2 Timoti 1:10 - ULufingwi uLupwa

¹⁰ Ishi atulolesiizye apazelu uvhwila vhwakwe uvhwa kwinza ukwa Chilisiti uYeesu uMuposhi wiitu. Uweene ávhupoosite uvhufwe kwi idala ilya Izwi iLyinza, álolesiizye vwe avhantu vhalilandila shiima.

Tesitamenti Umupwa 1965

¹⁰ Vwe vuvwo shinishi vuvonesile muvuvoneshelo vwa Muposhi witu uChilisiti Yesu wʼayefizyʼuvufwe, avisilʼapazelu uvulanzi nuvusitakuvola mwe mwIvangeli.

2 Timoti 1:10 ပူးပေါင်းရင်းမြစ်များ

uLuuka 11:36

Ishi inga umuvhili waaho wonti wavha nu vhuzelu, ishisita kuvha ni shiisi inga pooka, pe umuvhili wonti kwe wuvhe muzelu, inza inyaale vwe yikuhozya.”

uLuuka 13:7

Pe ahamuvhuuzya umuvhomvi waakwe uwa mugunda ahati, ‘Yeenya, ninza amaaha gatatu kutungula amantonongwa mwi ikwi ili, ileelo ntakulyaga naalimo! Ishi lyilule lyenelyo, mwe pe likunanganya we mugunda vhweleele!’

uLuuka 2:11

Ileelo mu nkaaya iya Betelehemu mwe uDaavhudi ápafwilwe, apafwilwe uMuposhi ku zyinyu. Uyo we wu Chilisiti, uMwene.

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 4:42

Vhahamuvhuuzya umwantanda uyo vhahati, “Ishi twamwitiha umuntu uno, te ku ziila zyeka zye utuvhuziizye, nkandi twamwitiha, mwe pe twivwa sweneeswe zye akuyanga. Havhili twamanya kuuti, nalyoli umuntu uno we Muposhi uwa nsi.”

Yohani 5:40

Ileelo mukuhaana kwinza ku kwane, inga mbape uvhulanzi uvhwa shiima.

iMbombo izya Vhatumwa 13:23

“Kufuma mu mpaapo izya mwene uDaavhudi, mwe uMulungu avhaleteeye aVhaisilayeeli uMuposhi uYeesu, inza vwe áfinzile.

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

VaLoma 16:26

Ileelo uMulungu uwa shiima álajiziizye kuuti Izwi ilyo liloleshe apazelu kutuushila mu Vhusimbe uVhufinjile uvhwa vhakuvhwi. Havhili kuuti avhantu avha mu nsi zyonti vhalimanye Izwi ilyo, inga vhamwitishe nu kumushindiha.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 3:31

Pe ishi, lwe tukuhomeelezya kwitiha, vhuli, kwe kuuti indajizyo izi zitali ni ilonka? Ndaali! Inga tuli nu lwitiho, pe tukupela twavhomba ziila zye indajizyo zikulajizya.

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

1 VaKolinti 15:26

Umulugu uwa vhusililishilo kumulovwa, aliivha vhufwe.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

2 VaKolinti 5:4

Lwe tushiili tuli na mavhili iga ge liheema ilya havhaliilizyo hansi, tukuvhuvhula mu mooyo giitu kuzya muligo umumwamu. Te kuuti tukwanza kuzuula umuvhili uno we wukufwa, tukwanza kutuzwalizya umuvhili we wutakufwa, inga umuvhili uno we wukufwa wumilwe na we wutakufwa.

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

2 VaTesaloniki 2:8

Ipo pe uMusambusu uyo aliloleha, ileelo uMwene uYeesu lwe akwinza alimugoga nu mwuyu kufuma mwi ilomu lyakwe. Havhili alimulovwa ku vhuzelu uvhwa vhushindamu uvhwa kwinza kwakwe.

2 Timoti 1:1

Ukalaata uno nsimvile neene ne Paavhuli, ne mutumwa uwa Chilisiti uYeesu ku lukasamo ulwa Mulungu. Ansonteleziizye kuuti ndumbililaje avhantu izya lufingwi ulwa vhulanzi mwa Chilisiti uYeesu.

2 Timoti 1:8

Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

2 Timoti 4:1

Nkukulajizya pilongolela ilya Mulungu na pilongolela ilya Chilisiti uYeesu we alivhalonga avhapuuma na vhafwe, lwe agaluha kukonzya uvhumwene vhwakwe.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

uTiiti 2:11

Uvhasambilizyaje izyo, mwe pe uMulungu alolesiizye uvhwila uvhwa vhuposhi vhwakwe ku vhantu vhonti.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

uTiiti 3:4

Ileelo ku vhusililishilo, “UMulungu uMuposhi wiitu álolesiizye uvhwinza vhwakwe ni shikunzi,

VaHebuli 10:32

Ileelo mukumbushe ahavhaliilizyo haala aha ku vhwandilo, lwe mwamwitiha uChilisiti. Pooka nu kuuti muhayimvilwaga nkaani, muhajimbililaga amayimba igo.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 2:20

Avhantu vhe vhavhushimbiiye uvhutalamalandu uvhwa mu nsi kwi idala ilya kumumanya uMwene nu Muposhi wiitu uYeesu Chilisiti, inga vhagalushila havhili kuvhomba uvhutalamalandu, uvhulanzi uvhwa kumpeleela uvhwa vhantu ivho vhuliivha vhuvhiivhi nkaani, kuluusya ku vhwandilo.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

2 Peteli 3:2

Nkwanza mukumbushe amazwi ge avhakuvhwi avhafinjile vháyanzile hali, ni ndajizyo izya Mwene uMuposhi zye avhatumwa vhaakwe vhávhaleteeye.

1 Yohani 1:2

Uwa vhulanzi uyo álolesile, niiswe tuhamulola. Ishi tukuvhahomeshezya nu kuvhakumusizya inongwa izya uyo we akuutupa uvhulanzi uvhwa shiima shiima, we áamile kwa Taata uMulungu, havhili ahaloleha kuli iswe.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

Ishitushizya 18:1

Lwe zyatuuha izyo, nkamulola uhavhizya uwamwavho akwiha kufuma ku mwanya. Áamile na maha amapiti, insi yihalamilwa nu vhuzelu vhwakwe.

Ishitushizya 2:7

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa amantonongwa aga ikwi lye likufumwa uvhulanzi, lye lili mu shilimbika isha Mulungu.”

Ishitushizya 20:14

Pe uVhufwe nu Vhuzimu vhahasumbilwa mwa sumbi we akwaha mwoto. Usumbi uyo we akwaha umwoto we vhufwe uvhwa vhuvhili.

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.

Ishitushizya 22:17

UMupepo uMufinjile na we akunyatulwa vhakuti, “Nzaaga!” Woope we akwivwa ati, “Nzaaga!” Woope we ali ni shinyooto ayinze, we akwanza, anyatule aminzi ge gakufumwa uvhulanzi pa vhweleele.