2 Peteli 3:2 - ULufingwi uLupwa

² Nkwanza mukumbushe amazwi ge avhakuvhwi avhafinjile vháyanzile hali, ni ndajizyo izya Mwene uMuposhi zye avhatumwa vhaakwe vhávhaleteeye.

Tesitamenti Umupwa 1965

² ukuti mukumbuhaje amazwi ga vakuvwi avafinjile, ge vatalisilʼukugayanga, nululajizyo lwa vapositili vinyu, lwe lwakwe uMwene uMuposhi.

2 Peteli 3:2 ပူးပေါင်းရင်းမြစ်များ

uLuuka 1:70

Avhomvile inza vwe áyanzile kufuma hali kutuushila ku vhakuvhwi vhaakwe avhafinjile.

uLuuka 24:27

Pe ahavhavhuuzya inongwa zyonti izya mu Vhusimbe uVhufinjile zye zyásimviilwe ku zyakwe. Ahayanga izyo kwandila amakalaata aga Moose na makalaata gonti aga vhakuvhwi.

uLuuka 24:44

Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

iMbombo izya Vhatumwa 10:43

UYeesu uyo we avhakuvhwi vhonti vháyanzile kuuti, wonti we alimwitiha, aliswilwa uvhutalamalandu vhwakwe kwi izina lyakwe.”

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.

iMbombo izya Vhatumwa 3:18

Ileelo uMulungu kuli izyo zye zyávhombesile, ágalunjisiizye amazwi gaala ge áyanzile kutuushila mu vhakuvhwi vhaakwe vhonti, kuuti uChilisiti waakwe aliyimvilwa.

iMbombo izya Vhatumwa 3:21

UYeesu akwanzilwa kusyala ku mwanya, kufishila ahavhaliilizyo he uMulungu alivigalulanya ivintu vwonti kuvha vipwa, inza vwe uweene áyanzile kufuma hali, kutuushila ku vhakuvhwi vhaakwe avhafinjile.

VaGalati 6:2

Mwavwanaje mu ntamwo zyinyu. Kuvhomba vhwevhulo, kwe kulunjisya ululajizyo ulwa Chilisiti.

VaEfeso 2:20

Muli inza amavhwe ge vhazenjeeye inyumba. Vhoope avhatumwa na vhakuvhwi vhali inza ulwalo ulwa nyumba iyo. Havhili uChilisiti uYeesu we ali inza ivhwe ipiti ilya pa shipembe isha nyumba iyo.

VaEfeso 3:5

Amanda gonti aga hali, uMulungu atávhamanyisiizye avhantu uvhuzigizigi uvhwo. Ileelo pisinda ahavhamanyisya avhafinjile vhaakwe avhatumwa na vhakuvhwi, kwi idala ilya Mupepo waakwe.

1 Timoti 6:14

uzishindihaje indajizyo izyo ishisita kupuvha, poosye kukwinkwinwa, kufishila pe uMwene wiitu uYeesu Chilisiti aliyinza havhili.

2 Peteli 2:21

Yaamile kwashi ku vhantu ivho inga vhataalimanyile idala igolosu, kuluusya kulimanya idala ilyo nu kuzileha indajizyo imfinjile zye vhaposheleeye.

2 Peteli 3:15

Mukumbushe kuuti uMwene akuvhajimbiilila, inga muhavhwaje uvhuposhi. Vhwevhulo, vwe uwamwitu uPaavhuli unkundwa ávhasimbiiye ukalaata ku vhushindamu uvhwa njeele inza vwe uMulungu ámupiiye.

2 Peteli 3:16

UPaavhuli azisimvile zyonti izyo mu vhakalaata vhaakwe vhonti, ileelo vhamo shigomu kuvhamanyinsanya. Avhantu vhe vhatasambiliiye ahinza na vhe vhatagomile mu lwitiho vhakuvhapuvwa inza vwe vhakupuvwa uVhusimbe vhumo uVhufinjile. Kuli izyo, vhakuyilondolela vhuuvho kulovha.

1 Yohani 4:6

Ileelo iswe swe vhantu vha Mulungu. Umuntu we amumanyile uMulungu, akututejeelezya, ileelo umuntu we te wa Mulungu, atakututejeelezya. Vhwevhulo, vwe tukumanya uvhusugaano uvhwa vhantu vhe vhakulongolwa nu Mupepo uwa nalyoli, na vhaala vhe vhakulongolwa ni mpepo iya ilenga.

uYuuda 1:17

Ileelo imwe vhankundwa, mukumbuhaje amazwi ge avhatumwa avha Mwene wiitu uYeesu Chilisiti vháyanzile.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”