2 Peteli 2:2 - ULufingwi uLupwa

² Havhili avhantu avhinji vhalilandataga amadala gaavho aga vhulugusu. Kuli izyo, vhamo vhaliyanda kulisaamula idala ilya nalyoli.

Tesitamenti Umupwa 1965

² Navinji valilandata uvuluṿu vwavo, ve nidala lya vwanalyoli lilitonwa amatona pe pazyavo.

2 Peteli 2:2 ပူးပေါင်းရင်းမြစ်များ

Matayi 22:16

Pe vhahavhasonteelezya avhasundikwa vhaavho na vhatuuli avha mwene uHeelodi kwa Yeesu, vhahamuvhuziilizya vhahati, “We Musambiilizi, tumanyile kuuti iwe we mugolosu, ukusambiilizya idala ilya Mulungu mu vhwanalyoli. Havhili utakuvhasaajila avhantu kulandatana nu vhupiti vhwavho.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 7:14

Ileelo umulyango uwa kwinjiilila ku vhulanzi, mufinyanu, ni idala ilya kusogola ukwo lifinyanu, havhili avhantu vhe vhakulimanya, vhansi.”

Maliko 12:14

Lwe vhaafiha, vhahati, “We Musambiilizi, tumanyile kuuti iwe we mugolosu, utakuvhasaajila avhantu kulandatana nu vhupiti vhwavho. Havhili ukusambiilizya idala ilya Mulungu mu vhwanalyoli. Vhuli, indajizyo izya Moose zikutwitishila kusonka umusonko kwa Kayisaali?”

Maliko 13:22

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

iMbombo izya Vhatumwa 13:10

ahamuvhuuzya ahati, “Iwe we mwana wa Mukwalanzi, we mulugu uwa zyonti izya nalyoli pilongolela ilya Mulungu! Uyizuuye uvhushevu uvhwa kuhopenkanya avhanji nu vhuvhiivhi vhwonti. Shooni she utakuleha kupuvwa amadala amagolosu aga MWENE uMulungu?

iMbombo izya Vhatumwa 14:2

Ileelo aVhayuuda vhamo vhahahaana kumwitiha uYeesu. Ivho vhahanda kuvhasonjeelezya vhe te Vhayuuda, kuuti vhavhaviitilwe avhiitisi.

iMbombo izya Vhatumwa 16:17

Uweene ahanda kuvhalandata avha Paavhuli niiswe, ahahoolaga kwi izwi ipiti ahatinji, “Avhantu ivha vhavhomvi avha Mulungu uMupiti uwa ku Mwanya, vhakuvhalumbiilila imwe idala ilya vhuposhi!”

iMbombo izya Vhatumwa 18:26

Ahinjila mwi isinagoogi, ahanda kulumbiilila ku vhudandamazu. Lwe uAakila nu Puliisila vhiivwa insambiilizyo zyakwe, vhahamunyatula nu kusogola nawo ku kwavho, vhahamusambiilizya idala ilya Mulungu mu vhwanalyoli vhwonti.

iMbombo izya Vhatumwa 19:9

Ileelo vhamo vhahadindila amakutwi gaavho, vhahahaana kuwiitiha, vhahanda kuzisaamula insambiilizyo izya Idala ilya Mwene uYeesu pilongolela ilya vhantu. Pe uPaavhuli ahavhaleha, ahavhanyatula avhalandati avha Yeesu, ahavhasambilizyaga insiku zyonti mu nyumba iya kusambilizizya iya muntu we vhahatinji uTiilaani.

iMbombo izya Vhatumwa 22:4

“Nkavhayimvwaga nu kuvhagoga avhalandati avha Idala ilya Mwene uYeesu, nkavhalemaga avhanaavuli na vhantanda nu kuvhakunga mu jeela.

iMbombo izya Vhatumwa 24:14

“Ileelo lye nkwitiha pilongolela lyaho, lye lino ilya kumupuuta uMulungu uwa vhataata vhiitu nu kulilandata Idala ilya Mwene uYeesu, pooka nu kuuti avheene vhakuti shipuuto she te sha muumwo. Havhili nkuzyitiha zyonti zye zisimviilwe mu makalaata aga ndajizyo izya Moose na mu makalaata aga vhakuvhwi.

