2 Timoti 2:5 - ULufingwi uLupwa

⁵ Havhili, umuntu we akutumvanya mu lutumvanyo ulwa luvhilo, inga atakulandata indajizyo zye zivhisiilwe, poosye inga apoota, atangapeelwa ishipambwi isha vhupooti.

Tesitamenti Umupwa 1965

⁵ Wengʼakupasʼulupaso, wope vatakumuzwihʼishipambwi ingʼatakulandata munkomelezyo zya lupaso.

2 Timoti 2:5 ပူးပေါင်းရင်းမြစ်များ

uLuuka 13:24

“Kwinjila mu vhumwene uvhwa Mulungu, kuli inza kwinjila pa mulyango umufinyanu. Nalyoli nkuvhavhuuzya vhwevhulo, mwe pe avhinji vhaliinyonywa kwinjila ileelo vhalipootwa. Ishi imwe muyikungulaje nkaani kwinjila.

Filipi 1:15

Vhamo vhakukumusya izwi ilya Chilisiti, mwe pe vhakundolela umwone, havhili vhakwanza kutumvanya niine. Ileelo vhamo, vhakukumusya izwi ilya Chilisiti ku mwoyo umugolosu.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

VaHebuli 12:4

Pooka nu kuuti mukulwa ku mute kuvhupoota uvhutalamalandu, ileelo mutaluuye uvhulugu uvhwo kufishila kwita amavhanda giinyu.

VaHebuli 2:7

Wámuvhiisile umuntu kuvha munsi kuluusya avhahavhizya ku havhaliilizyo hansi. Ileelo ishi umupiiye uvhushindamu nu mushinzi,

VaHebuli 2:9

Ileelo tukumulola uYeesu, we uMulungu ámuvhiisile kuvha munsi kuluusya avhahavhizya ku havhaliilizyo hansi. Uyo we uMulungu amupiiye uvhushindamu nu mushinzi umupiti kufumiilana nu kuyimba nu kufwa kwakwe. UMulungu ávhomvile vhwevhulo, inga kwi idala ilya vhwila vhwakwe, uYeesu afwe kuzya kuvhapoha avhantu vhonti.

Yakobu 1:12

Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

1 Peteli 5:4

UYeesu we Mudiimi uMupiti uwa vhantu vhaakwe. Lwe uweene aloleha, muliposheela ishipambwi isha vhushindamu she shitakunanjiha.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.

Ishitushizya 3:11

Nkwinza naluvhiilo. Uleme nkaani she uli nasho, atahinze umuntu akufwule ishipambwi shaaho.

Ishitushizya 4:10

pe vhoope avhasongo vhaala 24 vhakukupama. Vhakukupama pilongolela lyakwe uweene we atendiime pa shitengo isha vhumwene. Vhoope vhakumupuuta uweene we mulanzi shiima shiima, havhili vhakusumba ivipambwi vwavho pilongolela ilya shitengo isha vhumwene. Vhakuti,

Ishitushizya 4:4

Havhili ivitengo 24 vwáshizyunguluuye ishitengo shiila isha vhumwene. Mu vitengo ivwo vhátendiime avhasongo vhe vházwaye ivizwalo ivizelu ni vipambwi ivwa kukonzezya ivwa sahaabu mu matwe gaavho.