2 Peteli 3:15 - ULufingwi uLupwa

¹⁵ Mukumbushe kuuti uMwene akuvhajimbiilila, inga muhavhwaje uvhuposhi. Vhwevhulo, vwe uwamwitu uPaavhuli unkundwa ávhasimbiiye ukalaata ku vhushindamu uvhwa njeele inza vwe uMulungu ámupiiye.

Tesitamenti Umupwa 1965

¹⁵ Uvwenʼuvuzyihamulaha vwa Mwene vwe muvumanye ukuti vwe vupokwa, inza shʼuPavuli uwamwitu unkundwa avasimbiyʼimwe munjele zyakwe zyʼapelilwe,

2 Peteli 3:15 ပူးပေါင်းရင်းမြစ်များ

uLuuka 21:15

Nkuvhavhuuzya isho, mwe pe ine ndiivhapa amazwi aga kuyanga nu vhushindamu uvhwa njeele, vhwe avhalugu vhiinyu vhatangatumvanya navhwo, poosye kuvhudinda.

iMbombo izya Vhatumwa 15:25

Ishi twitinkiine pooka, kuuti tusaavhule avhantu vhamo vhe tuvhasonteelezye kuli imwe. Tukwanza vhinze pooka na vhankundwa vhiitu avha Balinaaba nu Paavhuli,

iMbombo izya Vhatumwa 7:10

Ahamupoha mu mayimba gaakwe gonti. Havhili ahaamupa uvhushindamu uvhwa njeele pilongolela ilya Falaawo, umwene uwa ku Miisili. Kwi idala ilyo, ahamuvhiiha kuuti uFalaawo amusungwe. Pe uFalaawo ahamuvhiiha kuvha mupiti mu Miisili, na mu nyumba yaakwe yonti iya shimwene.

iMbombo izya Vhatumwa 9:17

Pe uAnaniya ahasogola, ahinjila mu nyumba ye uSaavhuli áamile. Ahamuvhiishila inyoovhe, ahamuvhuuzya ahati, “Wamwitu Saavhuli, uMwene uYeesu ansonteleziizye kuli iwe, kuuti utalishe kulola havhili, umuposheele uMupepo uMufinjile. UYeesu uyo we akulolesheeye mwi idala ahavhaliilizyo he winzaga ipa.”

VaLoma 2:4

UMulungu mwinza, mwe pe akukufwila uvhwila nkaani, atakupiiye isunde inga lwoka, ileelo akukujimbiilila, inga utonte uvhutalamalandu vhwaho. Ishi shooni she ukumusuufwa?

1 VaKolinti 12:8

UMupepo uyo akuumupa umuntu wumo ishikunjilwa isha kuyanga amazwi aga vhushindamu uvhwa njeele, uwamwavho akuumupa amazwi aga vhumanyi inza vwe akasiime wuuyo.

1 VaKolinti 2:13

Inongwa zye tukuyanga, te vhantu vhe vhali nu vhushindamu uvhwa njeele vhe vhatusambiliziizye, nkandi wu Mupepo uwa Mulungu we atusambiliziizye. Tukulondovhola inongwa izya Mupepo uwa Mulungu ku vhantu vhe vhali nu Mupepo uyo.

1 VaKolinti 3:10

Kulandatana nu vhwila uvhwa Mulungu vhwe ampiiye, ine inza umupiti uwa vhazenzi we ali nu vhushindamu uvhwa njeele, názenzile ulwalo lwe ishi avhazenzi avhanji vhakuzenga pamwanya yaakwe. Ileelo avhantu vhonti vhavhanje minso, lwe vhakuzenga pa lwalo ulwo.

VaEfeso 3:3

Inza vwe mbasimbiiye, uMulungu ámanyisiizye uvhuzigizigi vhwakwe kwi idala ilya kundoleshela.

1 Timoti 1:16

Ileelo uMulungu ámfwiliiye uvhwila, inga uYeesu Chilisiti avhalolesye uvhujimbiilizu vhwakwe vhwonti ku kwane, kuuti mbe ne shiholanyo ku vhaala vhonti vhe vhalimwitiha, inga vhahavhwaje uvhulanzi uvhwa shiima.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Peteli 3:20

Avhafwe ivho vhe hali lwe uNoowa ahagombaga imbogooso, vháhaanile kumushindiha uMulungu. UMulungu ájimbiliiye kuzya vhutalamalandu vhwavho kufishila ahavhaliilizyo he imbogooso yagombwa. Mu mbogooso umwo vhínjiiye avhantu vhansi vhweleele, vháamile 8. Ivho vhe uMulungu ávhaposile na minzi.

2 Peteli 3:2

Nkwanza mukumbushe amazwi ge avhakuvhwi avhafinjile vháyanzile hali, ni ndajizyo izya Mwene uMuposhi zye avhatumwa vhaakwe vhávhaleteeye.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.