2 Timoti 2:25 - ULufingwi uLupwa

²⁵ Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

Tesitamenti Umupwa 1965

²⁵ avasundaje ninjelʼintelefu venga vakululiha, ukuti ingavanga uMulungu avapanjʼulupinduho lwe lukuvapelelʼukuvumanyinsanya uvwanalyoli,

2 Timoti 2:25 ပူးပေါင်းရင်းမြစ်များ

Matayi 11:29

Mwitishe kulongolwa niine, ngati nkambaku zye zipinyiilwe ni ijooko, musambiilile kuli ine, mwe pe ine ne mutonsu havhili njisiizye mu mwoyo waane, pe niimwe kwe muvhe nu vhutehamu mu mooyo giinyu.

Matayi 21:32

Nkuyanga vhwevhulo, mwe pe uYoohani áyinzile kuli imwe, inga avhalanje idala ilya vhugolosu, imwe mutámwitisile. Ileelo avhasonchezya musonko na vhamalaaya vhámwitisile. Poosye vhwevhulo, imwe lwe mwazilola zyonti izyo, mutátonsite uvhutalamalandu vhwinyu nu kumwitiha.”

Maliko 1:15

Ahati, “Ahavhaliilizyo aha vhumwene uvhwa Mulungu haafiha nu vhumwene uvhwa Mulungu vhupalamiiye! Mupindushe, mulyitishe Izwi iLyinza ilya Mulungu.”

Yohani 5:34

Ine ntakusuuvhila zye avhantu vhakuhomeshezya, ileelo nkuvhavhuuzya zyonti izyo, inga mupokwe.

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 20:21

Nkavhasohaga aVhayuuda na vhe te Vhayuuda kuuti vhatonte uvhutalamalandu vhwavho, vhamulandate uMulungu, nu kumwitiha uMwene wiitu uYeesu Chilisiti.

iMbombo izya Vhatumwa 5:21

Pe avhatumwa ivho lwe vhiivwa amazwi igo, vhahasogola ku Nyumba iMfinjile inzanshi nkaani, vhahataliha kuvhasambiilizya avhantu. Ahavhaliilizyo hanaaho umupuuti umupiti, pooka na vhamwavho, vhahavhiiha ulukuvhato ulwa vhalongozi, pooka na vhasongo vhonti avha Vhayuuda. Vhahavhasonteelezya avhaguulizi ku jeela, kuuti vhavhaleete avhatumwa vhaala.

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

iMbombo izya Vhatumwa 8:22

Ishi, utonte imbiivhi zyaho izyo, umulaavhe uMwene uYeesu, kuuti akuswile ku nsiivho zyaho imbiivhi izyo.

VaGalati 6:1

Vhamwitu, inga umuntu aagwa mu vhutalamalandu, imwe mwe mukulongolwa nu Mupepo mumusohaje ku vhutonsu vhwe vhukufuma kwa Mupepo, inga aleshe uvhutalamalandu vhwakwe. Havhili muvhanje minso, inga niimwe mutahinze mulingwe kululandata ulujendo lwakwe.

1 Timoti 2:4

Uweene akwanza avhantu vhonti vhapokwe nu kuuti vhavhumanye uvhwanalyoli.

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

2 Timoti 3:7

Avhantanda ivho, vhakusambiilila insiku zyonti, ileelo vhakupootwa nziila kuvhwaganya uvhwanalyoli.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.

1 Yohani 5:16

Kuli uvhutalamalandu vhwe vhutakumuvhiiha umuntu ukutali nu Mulungu shiima shiima. Inga wumo muli imwe akumulola uwamwavho akuvhomba uvhutalamalandu inza uvhwo, amulavhilaje kwa Mulungu, woope uMulungu aliimupa uvhulanzi. Yikuvha vhwevhulo, ku vhaala vhe vhakuvhomba uvhutalamalandu inza uvhwo. Ileelo kuli uvhutalamalandu vhwe vhukumuvhiiha umuntu ukutali nu Mulungu shiima shiima. Ine ntakuti amulavhilaje kwa Mulungu ku vhutalamalandu inza uvhwo.