2 Peteli 1:4 - ULufingwi uLupwa

⁴ Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.

Tesitamenti Umupwa 1965

⁴ Mwe munumu afinzile naswe imfingwʼindusyi uvupiti nuvugomu, zyʼavakunjiye ukuvatulʼimwe ukuholana nawo ishati sha vulungu, lwe mulushimbiye ulunanjiho ulufuma mumpapilo zya munsi.

2 Peteli 1:4 ပူးပေါင်းရင်းမြစ်များ

VaLoma 9:4

Ivho vhe Vhaisilayeeli, vhe uMulungu ávhavhiisile kuuti vhavhe vhaana vhaakwe, ahavhalolesya uvhushindamu vhwakwe nu kuvhiiha ulufingwi navho. Havhili ahaavhapa indajizyo zyakwe nu kufinga vwe aliivhapa, nu kuvhavhuuzya vwe yikwanzilwa kumupuuta.

2 VaKolinti 1:20

Zyonti zye uMulungu áfinzile kuuti aliitupa kwi idala ilya Chilisiti zya nalyoli, mwe pe iswe kutuushila kwa Chilisiti tukuti, “Amina,” kwe kuuti zya nalyoli, kuzya kumushindiha uMulungu.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 6:17

Ishi uMWENE uMulungu akuti, “Mwepe pahati yaavho, muyilehaanye navho. Mutalemaje ishintu ishihandamanu, niine pe kwe mbaposheele.”

VaGalati 3:16

Ileelo uMulungu áfinzile kwa Aabulahamu utaata wiitu, uweene pooka nu muntu uwa mu mpaapo zyakwe. UVhusimbe uVhufinjile vhutakuti, “Na vhantu avha mu mpaapo zyakwe,” kwe kuuti avhantu avhinji, ileelo vhukuti, “Nu muntu uwa mu mpaapo zyakwe,” kwe kuuti ali wooka, uyo we wu Chilisiti.

VaGalati 6:8

Yeenya, we akuvhulandata uvhuntu uvhwa vhutalamalandu, aliivuna uvhufwe. Ileelo we akumulandata uMupepo uMufinjile, aliivuna kufuma ku kwakwe uvhulanzi uvhwa shiima.

VaEfeso 4:13

Ishivhanza shizengwe, kufishila pe ulwitiho lwitu swenti lwavha lwoka na pe twamumanya uMwana wa Mulungu, kwe kuuti, kufishila pe twakula nu kugoma nu kuvhufishila uvhulunjisu uvhupiti inza uvhwa Chilisiti.

Kolosi 3:10

Muzwaye amooyo amapwa ge uMulungu akujendeelela kugapela kuvha mapwa, inga mwonjele kumumanya, mwe pe avhapezile kuuti muholane nawo.

VaHebuli 12:10

Avhataata vhiitu avha mu nsi umu vhakutusunda ku havhaliilizyo hansi kulandatana na vwe avheene vhakulola kuuti hinza. Ileelo uMulungu akutusunda kwi ilonka lyitu, inga tuvhe nu vhuliilani nawo mu vhufinjile vhwakwe.

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

2 Peteli 3:13

Ileelo iswe tukuguliilila imwanya impwa ni nsi impwa inza vwe áfinzile. Ukwo kwe vhalilandilaga avhagolosu.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.