2 Timoti 1:8 - ULufingwi uLupwa

⁸ Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

Tesitamenti Umupwa 1965

⁸ Mwe mumwo lelo utafwanjʼinsoni ukuhomeshezyʼuMwene witu, havili nakukwane ne mukungwa wakwe, nkandi uyimbile poka naswe panongwa zyʼIvangeli ukulandata mumaha ge gakufuma kwa Mulungu,

2 Timoti 1:8 ပူးပေါင်းရင်းမြစ်များ

Maliko 8:38

Umuntu wonti we akundolela insoni ine na mazwi gaane ku vhavhembu na vhatalamalandu avha havhaliilizyo iha, niine ne Mwana wa Aadamu, ndimuhaana lwe nkwinza havhili nu vhushindamu uvhwa Taata waane, pooka na vhahavhizya avhafinjile.”

uLuuka 9:26

Umuntu wonti we akunkaana ine ni nsambiilizyo zyane pa vhantu, niine ne Mwana wa Aadamu lwe nkwinza mu vhushindamu vhwane, nu vhwa Taata nu vhwa vhahavhizya avhafinjile, ndimuhaana umuntu uyo.

Yohani 15:27

Havhili, niimwe mulivhahomeshezyaga avhantu avhanji, mwe pe muli pooka niine kufuma ku vhwandilo.”

Yohani 19:35

Inongwa izi zisimviilwe nu muntu we ázivhwenyi, lwe zikuvhombeha. Zye akuyanga zya nalyoli, havhili woope amanyile kuuti zye akuyanga zya nalyoli. Pe akuhomeshezya, inga niimwe mwitishe.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

VaLoma 8:36

Izyo zikuvhalilana nu Vhusimbe uVhufinjile vwe vhusimviilwe kuuti, “Insiku zyonti, tukupulumulwa kutugoga, mwe pe tukukuvhombela iwe. Iswe tukuvhombelwa havhiivhi inza ingʼonzi zye zikusogola kuvhoolwa.”

VaLoma 9:33

Inongwa izi zikuvhalilana na vwe uMulungu áyanzile mu Vhusimbe uVhufinjile kuuti, “Yeenya, mu nkaaya iya Sayuuni mbiisile ivhwe lye avhantu vhakupunula. Ivhwe lye lilivhapelela avhantu kuuti vhavhanje vhakugwa. Ileelo umuntu wonti we akumwitiha uyo we livhwe ilyo, te ahasuupile naalumo!”

1 VaKolinti 1:6

Uvhudumbwe vhwinyu uvhwo, vhukuhomeshezya kuuti, Izwi iLyinza ilya Chilisiti lye twálumbiliiye kuli imwe lya nalyoli.

2 VaKolinti 6:7

Havhili tukulolesya kwi idala ilya kulumbiilila izwi ilya nalyoli, tukuvhomba izyo zyonti ku maha aga Mulungu. Uvhugolosu she shilwilo shiitu, uluvhazu ulwa kundiilo nu lwa kumongo.

VaEfeso 3:1

Kuli izyo, ine ne Paavhuli ne nkunziilwe mu jeela kuzya kuvhomba imbombo iya Chilisiti uYeesu kuli imwe mwe te mwe Vhayuuda, nkuvhalaavhila imwe.

VaEfeso 3:13

Ishi nkulaavha mutahavunzishe amooyo kuzya mayimba ge nkuyimba ku zyinyu. Amayimba igo gakuvhaleetela uvhushindamu shiima shiima.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.

Filipi 4:13

Nkuvhwezya kuvhomba zyonti izyo, kwi idala ilya Chilisiti we akumpa amaha.

Kolosi 1:11

Tukuvhalaavhila kuuti, uMulungu aavhape amaha kulandatana na maha gaakwe ge gali nu vhushindamu, inga muvhwezye kujimbiilila ku zyonti,

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

1 VaTesaloniki 3:4

Mumanyile isho, mwe pe lwe twáli niimwe, tuhavhavhuzyaga kuuti tuliyimvilwa. Ishi vwe zili.

1 Timoti 2:6

Uweene áyifumwizye kuuti afwe kuvhatavhula avhantu vhonti. Uvhwo vhwe vhwahoome vhwe uMulungu ahomesheziizye ku havhaliilizyo he hahondeeye.

2 Timoti 1:10

Ishi atulolesiizye apazelu uvhwila vhwakwe uvhwa kwinza ukwa Chilisiti uYeesu uMuposhi wiitu. Uweene ávhupoosite uvhufwe kwi idala ilya Izwi iLyinza, álolesiizye vwe avhantu vhalilandila shiima.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

2 Timoti 1:16

Ileelo uMwene uYeesu avhafwilaje uvhwila avhantu avha mu nyumba iya Nesifoolo, mwe pe uNesifoolo ahanavwaga ulwinji mu mayimba gaane amapiti. Havhili atahalolaga insoni kuzya kuuti nkunziilwe na manyoloolo iga.

2 Timoti 2:3

Ujimbililaje mu mayimba pooka niine, inza umusikaali umwinza uwa Chilisiti uYeesu.

2 Timoti 2:8

Umukumbuhaje uYeesu Chilisiti we ázyusile, uwa mu luho ulwa mwene Daavhudi, inza vwe likuyanga Izwi iLyinza lye nkulumbiilila.

2 Timoti 2:9

Izwi ilyo lye likumbiiha kuuti njimbaje nu kukungwa na manyoloolo ngati ne muvhomba mbiivhi. Ileelo izwi ilya Mulungu litakukungwa!

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

2 Timoti 4:5

Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 1:2

Pe woope uYoohani ahahomeshezya zyonti zye ázivhwenyi, zye lizwi lya Mulungu nu vhwahoome uvhwa Yeesu Chilisiti.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 12:11

Vhoope vhamupoosite ku mavhanda aga Hagonzi aha MWENE uMulungu, na kwi izwi lye vháhomesheziizye. Ivho vhe vhatahavhumwamihaga uvhulanzi vhwavho, havhili vhatahogopaga kufwa.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”