2 Timoti 1:12 - ULufingwi uLupwa

¹² Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

Tesitamenti Umupwa 1965

¹² Mwe mumwo nkuziyimbila zyenezyo, nkandi ntali ninsoni, shʼimumanyile wʼimwitisile. Imutungamiye ukuti ahantu hane he mpelilwe munyove alihasunjilila ukufiha pisiku lila.

2 Timoti 1:12 ပူးပေါင်းရင်းမြစ်များ

Matayi 12:21

Havhili, vhe te Vhayuuda vhalilisuuvhila izina lyakwe.”

Matayi 24:36

“Ileelo izya isiku liila na havhaliilizyo haala, ataliipo umuntu we amanyile, poosye avhahavhizya vhe vhali ku mwanya, poosye uMwana, nkandi we Taata weeka vhweleele.

Matayi 7:22

Isiku ilya vhulonzi inga lyafiha, avhantu avhinji vhaliyanga vhaliiti, ‘We Mwene! Vhuli, tutahakuvhwaga nu kufumwa impepo inkandamanu nu kuvhomba amafindango aminji kwi izina lyaho?’

uLuuka 10:12

Nalyoli nkuvhavhuuzya kuuti, isiku ilya vhulonzi, avhantu avha mu nkaaya iyo vhaliposheela isunde ipiti kuluusya avhantu avha mu nkaaya iya Sodooma!”

uLuuka 23:46

UYeesu ahavhilishila kwi izwi ipiti ahati, “We Taata! Nkuyivhiiha mu nyoovhe zyaho.” Lwe ayanga izyo, ahafwa.

Yohani 17:15

We Taata, ntakulaavha kuuti uvheefwe mu nsi umu, nkandi kuuti uvhaguulile nu Muvhiivhi ula uSeetano.

Yohani 6:44

Ataliipo umuntu we anginza ku kwane, inga uTaata waane we ansonteleziizye atamulongooye. Niine ndimuzyusya isiku ilya vhusililishilo.

iMbombo izya Vhatumwa 13:46

Pe avha Paavhuli nu Balinaaba vhahavhaamula aVhayuuda ivho ku vhudandamazu vhahati, “Yáhondeeye izwi ilya Mulungu lilumbiililwe suuti kuli imwe mwe Vhayuuda. Ileelo mwalihaana, nu kuyilola kuuti mutahondeeye kuvha nu vhulanzi uvhwa shiima shiima. Ishi, twavhaleha, twasogola ku vhantu vhe te Vhayuuda,

iMbombo izya Vhatumwa 13:50

Ileelo aVhayuuda vhahavhasonjeelezya avhantanda avha mushinzi vhe te Vhayuuda vhe vhahamunyilaga uMulungu, na vhapiti avha nkaaya iyo. Ivho vhahavhasonjeelezya avhantu kuuti vhavhayimvwe avha Paavhuli nu Balinaaba, vhahavhashimbizya mu nsi yaavho.

iMbombo izya Vhatumwa 21:13

Ileelo uweene ahatwamula ahati, “Mukuhonzya vhuli kukuuta nu kumvunza umwoyo? Ine nitisile zyonti, te kwe kukungwa kweka vhweleele, nitisile nu kufwa ku Yelusaleemu kuzya izina ilya Mwene uYeesu.”

iMbombo izya Vhatumwa 7:59

Lwe vhakumuhoma uSiteefani na mavhwe, uweene ahalaavhaga ahatinji, “Mwene Yeesu, uvhuposheele uvhupuuma vhwane!”

iMbombo izya Vhatumwa 9:16

Ine kuuti mulanje vwe yikwanzilwa kuuti ayimbe nkaani kuzya izina lyane.”

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

VaLoma 9:33

Inongwa izi zikuvhalilana na vwe uMulungu áyanzile mu Vhusimbe uVhufinjile kuuti, “Yeenya, mu nkaaya iya Sayuuni mbiisile ivhwe lye avhantu vhakupunula. Ivhwe lye lilivhapelela avhantu kuuti vhavhanje vhakugwa. Ileelo umuntu wonti we akumwitiha uyo we livhwe ilyo, te ahasuupile naalumo!”

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

1 VaKolinti 3:13

Imbombo izya vhantu vhonti zililoleha vwe zili. Isiku liila ilya vhulonzi imbombo zyonti ziliivha apazelu, mwe pe imbombo izya vhantu vhonti zililingwa pa mwoto uwa vhulonzi.

Filipi 1:20

Nkusuuvhila nkaani kuuti te nkasuupile naalumo, ileelo kwe njendeelele kuvha nu vhudandamazu ishi na havhaliilizyo honti. Kwe mbombe vhwevhulo, inga uChilisiti ajendeelele kutiimwa ku zyonti zye nkuvhomba, yivhe ku vhulanzi vhwane, poosye ku vhufwe vhwane.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.

Filipi 3:21

Uweene aligalulanya amavhili giitu ge gayeyevhaaye, inga gaholane nu muvhili waakwe uwa vhushindamu. Alivhomba isho ku maha gaakwe aga kukonzya ivintu vwonti.

Filipi 3:8

Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

1 VaTesaloniki 2:16

mwe pe vhakutuhaana kuvhalumbiilila avhantu vhe te Vhayuuda Izwi iLyinza. Vhakwanza kuuti avhantu vhatahaapokwe. Shiniisho vwe vhakujendeelela kulunjisya uvhutalamalandu vhwonti vhwe vhakuvhomba amanda gonti. Ileelo ishi uvhuhalazu vhwa Mulungu vhwavhafishila!

1 VaTesaloniki 5:4

Ileelo imwe vhamwitu, isiku ilyo te lihavhitushizye inza umwivha, mwe pe mutali mu shiisi inza avhantu vhe vhakumusuufwa uMulungu.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 1:14

Izwi iLyinza lye uMulungu akupiiye, uligulilaje ku maha aga Mupepo uMufinjile we akutendama muhati yiitu.

2 Timoti 1:16

Ileelo uMwene uYeesu avhafwilaje uvhwila avhantu avha mu nyumba iya Nesifoolo, mwe pe uNesifoolo ahanavwaga ulwinji mu mayimba gaane amapiti. Havhili atahalolaga insoni kuzya kuuti nkunziilwe na manyoloolo iga.

2 Timoti 1:18

Umanyile ahinza vwe ahanavwaga mu nkaaya iya Hefeeso. UMwene uYeesu ahamufwile uvhwila pi isiku ilya kulonga insi!

2 Timoti 1:8

Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

2 Timoti 2:9

Izwi ilyo lye likumbiiha kuuti njimbaje nu kukungwa na manyoloolo ngati ne muvhomba mbiivhi. Ileelo izwi ilya Mulungu litakukungwa!

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 2:18

Mwe pe uweene áyimviliilwe nu kulingwa, angavhaavwa vhe vhakulingwa.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Peteli 4:16

Ileelo umuntu inga akuyimba, mwe pe Muchilisiti, atalolaje insoni, nkandi amutiimaje uMulungu, mwe pe akwitwa kuuti Muchilisiti.

1 Peteli 4:19

Pe ishi, avhantu vhonti vhe vhakuyimba ku lukasamo ulwa Mulungu, vhajendeelele kuvhomba inyinza nu kuyivhiiha mu nyoovhe izya Mulungu we ahavhapela, havhili we mutungamu.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.