VaLoma 2:24

Izi zikuvhalilana nu Vhusimbe uVhufinjile vhwe vhukuti, “Ku mbiivhi zyinyu zye mukuvhomba, izina ilya Mulungu likusaamulwa na vhantu vhe te Vhaisilayeeli.”

1 Timoti 5:14

Izyo zye zikumbiiha injanje kuuti avhaziishe vhe vhalindu vhanyatulwaje. Vhapaapaje avhaana nu kusunga inyumba zyavho, inga vhatahinze vhaamupe umulugu idala ilya kutusaamula.

uTiiti 2:5

Havhili, vhavhanje vhantu vhe vhakuyikonzya nu kuvha na mooyo amazelu. Vhavhombaje imbombo izya mu nyumba zyavho nu kuvhomba inyinza nu kuvhashindiha avhalume vhaavho. Vhavhombaje vhwevhulo, inga izwi ilya Mulungu litayangwaje havhiivhi ku lujendo lwavho.

uTiiti 2:8

Amazwi gaaho gavhanje ga nalyoli, inga ahavhaliilizyo he avhantu vhakulinga kuuti vhakudinde, vhapotwaje izwi ilya kukuliga, pe vhasupilaje.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

2 Peteli 2:12

Avhantu ivho vhali inza ivihanu vwe vitali ni njeele vwe vikupaapwa, inga avhantu vhavilemaje nu kuvivhoola. Vhakuvisaamula ivintu vwe vhatavimanyile. Vhoope uMulungu alivhalovwa inza ivihanu ivwo kuzya vhutalamalandu vhwavho.

2 Peteli 2:15

Vhalilesile idala igolosu, vhateezile nu kulilandata idala ilya mukuvhwi uBaalamu, uMwana wa Beyooli. Uweene ásungwilwe amalipilo aga vhuvhiivhi.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

2 Peteli 2:21

Yaamile kwashi ku vhantu ivho inga vhataalimanyile idala igolosu, kuluusya kulimanya idala ilyo nu kuzileha indajizyo imfinjile zye vhaposheleeye.

2 Peteli 2:7

Mu vhantu ivho ámuposile uLooti, umuntu umugolosu, we ahayimvilwaga nkaani mu mwoyo waakwe kuzya vhutalamalandu uvhwa vhumalaaya vhwe avhantu vhahavhombaga mu nkaaya izyo.

uYuuda 1:10

Ileelo avhantu ivha, vhakusaamula inongwa zye vhatazimanyile. Havhili inongwa zimo vhazimanyile inza ivihanu vwe vitali ni njeele. Inongwa izyo zye zikuvhalovwa.

uYuuda 1:15

kuvhalonga avhantu vhonti, nu kuvhasunda vhonti vhe vhatakumushindiha uMulungu. Akuvhasunda kuzya mbombo zyavho zyonti izya vhupuvi na mazwi amagomu gonti ge avhatalamalandu ivho vhamuyanzile uweene.”

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.

uYuuda 1:7

Mukumbushe havhili avhantu avha mu nkaaya iya Sodooma ni ya Gomoola, pooka na vha mu nkaaya impalamani. Avhahaaya avha mu nkaaya izyo, vhávhomvile inza avhahavhizya ivho. Vhávhomvile uvhulugusu nu kulandata izya vhuntu uvhwa vhutalamalandu, zye zitakuvhalilana nu vhupezi. Kuli izyo, vhahapeelwa isunde ilya mwoto uwa shiima, inga livhe nsoshi ku vhantu vhonti.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.