2 Peteli 1:8 - ULufingwi uLupwa

⁸ Inga vwonti ivwo vwonjela kukula mu mooyo giinyu, vikuvhaavwa kumumanya uMwene wiitu uYeesu Chilisiti nu kuvhomba inyinza mu vhulanzi vhwinyu.

Tesitamenti Umupwa 1965

⁸ Shʼinga muli nazyo zinizi, inga zikuṿula, pe zitakuvapelelʼimwe uvuhata, zitakuvapela ukuva mwe vasitansanga muvumanyinsanyi vwa Mwene witu uYesu Chilisiti.

2 Peteli 1:8 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 20:3

Lwe yaafiha saala taatu inzanshi, aheepa havhili ku kwakwe, ahasogola ku nsokooni, ahavhaaga avhantu avhamwavho vhimiliiye ishisita imbombo.

Matayi 20:6

Lwe haafiha ahavhaliilizyo aha hamazuuvha, ahasogola pa nsokooni havhili, ahavhaaga avhamwavho vhimiliiye. Ahavhavhuziilizya ahati, ‘Shooni she mwimiliiye ipa isiku lyonti ishisita imbombo?’

Matayi 25:26

Umwene waakwe ahamwamula ahati, ‘We muvhomvi umuvhiivhi iwe, havhili we muhata! Inga waamanyile kuuti nkuvuna mwe ntavhwaye havhili nkuvhungaaniha mu nkoma vwe ntavunile,

Yohani 15:2

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 5:42

Ileelo mbamanyile imwe vwe muli, mutamukunzite uMulungu mu mooyo giinyu.

VaLoma 12:11

Mutavhanje mwe vhahata, mumuvhombelaje uMwene uYeesu ku mwoyo wonti.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

2 VaKolinti 13:5

Ishi muyilingaje mweneemwe, inga mumanye kuuti muli nu lwitiho. Vhuli, mutamanyile kuuti uYeesu Chilisiti ali muhati zyinyu? Inga mutamanyile, ipo lwe muposiitwe.

2 VaKolinti 8:2

Pooka nu kuuti avhiitisi ivho vhaamile vhapiina nkaani nu kuvha mu mayimba aga mavhiila mu mavhiila, vhaamile nu luseshelo ulupiti lwe lwaavhatwaliiye kuvha vhatesi nkaani kufumwa ivintu vwavho.

2 VaKolinti 8:7

Inza vwe muli nu vhudumbwe mu zyonti na mu lwitiho na mu shikunjilwa isha kulumbiilila na mu vhumanyi nu kuvha nu mute mu nyinza zyonti, pooka ni shikunzi shiinyu kuli iswe, ishi muvhanje mwe vhadumbwe na mu mbombo ino iya vhutesi ku vhanji.

2 VaKolinti 9:14

Pe kwe vhavhalavhilaje kwa Mulungu ku mwoyo wonti, kuzya vhwila vhwe uMulungu avhapiiye ku vhwinji.

Filipi 1:9

Ine nkuvhalaavhila kwa Mulungu kuuti, ishikunzi shiinyu shonjelaje nkaani pooka nu vhushindamu uvhwa njeele nu vhumanyi vhwonti,

Filipi 2:5

Muvhe ni nsiivho ziila, zye áali nazyo uChilisiti uYeesu.

Filipi 3:8

Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

1 VaTesaloniki 3:12

UMwene aavhape ishikunzi isha kukundana mweka nu kuvhakunda avhanji vhonti, inza iswe vwe tuvhakunzite imwe.

1 VaTesaloniki 4:1

Ishi vhamwitu, musambiliiye kufuma kuli iswe vwe yikwanzilwa kulandila, inga kumuhondezya uMulungu. Mwe muumwo vwe mukuvhomba vhwevhulo. Ishi, tukuvhalambiilizya ku maha aga Mwene uYeesu kuuti muvhombaje vhwevhulo nu kuluusya.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

1 Timoti 5:13

Pooka ni zyo, vhanganda kujendanga mu nyumba zya vhantu kuzya vhuhata. Te ziniizyo zyeka haa, nkandi nu kukwakwasya nu kuyanga zye zitahondeeye na zye te nyinza.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

Filemoni 1:6

Nkumulaavha uMulungu kuuti uvhuliilani vhwaho pooka niiswe, vhukwavwaje kuzimanya inongwa zyonti inyinza zye tuzyazile mwa Chilisiti.

VaHebuli 6:12

Mutavhanje mwe vhahata, nkandi muvhalandataje vhaala vhe kwi idala ilya kwitiha nu kujimbiilila, vhaposheleeye ziila zye uMulungu áfinzile kuuvhapa.

2 Peteli 1:2

UMulungu ayonjezye kuvhafwila uvhwila nu kuuvhapa uvhutehamu kwi idala ilya kumumanya uweene nu Yeesu uMwene wiitu.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 2:20

Avhantu vhe vhavhushimbiiye uvhutalamalandu uvhwa mu nsi kwi idala ilya kumumanya uMwene nu Muposhi wiitu uYeesu Chilisiti, inga vhagalushila havhili kuvhomba uvhutalamalandu, uvhulanzi uvhwa kumpeleela uvhwa vhantu ivho vhuliivha vhuvhiivhi nkaani, kuluusya ku vhwandilo.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.