2 Peteli 2:13 - ULufingwi uLupwa

¹³ Avhantu ivho vhaliyimvilwa kuzya mayimba ge vhahavhavhombelaga avhanji. Avheene vhakuseshela kuvhomba izya vhupafu apazelu. Havhili lwe muli pooka navho pa mulyo uwa shikunzi, vhakuvhapezya insoni imwe, kuzya mbombo zyavho imbiivhi zye zili inza amabada mu mwenda umuzelu.

Tesitamenti Umupwa 1965

¹³ Valiposhela amalipilo ga vusitavugolosu vwavo. Avene vakusiva uvuluṿu vwavo uvwa musanya ukuti vwe vwa kuseshela mumwo. Avene mipamizu, mizota vwelele, vakuyiseshelezya muzya vuluṿu vwavo lwe vakulilana namwe palwizyo ululusyʼuvupiti.

2 Peteli 2:13 ပူးပေါင်းရင်းမြစ်များ

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaEfeso 5:27

Ávhomvile vhwevhulo, inga ayileetele ishivhanza she shizelufile, ishisita amabada poosye amankunya, poosye uvhuvhiivhi vhwonti inza uvhwo. Aliyileetela ishivhanza she shifinjile, havhili ishisita ulukwinkwino.

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

2 Timoti 4:14

UAlekizanda ula we akusyana ishaaba, ámbombeeye havhiivhi nkaani. UMwene uYeesu alimulonga ku mbombo zyakwe zye ámbombeeye.

Yakobu 5:5

Mu vhulanzi vhwinyu mwe vhantu vhe vhakuyihondezya nu kuvhomba izya mpapilo zyinyu. Ishi mupalamiiye kulongwa. Muli inza ivisugwa vwe vwinile, inga vivhoolwe.

1 Peteli 4:4

Avhantu ivho vhe vhatamwitisile uMulungu, vhakusukumila, mwe pe mutakuvha pooka navho kuvhomba uvhutalamalandu, pe vhakwanda kuvhasaamula.

2 Peteli 2:15

Vhalilesile idala igolosu, vhateezile nu kulilandata idala ilya mukuvhwi uBaalamu, uMwana wa Beyooli. Uweene ásungwilwe amalipilo aga vhuvhiivhi.

Ishitushizya 18:6

Mumuvhombele inza vwe woope ávhomvile, mumulanduzye luvhili ku ziila zye ávhomvile. Mu lupindi lwakwe lwe ávhenjeeye, imwe mumwenjele luvhili.