2 Peteli 1:3 - ULufingwi uLupwa

³ UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

Tesitamenti Umupwa 1965

³ Shʼamaha gakwe aga vulungu gatupiye ṿwonti iṿwa vulanzi niṿwa vunyilaMulungu muvumanyinsanyi vwa kumumanya wuyo wʼatwisite mwe muvumwamu vwakwe wuyo namumbombo zyakwʼinyinza.

2 Peteli 1:3 ပူးပေါင်းရင်းမြစ်များ

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

VaLoma 9:24

átusavhuuye swenti, swe Vhayuuda na vhe te Vhayuuda, inga atufwile uvhwila, mwe pe átusengiinye kuuti tuvhe nu vhushindamu pooka nawo.

1 VaKolinti 1:9

UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

2 VaKolinti 12:9

Ileelo uweene ahambuuzya ahati, “Uvhwila vhwane vhukukwiliiye, mwe pe mu vhuyeyevhazu mwe amaha gaane gakuloleha.” Kuli izyo, kwe nkutiimaje ku luseshelo ulupiti kuzya vhuyeyevhazu vhwane, inga amaha aga Chilisiti gavhe pooka niine.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

Filipi 3:8

Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 1:16

Kufumiilana nu weene, uMulungu ápezile ivintu vwonti, vwe vili ku mwanya na vwe vili pa nsi, vwe vikuloleha na vwe vitakuloleha, kwe kuuti impepo zye zikukonzya, poosye zye vhe vhamwene, poosye zye mpiti, poosye izya maha. UMulungu ápezile vwonti kufumiilana nu Mwana, havhili ku vhushindamu uvhwa Mwana uyo.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

1 VaTesaloniki 4:7

UMulungu atahatwita kuvhomba uvhuvhembu, nkandi kuuti tutendamaje mu vhufinjile.

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

1 Timoti 4:8

“Inga umuntu akuyiluvhizya umuvhili waakwe nkaani kuuti wuvhe na maha, akuvha ni ilonka linsi vhweleele. Ileelo inga akuvha nu lujendo ulwinza pilongolela ilya Mulungu, akulyaga ilonka mu zyonti, mu vhulanzi uvhwa pa nsi ipa nu vhwa havhaliilizyo he hakwinza.”

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

1 Peteli 1:15

nkandi muvhanje mwe vhafinjile mu lujendo lwinyu lwonti, inza uMulungu we ávhiisite vwe mufinjile.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Peteli 2:21

UMulungu ávhiisite inga mujimbiilile vhwevhulo, mwe pe uChilisiti woope ájimbiliiye kuyimvilwa ku zyinyu. Uweene we shiholanyo, inga tulandate idala lye átuusile.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

2 Peteli 1:10

Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.

2 Peteli 1:2

UMulungu ayonjezye kuvhafwila uvhwila nu kuuvhapa uvhutehamu kwi idala ilya kumumanya uweene nu Yeesu uMwene wiitu.

2 Peteli 1:5

Kuli izyo, mukanyilaje nkaani mu lwitiho lwinyu kuvhomba inyinza. Mutavhombaje vhwe vhwinza vhweka vhweleele, mulondolaje nkaani nu vhumanyi uvhwa lukasamo ulwa Mulungu.

2 Peteli 1:6

Havhili mu vhumanyi vhwinyu muyikonzyaje, kwope kuyikonzya, kuvhalilanaje nu vhujimbiilizu. Vhwope uvhujimbiilizu uvhwo, vhuvhalilanaje nu kuvha nu lujendo ulwinza pilongolela ilya Mulungu.

2 Peteli 1:8

Inga vwonti ivwo vwonjela kukula mu mooyo giinyu, vikuvhaavwa kumumanya uMwene wiitu uYeesu Chilisiti nu kuvhomba inyinza mu vhulanzi vhwinyu.

2 Peteli 2:20

Avhantu vhe vhavhushimbiiye uvhutalamalandu uvhwa mu nsi kwi idala ilya kumumanya uMwene nu Muposhi wiitu uYeesu Chilisiti, inga vhagalushila havhili kuvhomba uvhutalamalandu, uvhulanzi uvhwa kumpeleela uvhwa vhantu ivho vhuliivha vhuvhiivhi nkaani, kuluusya ku vhwandilo.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.