2 Timoti 1:3 - ULufingwi uLupwa

³ Nkumusalifwa uMulungu we nkumuvhombela ku mwoyo umuzelu, inza vwe avhataata vhaane vhoope vhahavhombaga. Nkumusalifwa ku mbombo yaaho, havhili nkukukumbuha mu mpuuto zyane uvhusiku nu musanya.

Tesitamenti Umupwa 1965

³ Nkugwʼulupi kwa Mulungu we nanzite ukumuvombela kwe kuvasekulu ne wa nyenyezyʼinzelu, lwe nkukukumbuha mumputo zyane umusanya nashavusiku.

2 Timoti 1:3 ပူးပေါင်းရင်းမြစ်များ

uLuuka 2:37

Kufuma ipo umulume waakwe áfuuye, ahasyala muziishe, ahafisya amaaha 84 kufuma kupaapwa kwakwe. Ahavhaliilizyo honti ahavhanga pa Nyumba iMfinjile, ahamupuutaga uMulungu uvhusiku nu musanya kwi idala ilya kulaavha nu kuyiima kulya.

iMbombo izya Vhatumwa 22:3

“Ine ne Muyuuda, nápafwilwe mu Taaso, mu shigavho isha nsi isha Kiliikiya. Ileelo nkuliiye pa Yelusaleemu panaapa. UGamaliyeeli we ansambiliziizye indajizyo zyonti zye avhataata vhiitu vhátulesheeye. Nkayikungulaga kwa Mulungu ku mute wonti, inza imwe vwe mukuyikungula ileelo ili.

iMbombo izya Vhatumwa 23:1

UPaavhuli ahavhatontomela avhantu ivho avha mu lukuvhato, ahavhavhuuzya ahati, “Vhamwitu, kufishila ileelo ili indi she ntendiime nu mwoyo umwinza pilongolela ilya Mulungu.”

iMbombo izya Vhatumwa 24:14

“Ileelo lye nkwitiha pilongolela lyaho, lye lino ilya kumupuuta uMulungu uwa vhataata vhiitu nu kulilandata Idala ilya Mwene uYeesu, pooka nu kuuti avheene vhakuti shipuuto she te sha muumwo. Havhili nkuzyitiha zyonti zye zisimviilwe mu makalaata aga ndajizyo izya Moose na mu makalaata aga vhakuvhwi.

iMbombo izya Vhatumwa 24:16

Kuli izyo, nkuyikungula kuvha nu mwoyo umuzelu insiku zyonti, inga ntahaavhe nu lukwinkwino pilongolela ilya Mulungu na pilongolela ilya vhantu.

iMbombo izya Vhatumwa 26:4

“AVhayuuda vhonti vhamanyile ahinza nkaani vwe nkatendamaga kufuma ku vhwana vhwane mu vhantu avha mu nsi yaane, mu nkaaya iya Yelusaleemu.

iMbombo izya Vhatumwa 27:23

Ine ne muntu wa Mulungu, havhili ne muvhomvi waakwe. Ileelo uvhusiku uhavhizya waakwe amfumiiye.

VaLoma 9:1

Nkuyanga uvhwanalyoli, mwe pe nkumwitiha uChilisiti. Havhili umwoyo waane we wukulongolwa nu Mupepo uMufinjile, woope wukuhomeshezya kuuti nkuyanga uvhwanalyoli, ntakuluma ilenga.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

VaGalati 1:14

Nalyoli návhapoosite avhamwitu avhinji vhe twákuzile pooka navho, kulwila shipuuto shiitu isha Vhuyuuda. Nákanyiiye nkaani kugalema amaata aga vhataata vhiitu.

VaEfeso 1:16

ntalesile kumusalifwa uMulungu ku zyinyu, poosye kuleha kuvhalaavhila.

1 VaTesaloniki 3:10

Uvhusiku nu musanya tukumulaavha uMulungu ku mute, kuuti atwavwe twinze havhili kuli imwe, inga tuvhaavwe she musovheliilwe mu lwitiho lwinyu.

1 Timoti 1:19

Ululemaje ulwitiho lwaho, nu kuvha nu mwoyo umwinza. Izyo, vhamo vhatázisajiiye, pe zihaazya ulwitiho lwavho kuuti lunanjishe lwonti.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Timoti 5:5

Umuziishe wonti we atali na vha kumwavwa, uweene avhiisile ulusuuvhilo lwakwe kwa Mulungu weeka, akulaavha kuuti amwavwaje uvhusiku nu musanya.

2 Timoti 1:5

Nkukumbuha vwe umwitisile uMulungu ishisita ishifumbo, inza vwe unyinakulu waaho uLooyisi, nu maayi waaho uEwuniike vhoope vhamwitisile. Ishi indi nu vhwanalyoli kuuti vhwevhulo, vwe niiwe uli.

2 Timoti 3:15

Kufuma ku vhwana vhwaho, wámanyile ahinza uVhusimbe uVhufinjile vhwe vhuli na maha aga kuukupa uvhushindamu uvhwa njeele, inga ufishile kuvhwaga uvhuposhi kwi idala ilya kumwitiha uChilisiti uYeesu.

VaHebuli 13:8

UYeesu Chilisiti atakwanduha. Uweene ali inza vwe áali ku vhwandilo, ahavhaliilizyo iha na shiima.