2 Timoti 2:7 - ULufingwi uLupwa

⁷ Izyo zye nkukuvhuuzya, uzilemaje nkaani, mwe pe uMwene uYeesu kwe aakupe injeele izya kuzimanya zyonti.

Tesitamenti Umupwa 1965

⁷ Tejelezyagʼahinza Zye nkuyanga. ShʼuMwene akukupʼinjele zya kuzyaganya zyonti.

2 Timoti 2:7 ပူးပေါင်းရင်းမြစ်များ

uLuuka 21:15

Nkuvhavhuuzya isho, mwe pe ine ndiivhapa amazwi aga kuyanga nu vhushindamu uvhwa njeele, vhwe avhalugu vhiinyu vhatangatumvanya navhwo, poosye kuvhudinda.

uLuuka 24:45

Pe ahavhiigula amatwe gaavho, inga vhavhumanye uVhusimbe uvhwo,

uLuuka 9:44

“Tejeelezyi ahinza zye nkwanza kuvhavhuuzya: Ne Mwana wa Aadamu kwe vhambiishe mu nyoovhe izya vhalugu.”

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

iMbombo izya Vhatumwa 7:10

Ahamupoha mu mayimba gaakwe gonti. Havhili ahaamupa uvhushindamu uvhwa njeele pilongolela ilya Falaawo, umwene uwa ku Miisili. Kwi idala ilyo, ahamuvhiiha kuuti uFalaawo amusungwe. Pe uFalaawo ahamuvhiiha kuvha mupiti mu Miisili, na mu nyumba yaakwe yonti iya shimwene.

1 VaKolinti 12:8

UMupepo uyo akuumupa umuntu wumo ishikunjilwa isha kuyanga amazwi aga vhushindamu uvhwa njeele, uwamwavho akuumupa amazwi aga vhumanyi inza vwe akasiime wuuyo.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 1:9

Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

1 Timoti 4:15

Uvhombaje izyo ku mute waaho wonti, shiima ulujendo lwaho luvhanje apazelu ku vhantu vhonti.

2 Timoti 2:6

Woope umulimi we akulima ku mute, akwanzilwa kuuti avhanje wa kwanda kutomola ivwa mu magunda.

2 Timoti 2:8

Umukumbuhaje uYeesu Chilisiti we ázyusile, uwa mu luho ulwa mwene Daavhudi, inza vwe likuyanga Izwi iLyinza lye nkulumbiilila.

VaHebuli 12:3

Musivhiilile zye zyámwazile uYeesu, na vwe ahajimbililaga ku ziila zye avhatalamalandu vhahamudindaga, inga mutahinze mulite nu kuvunziha umwoyo.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 7:4

Ishi yeenyi uMelikizeedeki vwe áamile uvhupiti! Ilyo lye lyápeleeye uAabulahamu utaata wiitu, kuuti aamupe ishigavho shooka pa vigavho 10 mu vintu vwe ávigomile ku vhulugu.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 3:15

Uvhushindamu uvhwa njeele inza uvhwo, vhutakufuma ku mwanya, nsiivho zya mu nsi munuumu, havhili zya mu muvhili, vhukufuma kwa Seetano.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.