2 Peteli 3:7 - ULufingwi uLupwa

⁷ Havhili kwi izwi liniilyo, uMulungu azivhiisile imwanya ni nsi iya havhaliilizyo iha, kufishila isiku ilya vhulonzi lye alivipemba vwonti mu mwoto. Isiku ilyo alivhalonga nu kuvhalovwa vhonti vhe vhakuvhomba zye zitakwanzilwa pilongolela lyakwe.

Tesitamenti Umupwa 1965

⁷ Iyene nyene iya kumwanya niya pansi zye zilipo shinishi zyʼizwi lyakwe lizisenguye ukuti zihapwe umwoto pisiku lya vulonzi nilya kuvatupulʼavantu ve vatakumunyilʼuMulungu.

2 Peteli 3:7 ပူးပေါင်းရင်းမြစ်များ

Matayi 10:15

Nalyoli nkuvhavhuuzya kuuti, isiku ilya vhulonzi, avhantu avha mu nkaaya iyo vhaliposheela isunde ipiti kuluusya avhantu avha mu nkaaya iya Sodooma ni ya Gomoola!”

Matayi 11:22

Nalyoli nkuvhavhuuzya kuuti, isiku ilya vhulonzi, imwe muliposheela isunde ipiti kuluusya avhantu avha mu nkaaya iya Tiilo ni ya Siidoni!

Matayi 11:24

Nalyoli nkuvhavhuuzya kuuti, isiku ilya vhulonzi, imwe muliposheela isunde ipiti kuluusya avhantu avha mu nkaaya iya Sodooma!”

Matayi 12:36

Ishi nkuvhavhuuzya kuuti, amazwi gonti aga shaaha ge avhantu vhakuyanga, vhaligalondovhola isiku ilya vhulonzi.

Matayi 24:35

Imwanya ni nsi viliyeepa, ileelo poosye zivhe vhuli amazwi gaane galilunjiha.”

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Maliko 6:11

Ileelo ponti paala pe vhatavhaposheela, poosye kuvhatejeelezya, lwe mukwepa penepo mupupulaje nu lusuuto lwe luli mu vinama vwinyu.”

Yohani 12:48

Umuntu wonti we akunkaana ine pooka na mazwi gaane, ali nawo uwa kumulonga. Amazwi igo ge nkugayanga, ge galimulonga pi isiku ilya kumpeleela.

VaLoma 2:5

Ishi, mwe pe we mugomu, havhili utakwanza kutonta uvhutalamalandu vhwaho, ukulivhiiha isunde lyaho kuvha lipiti nkaani pi isiku ilya vhuhalazu uvhwa Mulungu, uweene alivhalonga avhantu ku vhugolosu.

1 VaKolinti 3:13

Imbombo izya vhantu vhonti zililoleha vwe zili. Isiku liila ilya vhulonzi imbombo zyonti ziliivha apazelu, mwe pe imbombo izya vhantu vhonti zililingwa pa mwoto uwa vhulonzi.

Filipi 1:28

Mutavhogopaje avhalugu vhiinyu, muvhanje mwe vhadandamazu amanda gonti. Ilyo likulolesya kuuti avheene vhaliilovwa, ileelo imwe muliipokwa, mwe pe uMulungu wuuyo we akuuvhapa uvhuposhi.

2 VaTesaloniki 2:3

Mutahiitishe umuntu wonti kuvhahopenkanya ku lyonti, mwe pe isiku ilyo te lihaafishe suuti, she zishiili insiku ziila lwe avhantu avhinji vhalisambuha nkaani kwa Mulungu, havhili lwe uMusambusu ula aloleha. Uyo we ahavhaliilizyo aha kumpeleela uMwene uYeesu alimulovwa nziila.

1 Timoti 6:9

Ileelo avhantu vhe vhakwanza kulonka ivwuma kuvha vhe vhadumbwe, vhakuyinjizya mu ndingo nu kulemwa mwi ilivha na mu mpapilo inyinji izya kuvwalazya. Impapilo izyo zikuvhakwesela mu vhunanjisu, vhakusilila umwo.

VaHebuli 12:29

Nkuyanga vhwevhulo, mwe pe uMulungu wiitu ali ngati mwoto umuhali, we wukupemba nu kulovwa nziila!

2 Peteli 2:9

Kuli izyo, uMWENE uMulungu amanyile kuvhapoha avhantu vhe vhakumushindiha kufuma mu ndingo zyavho. Havhili amanyile vwe aliivhapa isunde avhavhiivhi isiku liila ilya kuvhalonga.

2 Peteli 3:10

Isiku ilya Mwene ilya kulonga avhantu liliyinza kwi idala ilya kwitushizya inza umwivha. Isiku ilyo, imwanya yiliyeepa ku lujilimo ulupiti, ivintu vwe vwápeziilwe hali vilipembwa nu mwoto, yoope insi yiliilovha pooka ni vintu vwonti vwe vili muumwo.

2 Peteli 3:12

uku mukuguliilila isiku liila ilya Mulungu nu kulaavha kuuti lyinze naluvhiilo. Isiku ilyo uMulungu aliyipemba imwanya nu kuyinanganya, havhili alivilovwa nu kuviyengusya nu mwoto ivintu vwonti vwe vili muumwo.

1 Yohani 4:17

Kwi idala ilyo, uMulungu alunjisiizye ishikunzi shaakwe muhati yiitu, inga tuvhe nu vhudandamazu pi isiku ilya kulongwa. Tuliivha nu vhudandamazu, mwe pe uvhulanzi vhwitu mu nsi umu, vhuholiine na vwe uYeesu ahalandilaga.

uYuuda 1:7

Mukumbushe havhili avhantu avha mu nkaaya iya Sodooma ni ya Gomoola, pooka na vha mu nkaaya impalamani. Avhahaaya avha mu nkaaya izyo, vhávhomvile inza avhahavhizya ivho. Vhávhomvile uvhulugusu nu kulandata izya vhuntu uvhwa vhutalamalandu, zye zitakuvhalilana nu vhupezi. Kuli izyo, vhahapeelwa isunde ilya mwoto uwa shiima, inga livhe nsoshi ku vhantu vhonti.

Ishitushizya 17:11

Ishihanu ishishemamu isho she sháali shipuuma ileelo isaala izi shifuuye wu mwene uwa 8, woope we wooka mu vhaala 7, havhili woope uMulungu alimulovwa.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!

Ishitushizya 20:11

Pe nkalola ishitengo ishipiti ishizelu isha vhumwene nuula we ashitendamiiye. Insi ni mwanya viheepa naluvhiilo pilongolela lyakwe, vitálolesile havhili.

Ishitushizya 21:1

Pe nkalola imwanya impwa ni nsi impwa. Imwanya yiila intanzi ni nsi yiila intanzi zyápezile zyepa, woope usumbi havhili atáliipo.