2 Timoti 1:4 - ULufingwi uLupwa

⁴ Nkukumbuha amansozi gaaho lwe tuhalehaanaga. Nsamvile kukulola, inga mbe nu luseshelo.

Tesitamenti Umupwa 1965

⁴ Nkukusamba nkani lwe nkukumbuhʼamansozi gaho, ukuti nizulaje uluseshelo.

2 Timoti 1:4 ပူးပေါင်းရင်းမြစ်များ

Yohani 16:22

Vhwevhulo, niimwe muli nu vhuswimiilizu ahavhaliilizyo iha, ileelo kwe ninze havhili kuli imwe, pe kwe muvhe nu luseshelo mu mooyo giinyu. Ataliipo we aliyeefwa uluseshelo ulwo mu mooyo giinyu.

Yohani 16:24

Kufishila ishi mutalaavile naashimo kwi izina lyane. Mumulaavhaje uMulungu, pe woope kwe avhapanje. Kwi idala ilyo, kwe mujendeelele kuvha nu luseshelo nkaani mu mooyo giinyu.”

iMbombo izya Vhatumwa 20:19

Nkamuvhombelega uMwene uYeesu ku vhwahayiisye vhwonti na ku mansozi. Havhili nkayimbaga, mwe pe aVhayuuda vhahasiivhaga kungoga.

iMbombo izya Vhatumwa 20:31

Pe ishi, muvhe minso! Mukumbushe kuuti, ntálisite kuvhasoha mwenti ku mansozi uvhusiku nu musanya ku havhaliilizyo aha maaha gatatu.

VaLoma 1:11

Nyonyiilwe nkaani kuvhavuula, inga ninze indilizanye ishikunjilwa isha mwa Mupepo uMufinjile isha kuvhagomwa amooyo giinyu,

Filipi 1:8

UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

Filipi 2:26

Niishi avhasamvile nkaani imwe mwenti. Aswimiliilwe nkaani, mwe pe imwe mwivuuye kuuti aamile muvhinu.

1 VaTesaloniki 2:17

Mwe vhamwitu, kulehaana kwitu niimwe kwámile kwa havhaliilizyo hansi vhweleele, havhili kulehaana ukwo kwámile kwa muvhili, te kwa mooyo haa. Mwe pe ku havhaliilizyo honti iho, twínzile twasamba kuuti tuvhalole havhili.

2 Timoti 4:21

Ukanyile kwinza uku naluvhiilo, lwe ahavhaliilizyo aha lupepu hashiili kwanda. UEebulo nu Puude nu Liino nu Kilawudiya na vhamwitu avhanji vhonti vhakukulamuha.

2 Timoti 4:9

Tiimoti, ukanyile kwinza kuli ine naluvhiilo.

1 Yohani 1:4

Tukuvhasimbila izi, inga uluseshelo lwitu luvhe lupiti.

Ishitushizya 21:4

Uweene alivhasyumula amansozi gaavho gonti. Uvhufwe te vhuhaavhe havhili, poosye uvhuvhaavi, poosye inkuuta, poosye kuloosya, mwe pe izya hali zituusile!”

Ishitushizya 7:17

Mwe pe aHagonzi aha MWENE uMulungu he hali pamwanya pa shitengo isha vhumwene halivhadiima. Hoope halivhatwala ku viduda ivwa minzi ge gakufumwa uvhulanzi. Havhili uMulungu woope alivhasyumula amansozi gonti ku minso gaavho.’”