2 Peteli 1:10 - ULufingwi uLupwa

¹⁰ Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.

Tesitamenti Umupwa 1965

¹⁰ Mwe mumwo lelo mwe vamwitu, mulusyajʼukuyikungula ukusimpa mulwitiho lwinyu namuvusavulwa vwinyu, shʼinga mukuhonzya vovulo pe mutalipunula nalumo.

2 Peteli 1:10 ပူးပေါင်းရင်းမြစ်များ

Matayi 22:14

Nkuyanga vhwevhulo, mwe pe uMulungu akuvhiita avhantu avhinji kwinjila mu vhumwene vhwakwe, ileelo vhe vhakusaavhulwa kwinjila vhansi.”

VaLoma 11:29

Akujendeelela kuvhakunda, mwe pe uMulungu atakwandula insiivho zyakwe kuli ivho vhe avhiisite nu kuuvhapa ivipeelwa.

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

VaHebuli 6:11

Tukwanza nkaani kuuti mwenti mujendeelele kuvha nu mute kufishila kumpeleela, inga muposheele zyonti zye mukuzisuuvhila.

VaHebuli 6:19

Ulusuuvhilo ulwo lwe tuli nalwo mu mooyo giitu, lukutwavwa kusimpa ahinza inza vwe ishijela ishimwamu shikuyaavwa imeeli, inga inkungu yitahayibunshile. Ulusuuvhilo ulwo wu Yeesu we áyinjiiye aPafinjile pa Pafinjile, kutuushila pa mwenda we wudinzite penepo.

Yakobu 2:10

Inga umuntu akulandata indajizyo zyonti izya Mulungu, ileelo aapuvha yooka vhweleele, uMulungu akumuvhaazya kuuti apuvile zyonti.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 1:5

Kuli izyo, mukanyilaje nkaani mu lwitiho lwinyu kuvhomba inyinza. Mutavhombaje vhwe vhwinza vhweka vhweleele, mulondolaje nkaani nu vhumanyi uvhwa lukasamo ulwa Mulungu.

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.

2 Peteli 3:17

Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.