2 Peteli 2:14 - ULufingwi uLupwa

¹⁴ Ahavhaliilizyo honti vhakusiivha kuvhomba uvhuvhembu, vhatakuleha kuvhomba uvhutalamalandu. Vhakuvhahopenkanya avhantu vhe vhayeyevhazu mu lwitiho. Amooyo gaavho gavheleleeye kupapila ivwuma. Avhantu ivho vhatifiilwe.

Tesitamenti Umupwa 1965

¹⁴ Muminso gavo vizuye lwe luvembu, ge gatakwikutʼuvutalamalandu, ve vantu ve vakuvasipa ve vashilʼukugoma mumoyo. Amoyo gavo gavelezinye mumpapilo zyonti, ve vana va ntipo.

2 Peteli 2:14 ပူးပေါင်းရင်းမြစ်များ

Matayi 12:34

Mwe vhaana vha njoha imwe! Mungayanga vhuli amazwi aminza she mwe vhavhiivhi? Nkuvhavhuuzya isho, mwe pe umuntu akuyanga zye zyizuuye mu mwoyo waakwe.

Matayi 23:14

“Mwasheela imwe mwe Vhasambiilizi avha ndajizyo, niimwe mwe Vhafalisaayi, mwe vhashifumbo imwe! Mukupuuta impuuto intali, inga avhantu vhatinji mwe vhagolosu, ileelo uku mukuvhafwula ivintu avhaziishe. Kuli izyo, uMulungu aliivhapa isunde ipiti!

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 5:28

Ileelo ine nkuvhavhuuzya kuuti, umuntu wonti we akumwenya umwantanda kwi idala ilya kumunyonywa, akuvha avhembuha nawo mu mwoyo waakwe.

Maliko 13:22

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Yohani 5:44

Mukusungwa kushindikwa na vhanji, ileelo mutali nu mute uwa kulondola umushinzi we wukufuma kwa Mulungu wuuyo. Pe munganiitiha ine inza vhuli?

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

1 VaKolinti 11:19

Vhuli, mukusiivha kuuti mukwanzilwa musugaane? Vhuli, mukwanza vhamanyishe vhe vhakuyilola kuuti vhitishiliilwe pilongolela ilya Mulungu?

VaEfeso 2:3

Nalyoli niiswe swenti tuhalandilaga inza avheene. Tuhavhulandataga uvhuntu vhwitu uvhwa vhutalamalandu, kwe kuuti tuhazivhombaga zyonti zye uvhuntu vhwitu uvhwa vhutalamalandu vhuhasiivhaga nu kwanza. Mwe pe twápafwilwe nu vhuntu uvhwa vhutalamalandu inza avhanji, iswe swenti tuhasogolaga kwi isunde ipiti ilya Mulungu kuzya vhutalamalandu vhwitu.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

Kolosi 2:18

Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

Yakobu 1:8

mwe pe ali ni nsiivho pavhili, atali naapamo pe ayimiliiye.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

2 Peteli 3:16

UPaavhuli azisimvile zyonti izyo mu vhakalaata vhaakwe vhonti, ileelo vhamo shigomu kuvhamanyinsanya. Avhantu vhe vhatasambiliiye ahinza na vhe vhatagomile mu lwitiho vhakuvhapuvwa inza vwe vhakupuvwa uVhusimbe vhumo uVhufinjile. Kuli izyo, vhakuyilondolela vhuuvho kulovha.

1 Yohani 2:16

Nkuyanga vhwevhulo, mwe pe imbiivhi izya mu nsi umu zye zino: impapilo izya vhuntu uvhwa vhutalamalandu nu mwoyo uwa muntu kunyonywa kuvha navwo vwonti vwe avilola na mabaado ge gakufumiilana ni vwuma. Ivwo vwonti vitakufuma kwa Taata uMulungu, nkandi vikufuma mu nsi munuumu.

uYuuda 1:11

Vhasheela! Mwe pe vhakulandata idala ilya Kaayini ilya vhutalamalandu, havhili kuzya vhulonsi vhakutala umulandu uwa Baalamu ishisita kuyidinda. Vhoope vhakusambuha inza uKoola, nu kulovha inza uweene.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.