2 Peteli 3:17 - ULufingwi uLupwa

¹⁷ Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.

Tesitamenti Umupwa 1965

¹⁷ Imwe lelo, mwe vankundwa, she muzimanyile nzila pe mwandaje uvutezyi vwa vasitankomelezyo vutahavasompole nukuvilula mwe mwasimfile.

2 Peteli 3:17 ပူးပေါင်းရင်းမြစ်များ

Matayi 16:11

Mutakumanyinsanya vhuli zye nkuyanga kuuti te zya makaati? Ishi nkuvhavhuuzya havhili kuuti muvhanje minso nu mulembo uwa kuluzizya uwa Vhafalisaayi na Vhasadukaayi.”

Matayi 16:6

UYeesu ahavhavhuuzya ahati, “Muvhanje minso nu mulembo uwa kuluzizya uwa Vhafalisaayi na Vhasadukaayi.”

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

Yohani 16:4

Ishi navhavhuuzya izyo, inga lwe ahavhaliilizyo haavho aha kuvhomba izyo haafiha, mukumbushe zye nkuvhavhuuzya. Ntávhavhuziizye zyonti izyo kufuma ku vhwandilo, mwe pe náamile pooka niimwe.”

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

1 VaKolinti 10:12

Pe ishi, we akuyilola kuuti ayimiliiye ahinza mu lwitiho, avhe minso, inga atahinze agwe.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

Filipi 3:2

Muvhe minso ni mbwa izyo, zye vhantu vhaala vhe vhakuvhomba imbiivhi, ivho vhe vhakuhomeelezya izya kutahiili.

Kolosi 2:5

Pooka nu kuuti ntali pooka niimwe, nkuvhasivhiilila ahavhaliilizyo honti. Nkuseshela, mwe pe nivuuye uvhuliilani vhwinyu na vwe mukusimpa mu lwitiho lwinyu kwa Chilisiti.

Kolosi 2:8

Muvhe minso, umuntu wonti atahavhavhiishe kuvha mwe vhagomwa ku nsambiilizyo izya ilenga zye zitangavhaavwa. Insambiilizyo izyo, maata aga vhantu, havhili nsiivho zyavho izya mu nsi. Zitakufuma kwa Chilisiti.

2 Timoti 4:15

Uvhe minso nawo, mwe pe ádindanjiziizye nkaani amazwi giitu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

1 Peteli 5:9

Ishi mumudindaje uweene kwi idala ilya kusimpa mu lwitiho. Havhili mumanye kuuti avhamwinyu avha mu nsi zyonti, vhakuyimvilwa inza imwe vwe mukuyimvilwa.

2 Peteli 2:7

Mu vhantu ivho ámuposile uLooti, umuntu umugolosu, we ahayimvilwaga nkaani mu mwoyo waakwe kuzya vhutalamalandu uvhwa vhumalaaya vhwe avhantu vhahavhombaga mu nkaaya izyo.

2 Peteli 3:1

Vhankundwa, uno wu kalaata uwa vhuvhili we nkuvhasimbila. Mu vhakalaata ivho vhavhili, nkuvhakumbusya inongwa zye muzimanyile, inga zivhavwaje kusiivha ahinza.

Ishitushizya 2:5

Pe ukumbushe paala pe wáamile lwe ushiili kuteega. Upindushe, uzivhombaje imbombo intanzi. Ileelo inga utavhomba izyo, nkwinza naluvhiilo kuli iwe nu kusheefwa ishisajishilo isha nyaale pe shili.