2 Timoti 1:5 - ULufingwi uLupwa

⁵ Nkukumbuha vwe umwitisile uMulungu ishisita ishifumbo, inza vwe unyinakulu waaho uLooyisi, nu maayi waaho uEwuniike vhoope vhamwitisile. Ishi indi nu vhwanalyoli kuuti vhwevhulo, vwe niiwe uli.

Tesitamenti Umupwa 1965

⁵ Zimo zinkumbusizyʼulwitiho lwaho lwʼuli nalwo ulusitamafuji nagamo, lwe lwatalisilʼukuzenga mwa nyohokulu uLoyisi, namwa nyohombala uYinike, lwe nkutungamiye nawe ukuti luzenzile namumwaho.

2 Timoti 1:5 ပူးပေါင်းရင်းမြစ်များ

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

iMbombo izya Vhatumwa 16:1

Pisinda, uPaavhuli ahafiha ku Deelibe suuti, havhili ahafiha ku Lisitila. Ku Lisitila ukwo ahatendamaga nu mulandati wumo uwa Yeesu, we izina lyakwe vhahatinji uTiimoti. Unyina áamile Muyuuda, we ámwitisile uYeesu, ileelo uyise áamile Muyunaani.

iMbombo izya Vhatumwa 26:26

Umwene uAgiliipa woope azimanyile ahinza. Nkuhomeshezya kuuti zitaliipo naazimo zye zihamutuuha, mwe pe zihavhombehaga apazelu. Ye nongwa nkuyanga nawo izi ku vhudandamazu.

VaLoma 14:14

Imanyile, havhili uMwene uYeesu andolesiizye apazelu uvhwanalyoli kuuti, shitaliipo ishaakulya shimo she shihombezu, nkandi inga umuntu aalola kuuti ishaakulya shimo shihombezu, pe ishaakulya isho shikuvha shihombezu ku kwakwe.

VaLoma 14:5

Umuntu wumo akulishindiha isiku limo kuluusya izinji, wumo akulola kuuti insiku zyonti ziholiine. Ishi umuntu wonti alandataje zye akulola kuuti nyinza mu mwoyo waakwe.

VaLoma 15:14

Mwe vhamwitu, ine neneene, nalyoli imanyile kuuti imwe mwizuuye uvhwinza nu kumanya zye zikwanzilwa kuvhomba, havhili mungasambilizanya.

VaLoma 4:21

mwe pe nalyoli ámanyile kuuti uMulungu kwe avhombe ziila zye áfinzile ku kwakwe.

VaLoma 8:38

Nalyoli imanyile kuuti naashimo ishintu she shingatulehaanya ni shikunzi isha Mulungu. Vhuvhe vhufwe, poosye vhulanzi, vhavhe vhe vhahavhizya, poosye avha maha ku mwanya, zivhe zye ziliipo, poosye zye zikwinza, poosye vivhe vipelwa vwe vili na maha,

2 VaKolinti 6:6

Havhili tukulolesya kuuti twe vhavhomvi avha Mulungu ku mooyo giitu amazelu na ku vhumanyi na ku vhujimbiilizu na ku vhutesi na kwi idala ilya kulongolwa nu Mupepo uMufinjile na ku shikunzi she shitali ni shifumbo.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

2 Timoti 3:15

Kufuma ku vhwana vhwaho, wámanyile ahinza uVhusimbe uVhufinjile vhwe vhuli na maha aga kuukupa uvhushindamu uvhwa njeele, inga ufishile kuvhwaga uvhuposhi kwi idala ilya kumwitiha uChilisiti uYeesu.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

VaHebuli 6:9

Vhankundwa, pooka nu kuuti tukuvhasimbila ku mazwi amahali, nalyoli tumanyile kuuti mukuvhomba inyinza zye zikusuuvhilwa ku vhe vhapokwilwe.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.