2 Timoti 2:16 - ULufingwi uLupwa

¹⁶ Utantamaje ku mazwi aga kuyitumvwa ge gatakufuma kwa Mulungu, mwe pe gakuvhatwala avhantu ukutali nkaani nu Mulungu.

Tesitamenti Umupwa 1965

¹⁶ Usegushe kunjango zya shaha insitavunyilaMulungu. Shʼava venga vazikasime, mwe vakwonjezya nkani ukumwilʼuMulungu.

2 Timoti 2:16 ပူးပေါင်းရင်းမြစ်များ

1 VaKolinti 15:33

Mutahopelwaje na vhantu vhe vhakuyanga kuuti avhafwe te vhahazyushe, mwe pe, “Avhamanyani avhavhiivhi, vhakunanganya ulujendo ulwinza.”

1 VaKolinti 5:6

Kuyitumvwa kwinyu te kwinza. Vhuli, mutamanyile kuuti umulembo uwa kuluzizya vhunsi vhweleele, vhukuluzya umunya wonti?

1 Timoti 1:9

Havhili tumanyile kuuti indajizyo zitavhisiilwe ku vhantu avhagolosu, nkandi ku vhapuvi vhe vhatakusaajila na ku vhe vhatakumushindiha uMulungu, na vhe vhakuvhomba uvhutalamalandu. Havhili zivhisiilwe ku vhe vhakuviitilwa imbombo iya Mulungu nu kusungwa imbombo izya mu nsi, na ku vhe vhakugoga avhayise na vhanyina, na vhagozi avhanji vhonti.

1 Timoti 4:7

Uvihaanaje ivwili ivwa vhasongo vwe vitali ni ilonka, nkandi uyiluvhizyaje weneewe kuvha nu lujendo ulwinza pilongolela ilya Mulungu.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 2:14

Uvhakumbusyaje avhantu izyo nu kuvhasoha pilongolela ilya Mulungu, inga vhaleshe kudalinkana ku mazwi ge gatakwanzilwa. Amadali igo gatali nu vhwinza naavhumo, gakuvhananganya vhweleele vhe vhakutejeelezya.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

uTiiti 1:11

mwe pe vhakuvhapuvwa avhantu mu nyumba inyinji, lwe vhakusambiilizya zye zitakwanzilwa. Vhakuvhomba izyo, inga vhazyaje impiiya!

uTiiti 1:14

Havhili vhakwanzilwa kuuti vhatatejelezyaje ivwili ivwa Vhayuuda ni ndajizyo zye zisimviilwe na vhantu vhe vhakuvhuhaana uvhwanalyoli.

uTiiti 3:9

Pooka niizyo, uyidindaje na madali aga vhupukuuku aga kutaha amazina wooka wooka aga vhataata vhe vhahafwa. Utatumvanyaaje ku ziila zye zili mu ndajizyo, havhili utavhanje nu vhulumaluma, mwe pe izyo zyonti zitangavhaavwa naashimo, zya shaaha vhweleele!

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

2 Peteli 2:2

Havhili avhantu avhinji vhalilandataga amadala gaavho aga vhulugusu. Kuli izyo, vhamo vhaliyanda kulisaamula idala ilya nalyoli.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 13:3

Nkalola itwe ilya shihanu isho lyoka mu gaala 7 lili nu vhuvwalale uvhwa kushigoga, ileelo uvhuvwalale uvhwo vhuhapola. Insi yonti yihasukumila nu kushilandata ishihanu isho.