2 Peteli 3:10 - ULufingwi uLupwa

¹⁰ Isiku ilya Mwene ilya kulonga avhantu liliyinza kwi idala ilya kwitushizya inza umwivha. Isiku ilyo, imwanya yiliyeepa ku lujilimo ulupiti, ivintu vwe vwápeziilwe hali vilipembwa nu mwoto, yoope insi yiliilovha pooka ni vintu vwonti vwe vili muumwo.

Tesitamenti Umupwa 1965

¹⁰ Isiku lya Mwene nyene liliyinza fwe ngati mwiva. Ilelo pʼiya kumwanya yilisililishila nukujilima, pʼiṿiduvuho vwa tuntu twonti ṿilisopoha mumwoto, pe ninsi nimbombo zyonti zye zhi mumwo zilipwa mwa.

2 Peteli 3:10 ပူးပေါင်းရင်းမြစ်များ

Matayi 24:35

Imwanya ni nsi viliyeepa, ileelo poosye zivhe vhuli amazwi gaane galilunjiha.”

Maliko 13:31

Imwanya ni nsi viliyeepa, ileelo poosye zivhe vhuli amazwi gaane galilunjiha.”

uLuuka 12:39

Ileelo mumanye ahinza kuuti uwa nyumba inga amanyile ahavhaliilizyo he umwivha akwinza, nkandi akuguulila, inga amudinde atahapankule inyumba yaakwe.

VaLoma 8:20

Ivipelwa vwonti vwásheefile uvhumwamu, te kuuti vwávhisiilwe vhwevhulo ku lukasamo lwavho, nkandi ku lukasamo ulwa Mulungu wuuyo. Pooka niizyo, vikusuuvhila ku mwoyo wonti,

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

1 VaKolinti 5:5

Ipo umuntu uyo mumwefwe pahati yiinyu nu kumuvhiiha mu nyoovhe izya Seetano, inga uvhuntu vhwakwe uvhwa vhutalamalandu vhusundwe nu kunanjiha, ileelo umwoyo waakwe wupokwe isiku ilya kwinza uMwene Yeesu.

1 VaTesaloniki 5:2

Twavhomba vhwevhulo, mwe pe imwe mweneemwe mumanyile kuuti isiku ilya kwinza uMwene, liliivha lya kwitushizya inza umwivha vwe akwinza uvhusiku.

1 VaTesaloniki 5:4

Ileelo imwe vhamwitu, isiku ilyo te lihavhitushizye inza umwivha, mwe pe mutali mu shiisi inza avhantu vhe vhakumusuufwa uMulungu.

2 Peteli 3:11

Mwe pe uMulungu alivinanganya ivintu vwonti kwi idala ilyo, vhuli, imwe mukwanzilwa kuvha mwe vhantu vhe vhali inza vhuli? Mukwanzilwa kulandila mu vhufinjile nu kuvha nu lujendo ulwinza pilongolela ilya Mulungu,

2 Peteli 3:12

uku mukuguliilila isiku liila ilya Mulungu nu kulaavha kuuti lyinze naluvhiilo. Isiku ilyo uMulungu aliyipemba imwanya nu kuyinanganya, havhili alivilovwa nu kuviyengusya nu mwoto ivintu vwonti vwe vili muumwo.

2 Peteli 3:7

Havhili kwi izwi liniilyo, uMulungu azivhiisile imwanya ni nsi iya havhaliilizyo iha, kufishila isiku ilya vhulonzi lye alivipemba vwonti mu mwoto. Isiku ilyo alivhalonga nu kuvhalovwa vhonti vhe vhakuvhomba zye zitakwanzilwa pilongolela lyakwe.

uYuuda 1:6

Havhili mukumbushe kuuti, vhoope avhahavhizya vhaala vhakunziilwe na manyoloolo aga shiima mu shiisi, ku vhulonzi uvhwa isiku liila ipiti. Vhakunziilwe, mwe pe vháyisufwizye imbombo yaavho, vhahavhuleha uvhutendamo vhwavho.

Ishitushizya 16:15

UYeesu ahayanga ahati, “Yeenyi, ine nkwinza kwi idala ilya kwitushizya inza umwivha! Alosiitwe umuntu we ali minso nu kuzwala amenda gaakwe, inga atahinze asogole ishitali ukwo nu kulola insoni apazelu.”

Ishitushizya 20:11

Pe nkalola ishitengo ishipiti ishizelu isha vhumwene nuula we ashitendamiiye. Insi ni mwanya viheepa naluvhiilo pilongolela lyakwe, vitálolesile havhili.

Ishitushizya 21:1

Pe nkalola imwanya impwa ni nsi impwa. Imwanya yiila intanzi ni nsi yiila intanzi zyápezile zyepa, woope usumbi havhili atáliipo.

Ishitushizya 3:3

Pe ishi, ukumbushe vwe wáposheleeye na vwe wívuuye, uzileme izyo nu kupinduha. Ileelo inga utavhuuha, ndiyinza kwi idala ilya kwitushizya inza umwivha, pe te uhaamanye ahavhaliilizyo he indiyinza kuli iwe.

Ishitushizya 6:14

Imwanya yiheepa, inza vwe italataasi likuzingwa, amagamba gonti ni nsi inyuumu izya pahati pa sumbi viheepa pa vhutendamo vhwavho.