2 Peteli 3:16 - ULufingwi uLupwa

¹⁶ UPaavhuli azisimvile zyonti izyo mu vhakalaata vhaakwe vhonti, ileelo vhamo shigomu kuvhamanyinsanya. Avhantu vhe vhatasambiliiye ahinza na vhe vhatagomile mu lwitiho vhakuvhapuvwa inza vwe vhakupuvwa uVhusimbe vhumo uVhufinjile. Kuli izyo, vhakuyilondolela vhuuvho kulovha.

Tesitamenti Umupwa 1965

¹⁶ inza shʼakuhonzya muvakalata vakwe vonti mwʼakuyanga izya nongwa zinizi. Zimo nyene ngomu ukuzisimishizya, zye vamo avasitakusambilila navasitakusimpʼahinza vakuzigalula, inza she vakugalula navakalata avamwavo, muli zinizi vakuyipelelʼukutupulwa.

2 Peteli 3:16 ပူးပေါင်းရင်းမြစ်များ

Matayi 15:3

UYeesu woope ahavhavhuziilizya ahati, “Shooni she niimwe mukushilanya ululajizyo ulwa Mulungu kuzya kulandata amaata giinyu?

Matayi 15:6

Kwe kuuti, mukuti umuntu atakwanzilwa kumwavwa uyise poosye unyina. Ukwo kwe kulisuufwa izwi ilya Mulungu kwi idala ilya kulandata amaata giinyu.

Matayi 22:29

UYeesu ahavhaamula ahati, “Mupuvile nkaani, mwe pe mutavhumanyile uVhusimbe uVhufinjile na maha aga Mulungu.

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

VaHebuli 5:11

Tuli nazyo inyinji izya kuyanga izya Yeesu kuvha mupuuti umupiti, ileelo shigomu kuvhalondovholela, mwe pe mwe vhagomu kuzimanya.

Yakobu 1:8

mwe pe ali ni nsiivho pavhili, atali naapamo pe ayimiliiye.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

1 Peteli 2:8

Havhili yisimviilwe kuuti, “Ivhwe ilyo livhwe ilya kupunuzya, liyalaawe ilya kuvhagwisya avhantu.” Avhantu vhakupunula, mwe pe vhatalyitisile izwi ilya Mulungu. Ilyo lye uMulungu ávhavhatishiiye kufuma hali.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

2 Peteli 2:14

Ahavhaliilizyo honti vhakusiivha kuvhomba uvhuvhembu, vhatakuleha kuvhomba uvhutalamalandu. Vhakuvhahopenkanya avhantu vhe vhayeyevhazu mu lwitiho. Amooyo gaavho gavheleleeye kupapila ivwuma. Avhantu ivho vhatifiilwe.

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.

2 Peteli 3:2

Nkwanza mukumbushe amazwi ge avhakuvhwi avhafinjile vháyanzile hali, ni ndajizyo izya Mwene uMuposhi zye avhatumwa vhaakwe vhávhaleteeye.

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.