2 Timoti 2:11 - ULufingwi uLupwa

¹¹ Kuli izwi ilya nalyoli lye likuti, “Inga twafwa pooka nu Chilisiti, tulitendama pooka nawo.

Tesitamenti Umupwa 1965

¹¹ Litungamu izwi lye likuti: Inga tukufwa poka nawo, pe tulilandila poka nawo vovulo;

2 Timoti 2:11 ပူးပေါင်းရင်းမြစ်များ

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

VaLoma 6:5

Ishi, mwe pe twásopenkiine nu Chilisiti mu vhufwe vhwakwe lwe twozelwa, havhili kwi idala ilyo, tuhaholana nawo mu vhufwe vhwakwe, vhwevhulo nalyoli uMulungu akutuholanya nawo mu luzyuho lwakwe.

VaLoma 6:8

Ishi, mwe pe twáfuuye pooka nu Chilisiti, tukwitiha kuuti tulilandila pooka nawo.

2 VaKolinti 13:4

Poosye she uChilisiti áali muyeyevhazu lwe akuhomeelwa pa shihovhenkanyo nu kufwa, ishi mulanzi ku maha aga Mulungu. Vhwevhulo, niiswe ishi twe vhayeyevhazu inza vwe uChilisiti áali, poosye vhwevhulo tuliivha twe vhalanzi ku maha aga Mulungu, inza vwe uChilisiti ali.

2 VaKolinti 4:10

Insiku zyonti, amavhili giitu gali mu ntamwo izya kufwa inza uYeesu, inga uvhulanzi vhwakwe vhuloleshe mu mavhili giitu.

1 VaTesaloniki 4:17

Pe iswe swe vhapuuma, twe tusyaye, tulisompolwa pooka navho mu mavhingo, inga tumuposheele uMwene uYeesu kumwanya. Pe tulitendama pooka nawo shiima shiima.

1 VaTesaloniki 5:10

Uyo we ahafwa ku zyitu, inga tuvhanje pooka nawo, lwe twe vhapuuma, poosye lwe tufuuye.

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

1 Timoti 3:1

Kuli izwi ilya nalyoli lye likuti, “Inga umuntu akunyonywa imbombo iya kuvha mwimiilizi uwa shivhanza, akunyonywa imbombo inyinza.”

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.