2 Peteli 1:5 - ULufingwi uLupwa

⁵ Kuli izyo, mukanyilaje nkaani mu lwitiho lwinyu kuvhomba inyinza. Mutavhombaje vhwe vhwinza vhweka vhweleele, mulondolaje nkaani nu vhumanyi uvhwa lukasamo ulwa Mulungu.

Tesitamenti Umupwa 1965

⁵ Mwe mumwo lelo muyikungule uvwahayikungule ṿwonti ukuti palwitiho lwinyu pe mupatinkanye nuvusunde, pavusunde pe mupatinkanye nuvumanyinsanyi,

2 Peteli 1:5 ပူးပေါင်းရင်းမြစ်များ

uLuuka 16:26

Pooka niizyo, pahati yiitu niimwe, pali ilivha ipiti nkaani. Ilivha ilyo livhisiilwe, inga avha uku vhe vhakwanza kwinza kuli imwe, vhapotwaje kufumiila, poosye avha ukwo vhapotwaje kwinza kuli iswe.’

uLuuka 24:21

Uyo we twamusuvhilaga kuuti, kwe atutavhule iswe swe Vhaisilayeeli. Ishi, ileelo lisiku lya vhutatu, kufuma pe zyonti izyo zyaavhombesile.

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

VaEfeso 5:17

Mutavhanje mwe vhapukupuuku, yikwanzilwa mulondolaje ziila zye uMwene uYeesu akwanza muzivhombaje.

Filipi 1:9

Ine nkuvhalaavhila kwa Mulungu kuuti, ishikunzi shiinyu shonjelaje nkaani pooka nu vhushindamu uvhwa njeele nu vhumanyi vhwonti,

Filipi 2:12

Vhankundwa vhaane, muhamunyilaga uMulungu lwe náali pooka niimwe. Ishi mumunyilaje inza vhwevhulo, ahavhaliilizyo iha he indi ukutali, kuluusya luula lwe náali pooka niimwe. Jendelelaaji kulunjisya uvhuposhi vhwinyu, kwi lyoga nu kutetema.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 1:9

Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

Kolosi 2:3

Muhati iya Chilisiti mwe zizyisiilwe inkoma zyonti izya vhushindamu uvhwa njeele nu vhumanyi.

VaHebuli 11:6

Ataliipo umuntu we angamuhondezya uMulungu ishisita ulwitiho. Umuntu wonti we akwanza kumupuuta uMulungu, akwanzilwa kwitiha kuuti uMulungu aliipo nu kuuti aliivhapa ivipeelwa vhaala vhe vhakulondola kumumanya.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 6:11

Tukwanza nkaani kuuti mwenti mujendeelele kuvha nu mute kufishila kumpeleela, inga muposheele zyonti zye mukuzisuuvhila.

1 Peteli 3:7

Niimwe mwe vhanaavuli mwe mwimaaye, mukwanzilwa mutendamaje ku njeele na vhashi vhiinyu, mwe pe mumanyile kuuti vhatali na maha inza imwe. Havhili muvhasunjililaje ku mushinzi, mwe pe uMulungu akuuvhapa mwenti uvhulanzi uvhwa shiima. Muvhombaje vhwevhulo, inga impuuto zyinyu zitadindilwaje.

2 Peteli 1:10

Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.