2 Peteli 2:4 - ULufingwi uLupwa

⁴ UMulungu atávhafwiliiye uvhwila, avhahavhizya vhe vhávhomvile uvhutalamalandu, ávhasumvile mu shiisi, mwe vhakunziilwe na manyoloolo. Mu shiisi umwo vhakuguliilila isiku ilya kulongwa.

Tesitamenti Umupwa 1965

⁴ She vope navahavizya ve vatazilʼamalandu uMulungu atavapepelezizye ndali, ahavabunchilizya kungolongo muninga zya shisi ukuti mwe vavanje ukufiha kuvulonzi.

2 Peteli 2:4 ပူးပေါင်းရင်းမြစ်များ

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

Maliko 5:7

ahahoola kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba nkaani kwi izina ilya Mulungu utahanjimvwe!”

uLuuka 10:18

UYeesu ahavhavhuuzya ahati, “Namulolaga uSeetano akugwa ngati lumesyo ulwa mvula intalala kufuma ku mwanya.

uLuuka 8:31

Pe impepo izyo zihamulambiilizya uYeesu kuuti atahazitwale kwi ilivha ilya ku vhuzimu.

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

VaLoma 11:21

Nkuyanga vhwevhulo, mwe pe inga uMulungu atávhafwiliiye uvhwila aVhayuuda, vhe nsamba izya izayituuni ilya kuvhwalwa, pe nalyoli atalikufwila uvhwila niiwe.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

2 Peteli 2:11

Poosye she avhahavhizya vhali na maha nkaani kuluusya avhasambiilizi ivho, vhatakuvilonjeelela, poosye kuvisaamula pilongolela ilya MWENE uMulungu.

2 Peteli 2:5

Havhili ahavhaliilizyo aha Noowa uMulungu atávhafwiliiye uvhwila avhantu vhe vhatahamushindihaga, ávhalovwizye vhonti na mahavha aminji, ileelo ámuposile uNoowa pooka na vhantu avhanji 7. Lwe zyonti izyo zishiili kuvhombeha, uNoowa ahavhakumusizyaga avhantu kuuti vhavhombaje zye zikwanzilwa pilongolela ilya Mulungu.

2 Peteli 2:9

Kuli izyo, uMWENE uMulungu amanyile kuvhapoha avhantu vhe vhakumushindiha kufuma mu ndingo zyavho. Havhili amanyile vwe aliivhapa isunde avhavhiivhi isiku liila ilya kuvhalonga.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

uYuuda 1:13

Vhakupootwa kuyidindila inza amavhilingwa amapiti aga mwa sumbi, havhili imbombo zyavho izya nsoni, zikukumuha inza umutatafula uwa mavhilingwa igo. Havhili, vhali inza inzota zye zikweleela, ivho, ishiisi ishipiti, vhwe vhutendamo vhwavho vhwe vhahavhiishilwa shiima.

uYuuda 1:6

Havhili mukumbushe kuuti, vhoope avhahavhizya vhaala vhakunziilwe na manyoloolo aga shiima mu shiisi, ku vhulonzi uvhwa isiku liila ipiti. Vhakunziilwe, mwe pe vháyisufwizye imbombo yaavho, vhahavhuleha uvhutendamo vhwavho.

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.