2 Timoti 2:20 - ULufingwi uLupwa

²⁰ Mu nyumba impiti muli iviliilo ivwa mavhiila mu mavhiila. Vimo vwa sahaabu, ivwamwavho vwa mpiiya, havhili vimo vwa makwi ni vwamwavho vwa ivhumba. Vimo vwa kuvhombela imbombo iya mushinzi, ivwamwavho vwa kuvhombela imbombo ye te ya mushinzi.

Tesitamenti Umupwa 1965

²⁰ Munyumbʼimpiti mwe ṿitakuva mumwo iṿililo ṿwa sahabu niṿwa feza ṿweka ndali, nkandi niṿwa makwi niṿwʼivumba, yimo nyene ṿwa mbombʼinyinza, ṿimo ṿwa mbombo ya munyali.

2 Timoti 2:20 ပူးပေါင်းရင်းမြစ်များ

Yohani 8:49

UYeesu ahavhaamula ahati, “Ine ntali ni mpepo inkandamanu. Ine nkumushindiha uTaata waane, ileelo imwe mutakunshindiha ine.

VaLoma 9:20

Te muumwo kuvhuziilizya inza isho. We muntu we, we naanu iwe we ungadalinkana nu Mulungu? Vhuli, ishintu she shihapelwa shingamuvhuziilizya we ahashipela kuuti, “Shooni she uhampela ine inza ishi?”

1 VaKolinti 3:9

Yeenya, imbombo ye tukuvhomba ine nu Apoolo, ya Mulungu. Imwe muli ngati mwe mugunda uwa Mulungu, havhili muli ngati mwe nyumba yaakwe.

2 VaKolinti 4:7

Iswe twe tuli ngati viliilo ivwa ntope, tupeliilwe uvhuzelu uvhwo, ileelo yimanyishe kuuti, amaha amapiti aga kuvhomba imbombo iyo te giitu, gakufuma kwa Mulungu.

VaEfeso 2:22

Ishi, kwi idala ilya kusopenkana nu weene, niimwe mwe te mwe Vhayuuda mukuzengwa pa lwalo ulwa nyumba ye uMulungu akutendama. UMulungu akutendama mu nyumba iyo, kwi idala ilya Mupepo waakwe.

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.