2 Timoti 2:15 - ULufingwi uLupwa

¹⁵ Uyifumwaje ku mute kuyilolesya kuuti we muvhomvi we uyitishiliilwe nu Mulungu. Usambilizyaje izwi ilya nalyoli vwe uMulungu akwanza, nu kuvha we muvhomvi we atakulola insoni.

Tesitamenti Umupwa 1965

¹⁵ Uyikungule ukutʼuMulungu akwenye ukuva we mutungamu, umuvomyi umusitansoni, wʼakugolosyʼukuvagavanyʼavantu izwi lya nalyoli.

2 Timoti 2:15 ပူးပေါင်းရင်းမြစ်များ

Matayi 13:52

Pe woope ahavhaamula ahati, “Umusambiilizi uwa ndajizyo izya Moose we musundikwa mu vhumwene uvhwa Mulungu, akuvha inza umuhaata nyumba we akufumwa ivintu ivipwa ni vikaali mu nkoma yaakwe.”

Maliko 4:33

UYeesu ahavhavhuzyaga avhantu ku viholanyo ivinji inza ivi, kulandatana na vwe vhahatejelezyaga.

uLuuka 12:42

UMwene ahamwamula ahati, “Pe ishi, wu naanu umwimiilizi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

iMbombo izya Vhatumwa 20:27

Ntázyisile inga hansi kuvhalumbiilila zyonti zye uMulungu akasiime.

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

VaLoma 16:10

Mundamushile uApeele, we atuusile mu ndingo inyinji nu kwitishilwa nu Chilisiti, havhili mundamushile avhantu avha mu nyumba iya Alisitoobulo.

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

1 VaKolinti 2:6

Ileelo zye tukuyanga zye zya vhushindamu uvhwa njeele ku vhantu vhe vhagomile mu lwitiho. Uvhushindamu uvhwa njeele uvhwo te vhwa pa nsi ipa, havhili te vhwa vhapiti avha pa nsi ipa, vhe kukonzya kwavho kukusila.

2 VaKolinti 10:18

Umuntu wonti we akuyihomeshezya inyinza wuuyo atakwitishilwa, nkandi we uMwene uYeesu akumuhomeshezya inyinza.

2 VaKolinti 3:6

Uweene we atupiiye amaha aga kuvha twe vhavhomvi avha lufingwi ulupwa, lwe lukufuma kwa Mupepo uMufinjile. Ulufingwi ulwo te ndajizyo zye zisimviilwe, mwe pe indajizyo zye zisimviilwe zikuleeta uvhufwe, ileelo uMupepo uMufinjile akuleeta uvhulanzi.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

2 VaKolinti 5:9

Kuli izyo, insiivho zyitu kwe kumuhondezya uMwene, inga tuli mu muvhili uno, poosye inga tutali mu muvhili uno.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

1 VaTesaloniki 2:4

Ileelo tukulumbiilila, mwe pe uMulungu átuvhwenyi kuuti tuhondeeye, ahaatupa imbombo iya kulumbiilila Izwi iLyinza. Tutakusuuvhila kuvhahondezya avhantu, tukwanza kumuhondezya uMulungu, we akwenyeelezya zyonti zye zili muhati mu mooyo giitu.

1 VaTesaloniki 5:14

Vhamwitu, tukuvhalambiilizya kuuti muvhasohaje avhahata nu kuvhagomwa vhe vhavunzisile amooyo. Havhili muvhagomwaje vhe vhatali na maha nu kuvhajimbiilila avhantu vhonti.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

Yakobu 1:12

Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

2 Peteli 1:10

Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.

2 Peteli 1:15

Kuli izyo, kwe nkanyile kuvhavhuuzya zyonti izyo, kuuti inga lwe uvhulanzi vhwane vhwasila muhazikumbuhaje ahavhaliilizyo honti.

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.