2 Peteli 1:6 - ULufingwi uLupwa

⁶ Havhili mu vhumanyi vhwinyu muyikonzyaje, kwope kuyikonzya, kuvhalilanaje nu vhujimbiilizu. Vhwope uvhujimbiilizu uvhwo, vhuvhalilanaje nu kuvha nu lujendo ulwinza pilongolela ilya Mulungu.

Tesitamenti Umupwa 1965

⁶ pavumanyinsanyi pe mupatinkanye uvuteshelaṿintu, pavuteshelaṿintu pe mupatinkanye nuvuṿindilamalema, pavuṿindilamalema pe mupatinkanye nuvunyilaMulungu,

2 Peteli 1:6 ပူးပေါင်းရင်းမြစ်များ

uLuuka 21:19

Niimwe inga mulijimbiilila, pe muliposheela uvhulanzi uvhwa shiima shiima.”

uLuuka 8:15

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

iMbombo izya Vhatumwa 24:25

Ileelo lwe uPaavhuli akujendeelela kuyanga izya vhugolosu nu kuyikonzya ni zya isiku ilya vhulonzi vhwe vhukwinza, uFeeliki ahoogopa, ahati, “Ishi sogolaaga, kwe nkwite havhili inga navha na havhaliilizyo.”

VaLoma 15:4

Zyonti zye zyásimviilwe hali, zyásimviilwe kuvha nsambiilizyo zyitu. UVhusimbe uvhwo vhukutwavwa kujimbiilila nu kutusuvhaalizya, lwe tukuguliilila kuuti zilunjishe zye uMulungu áfinzile.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 8:25

Ileelo inga tukusuuvhila she tutakushilola, pe tukuguliilila ku vhujimbiilizu.

1 VaKolinti 9:25

Vhe vhakutumvanya mu luvhilo, vhakuvhomba izya kugakonzya amavhili gaavho, inga vhapoote ulutumvanyo. Vhakuvhomba izyo, inga vhaposheele ishipambwi she shikunanjiha. Ileelo iswe tukuvhomba vhwevhulo, inga tuhaposheele ishipambwi she shitakunanjiha naalumo.

2 VaKolinti 6:4

Ileelo mu zyonti tukulolesya kuuti twe vhavhomvi avha Mulungu. Tukulolesya ilyo kwi idala ilya kujimbiilila nkaani mu mayimba na mu ntamwo na mu ngomu.

VaGalati 5:23

nu vhutonsu nu kuyikonzya. Lutaliipo ululajizyo lwe lukuhaana izyo!

Kolosi 1:11

Tukuvhalaavhila kuuti, uMulungu aavhape amaha kulandatana na maha gaakwe ge gali nu vhushindamu, inga muvhwezye kujimbiilila ku zyonti,

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

2 VaTesaloniki 1:4

Pe iswe tukuyitiima mu vivhanza ivwa Mulungu kuzya vhujimbiilizu nu lwitiho lwinyu lwe muli nalwo, mu mayimba gonti na malavha ge gakuvhaaga.

2 VaTesaloniki 3:5

UMwene agalongozye amooyo giinyu mu shikunzi isha Mulungu na mu vhujimbiilizu uvhwa Chilisiti.

1 Timoti 2:10

Ileelo kuyiyemvwa kwavho kuvhanje ku lujendo ulwinza, inza vwe yikwanzilwa ku vhantanda vhe vhakupemula kuuti vhakumunyila uMulungu.

1 Timoti 2:2

Muvhalavhilaje avhamwene na vhalongozi avhanji vhonti, inga tulandilaje ku vhutehamu, lwe tukuvha nu lujendo ulwinza nu kuvhomba zye zihondeeye pilongolela ilya Mulungu.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

1 Timoti 6:3

Kuli avhantu vhe vhakusambiilizya amazwi aga ilenga, ge gatakuvhalilana na mazwi aga vhulanzi aga Mwene wiitu uYeesu Chilisiti, ni nsambiilizyo zye zitakuvhaavwa avhantu kuvha nu lujendo ulwinza pilongolela ilya Mulungu.

1 Timoti 6:6

Nalyoli, vhonti vhe vhali nu lujendo ulwinza pilongolela ilya Mulungu nu kwitiha mu mooyo gaavho kuuti vwe vhali navwo vikwiliiye, vhalilyaga ilonka ipiti.

2 Timoti 3:5

Vhaliloleha ngati vhali nu lujendo ulwinza pilongolela ilya Mulungu, ileelo mu vhulanzi vhwavho vhakuhaana amaha gaakwe. Avhantu ivho uyefwaje navho.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

uTiiti 1:8

Ileelo akwanzilwa kuuti avhanje muntu we mutesi na we akuzisungwa nyinza. Havhili akwanzilwa kuuti avhanje muntu we akuyikonzya nu kuvhomba ingolosu nu kuvha mufinjile na we akuyidinda ku mbiivhi.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.

VaHebuli 10:36

Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

VaHebuli 6:12

Mutavhanje mwe vhahata, nkandi muvhalandataje vhaala vhe kwi idala ilya kwitiha nu kujimbiilila, vhaposheleeye ziila zye uMulungu áfinzile kuuvhapa.

VaHebuli 6:15

Pe uAabulahamu ahaguliilila nu kujimbiilila kufishila pe aposheela viila vwonti vwe uMulungu áfinzile.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 3:11

Mwe pe uMulungu alivinanganya ivintu vwonti kwi idala ilyo, vhuli, imwe mukwanzilwa kuvha mwe vhantu vhe vhali inza vhuli? Mukwanzilwa kulandila mu vhufinjile nu kuvha nu lujendo ulwinza pilongolela ilya Mulungu,

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 13:10

Umuntu we akwanzilwa kugomwa, woope aliigomwa. Umuntu we akwanzilwa kuuti avhantu vhamugoje kwi ipanga, woope vhalimugoga kwi ipanga. Pe ishi, avhafinjile vhakwanzilwa vhavhe nu vhujimbiilizu nu lwitiho.

Ishitushizya 14:12

Kuli izyo, pe yikwanzilwa avhafinjile, avhantu vhaala vhe vhakuzilandata indajizyo izya Mulungu nu kumwitiha uYeesu, vhavhe nu vhujimbiilizu.

Ishitushizya 2:2

Imanyile imbombo yaaho nu mute waaho nu vhujimbiilizu vhwaho. Havhili imanyile kuuti utangavhajimbiilila avhatalamalandu, havhili uvhalinzile vhe vhakuyitaha kuuti vhatumwa fwandi te muumwo. Uhamanyinsanya kuuti vha ilenga.