2 Peteli 1:12 - ULufingwi uLupwa

¹² Pe ishi, kwe njendeelele kuvhakumbusya zyonti izyo shiima, poosye she mumanyile nu kusimpa mu vhwanalyoli vhwe mwáposheleeye.

Tesitamenti Umupwa 1965

¹² Mwe mumwo nte nduṿwaje ukuvakumbusya zinizi nashenga muzimanyile, nashenga mugomile muvwanalyoli vwe vulipo.

2 Peteli 1:12 ပူးပေါင်းရင်းမြစ်များ

iMbombo izya Vhatumwa 16:5

Ivivhanza vihagomaga mu lwitiho na vhiitisi vhahonjelaga amanda gonti.

Filipi 3:1

Pe ishi, vhamwitu, seshelaaji mwa Mwene uYeesu. Ine ntakuviitwa kuvhuyiila havhili kuvhasimbila zye návhasimbiiye, mwe pe zyenezyo zikuvhavhiiha kuuti mutahateezye ulwitiho.

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

2 Timoti 1:6

Kwi izwi ilyo nkukukumbusya kuuti usonshelezyaje ishikunjilwa isho she uMulungu ákupiiye, ahavhaliilizyo he nákuvhishiiye inyoovhe.

VaHebuli 10:32

Ileelo mukumbushe ahavhaliilizyo haala aha ku vhwandilo, lwe mwamwitiha uChilisiti. Pooka nu kuuti muhayimvilwaga nkaani, muhajimbililaga amayimba igo.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.

2 Peteli 1:13

Nkulola kuuti zya vhugolosu kuvhakumbusya zyonti izyo, lwe nshiili nkulandila mu nsi umu.

2 Peteli 1:15

Kuli izyo, kwe nkanyile kuvhavhuuzya zyonti izyo, kuuti inga lwe uvhulanzi vhwane vhwasila muhazikumbuhaje ahavhaliilizyo honti.

2 Peteli 3:1

Vhankundwa, uno wu kalaata uwa vhuvhili we nkuvhasimbila. Mu vhakalaata ivho vhavhili, nkuvhakumbusya inongwa zye muzimanyile, inga zivhavwaje kusiivha ahinza.

2 Peteli 3:17

Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.

1 Yohani 2:21

Nkuvhasimbila ukalaata uno, te kuuti, mwe pe mutavhumanyile uvhwanalyoli, nkandi, mwe pe muvhumanyile, havhili, mwe pe mumanyile kuuti ilenga lyonti litakufuma mu vhwanalyoli.

2 Yohani 1:2

Tuvhakunzite, mwe pe iswe niimwe tuvhumanyile uvhwanalyoli uvhwo, havhili kwe tujendeelele kuvhumanya shiima shiima.

uYuuda 1:17

Ileelo imwe vhankundwa, mukumbuhaje amazwi ge avhatumwa avha Mwene wiitu uYeesu Chilisiti vháyanzile.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.

uYuuda 1:5

Ishi, pooka nu kuuti mumanyile, nkwanza imbakumbusye kuuti uMWENE uMulungu lwe avhapoha aVhaisilayeeli kufuma mu nsi iya Miisili, pisinda ahavhalovwa vhaala vhe vhatáali nu lwitiho.