti nti, “Eena” havhili inti, “Ndaali!”

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

Filipi 2:20

Nkusuuvhila kumusonteelezya uweene, mwe pe ntali nu muntu uwamwavho inza uweene we angavhasaajila.

Filipi 2:22

Ileelo imwe muhomesheziizye kuuti uTiimoti akuvhomba ahinza, ávhomvile imbombo iya kulumbiilila Izwi iLyinza pooka niine inza umwana vwe akumwavwa uyise.

1 VaTesaloniki 1:5

Tumanyile vhwevhulo, mwe pe lwe tukulumbiilila kuli imwe Izwi iLyinza, tutálumbiliiye ku mazwi geeka vhweleele, nkandi twálumbiliiye ku maha na kwa Mupepo uMufinjile na ku vhwahoome uvhwinji. Havhili twámanyile kuuti Izwi iLyinza ilyo lya nalyoli. Imwe mumanyile ahinza vwe tuhatendamaga pooka niimwe, inga tuvhaavwe.

1 Timoti 1:3

Nkwanza kuuti usyale kunuukwo mu nkaaya iya Hefeeso, inza vwe nákuhomeleziizye ahavhaliilizyo he násogooye ku shigavho isha nsi isha Makedooniya. Nátili uvhalajizye avhantu kuuti vhatasambilizyaje insambiilizyo izya ilenga.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

2 Timoti 2:22

Uzishimbilaje impapilo imbiivhi izya vhujaaha. Ulandataje uvhugolosu nu lwitiho ni shikunzi nu vhutehamu. Umulaavhaje uMwene uYeesu pooka na vhaala vhe vhakumulaavha ku mwoyo umuzelu.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

2 Timoti 4:3

Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

2 Timoti 4:7

Naalwa uvhulugu ahinza, ulutumvanyo ulwa luvhilo lwe nashimbilaga, ishi naamala, nazyimililila insambiilizyo izya lwitiho.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

2 Peteli 3:11

Mwe pe uMulungu alivinanganya ivintu vwonti kwi idala ilyo, vhuli, imwe mukwanzilwa kuvha mwe vhantu vhe vhali inza vhuli? Mukwanzilwa kulandila mu vhufinjile nu kuvha nu lujendo ulwinza pilongolela ilya Mulungu,