2 Timoti 1:13 - ULufingwi uLupwa

¹³ Amazwi gonti ge ugivuuye ku kwane ga nalyoli, ugaleme. Usambiilile genego, havhili shivhe shiholanyo mu lwitiho ni shikunzi she shili mwa Chilisiti uYeesu.

Tesitamenti Umupwa 1965

¹³ Amazwi amalanzi gʼuyiṿuye kukwane lwʼuli mulwitiho namushikunzi she shili mwa Chilisiti Yesu, gavanje shiholanyo sha kwenyelezya mumwʼiwe.

2 Timoti 1:13 ပူးပေါင်းရင်းမြစ်များ

VaLoma 2:20

Havhili, ukuyilola kuuti we musambiilizi uwa vhaana na vhantu avhapukupuuku, mwe pe indajizyo zyaho zikukuvhuuzya inongwa izya vhushindamu uvhwa njeele vhwonti nu vhumanyinsanyi uvhwa nalyoli.

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Filipi 4:9

Muvhombaje zyonti zye mwásambiliiye nu kuziposheela kuli ine, izyo zye mwázyivuuye nu kuzilola. Muzivhombaje izyo, pe uMulungu we akuuvhapa uvhutehamu, aliivha pooka niimwe.

Kolosi 1:4

Tukuvhomba vhwevhulo, mwe pe twivuuye kuuti mukumwitiha uChilisiti uYeesu nu kuvhakunda avhafinjile vhonti.

1 VaTesaloniki 5:21

ileelo muvhulingaje vhwonti nu kuvhulandata vhwe vhwinza.

1 Timoti 1:10

Indajizyo izyo zya vhalugusu, na vhe vhakuvhomba uvhuvhembu avhanaavuli ku vhanaavuli, vhe vhakuvhakazya avhazya, avha ilenga na vhe vhakulapa izya ilenga. Havhili zya vhanji vhonti vhe vhakuvhomba lyonti lye likusugaana ni nsambiilizyo izya nalyoli.

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

1 Timoti 6:3

Kuli avhantu vhe vhakusambiilizya amazwi aga ilenga, ge gatakuvhalilana na mazwi aga vhulanzi aga Mwene wiitu uYeesu Chilisiti, ni nsambiilizyo zye zitakuvhaavwa avhantu kuvha nu lujendo ulwinza pilongolela ilya Mulungu.

2 Timoti 1:1

Ukalaata uno nsimvile neene ne Paavhuli, ne mutumwa uwa Chilisiti uYeesu ku lukasamo ulwa Mulungu. Ansonteleziizye kuuti ndumbililaje avhantu izya lufingwi ulwa vhulanzi mwa Chilisiti uYeesu.

2 Timoti 1:14

Izwi iLyinza lye uMulungu akupiiye, uligulilaje ku maha aga Mupepo uMufinjile we akutendama muhati yiitu.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

2 Timoti 3:14

Ileelo iwe ugalemaje amazwi ge wásambiliiye nu kuhomeshezya kuuti ga nalyoli, mwe pe uvhamanyile vhe vhakusambiliziizye.

2 Timoti 4:3

Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

uTiiti 1:9

Havhili akwanzilwa kuuti avhanje muntu we akugalema amazwi aga nalyoli, inza vwe asambiliiye, inga avhagomwaje avhanji ku nsambiilizyo izya nalyoli nu kuvhapoota vhe vhakuzidindanjizya.

uTiiti 2:1

Ileelo iwe Tiiti, uvhasambilizyaje avhantu kulandatana ni nsambiilizyo izya nalyoli.

uTiiti 2:8

Amazwi gaaho gavhanje ga nalyoli, inga ahavhaliilizyo he avhantu vhakulinga kuuti vhakudinde, vhapotwaje izwi ilya kukuliga, pe vhasupilaje.

VaHebuli 10:23

Ishi pe tulemeelele nziila ulwitiho ulwo lwe tukulwitiha, mwe pe uweene we áfinzile mutungamu.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.

Ishitushizya 2:25

ileelo mulemaje nkaani she muli nasho, kufishila ahavhaliilizyo he ndiyinza.

Ishitushizya 3:11

Nkwinza naluvhiilo. Uleme nkaani she uli nasho, atahinze umuntu akufwule ishipambwi shaaho.

Ishitushizya 3:3

Pe ishi, ukumbushe vwe wáposheleeye na vwe wívuuye, uzileme izyo nu kupinduha. Ileelo inga utavhuuha, ndiyinza kwi idala ilya kwitushizya inza umwivha, pe te uhaamanye ahavhaliilizyo he indiyinza kuli iwe.