2 Peteli 1:1 - ULufingwi uLupwa

¹ Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

Tesitamenti Umupwa 1965

¹ USimoni Peteli, umunyamata numwapositili wa Yesu Chilisiti, nkuvasimbila mwe muposheleyʼulwitiho lwe luli inza shʼulwitu uvugomu, muvugolosu vwa Mulungu witu nuMuposhi uYesu Chilisiti:

2 Peteli 1:1 ပူးပေါင်းရင်းမြစ်များ

Matayi 10:2

Amazina aga vhatumwa ivho 12 ge gano: uwa kwanda wu Siimoni (we izina ilyamwavho vhahatinji uPeeteli), nu Andeleeya umuzuuna waakwe nu Yaakobu umwana wa Zebedaayi nu Yoohani umunine waakwe.

Matayi 4:18

Lwe uYeesu akujenda mu luvhazu mwa sumbi uwa Galilaaya, ahavhalola avhavuvhi avha nswi vhavhili, uSiimoni we izina ilyamwavho vhahatinji uPeeteli nu munine waakwe uAndeleeya. Vhahasumbilaga inyeelo zyavho mwa sumbi.

uLuuka 1:47

Havhili wukumudovhela uMulungu uMuposhi waane,

uLuuka 11:49

“Izyo zye zyámuvhiisile uMulungu kuuti ayanje ku vhushindamu vhwakwe uvhwa njeele ati, ‘Ndivhasonteelezya avhakuvhwi na vhatumwa ku kwavho, ileelo vhamo vhalivhagoga na vhamwavho vhalivhayimvwa.’

Yohani 1:42

Pe uAndeleeya ahinza nu Siimoni kwa Yeesu. UYeesu ahamwenya uSiimoni, ahamuvhuuzya ahati, “Iwe we Siimoni umwana wa Yoohani. Ishi, izina lyaho kuuti uvhe we Keefa.” (Izina ili kwe kuuti Peeteli poosye kuuti iyalaawe.)

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 20:21

UYeesu ahavhavhuuzya havhili ahati, “Uvhutehamu vhuvhe pooka niimwe! Inza vwe uTaata ánsonteleziizye ine, vhwevhulo niine nkuvhasonteelezya imwe.”

iMbombo izya Vhatumwa 15:14

USiimoni atuvhuuzya vwe uMulungu ávhasajiiye avhantu vhe te Vhayuuda kwisinda ukwo, ávhasavhuuye vhamo vhavhe vhantu vhaakwe.

VaLoma 1:1

Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

VaLoma 1:12

kwe kuuti ulwitiho lwinyu lungomwe ine, lwope ulwane luvhagomwe imwe.

VaLoma 1:17

Izwi ilyo likulolesya apazelu vwe uMulungu akuvhavhaazya avhantu kuuti vhagolosu. Avhantu vhakuvhaazilwa kuuti vhagolosu kwi idala ilya kwitiha vhweleele, inza uVhusimbe uVhufinjile vwe vhukuyanga vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

1 VaKolinti 15:9

Ine ne munsi mu vhatumwa, ntahondeeye poosye nu kwitwa kuuti ne mutumwa, mwe pe náshiyimvwizye ishivhanza isha Mulungu.

1 VaKolinti 9:1

Vhuli, ine te ne musatushe? Havhili ine te ne mutumwa? Ine ntámuvhwenyi uMwene wiitu uYeesu? Havhili imbombo ye návhomvile te ye yivhavhiisile imwe kumwitiha uMwene?

2 VaKolinti 4:13

Mu Vhusimbe uVhufinjile gasimviilwe amazwi ge gakuti, “Námwitisile uMulungu, ye nongwa náyanzile.” Niiswe tuli nu mwoyo uwa kwitiha inza uwo, ye nongwa tukuyanga.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 2:8

Yeenya, uMulungu we ámupiiye amaha uPeeteli kuvha mutumwa ku Vhayuuda, we niine ámpiiye amaha aga kusogola ku vhe te Vhayuuda.

VaEfeso 3:5

Amanda gonti aga hali, uMulungu atávhamanyisiizye avhantu uvhuzigizigi uvhwo. Ileelo pisinda ahavhamanyisya avhafinjile vhaakwe avhatumwa na vhakuvhwi, kwi idala ilya Mupepo waakwe.

VaEfeso 4:11

Uweene ávhaloosite avhantu ivikunjilwa. Vhamo ávhasavhuuye kuuti vhavhe vhatumwa, avhamwavho vhavhe vhakuvhwi, avhamwavho vhavhe vhalumbiilizi, avhamwavho vhoope vhavhe vhadiimi havhili vhasambiilizi avha vhantu.

VaEfeso 4:5

Tuli nu Mwene wooka nu lwitiho lwoka nu lwozyo lwoka.

Filipi 1:1

Ukalaata uno nsimvile ine ne Paavhuli pooka nu Tiimoti, twe vhavhomvi avha Chilisiti uYeesu. Tukuvhasimbila imwe, mwe vhafinjile avha mu nkaaya iya Fiilipi, pooka na vhimiilizi vhiinyu na vhatuuli avha shivhanza.

Filipi 1:29

Imwe mufwililiilwe uvhwila, te kwe kumwitiha uChilisiti vhweleele, nkandi nu kuyimvilwa ku zyakwe.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

2 Timoti 1:5

Nkukumbuha vwe umwitisile uMulungu ishisita ishifumbo, inza vwe unyinakulu waaho uLooyisi, nu maayi waaho uEwuniike vhoope vhamwitisile. Ishi indi nu vhwanalyoli kuuti vhwevhulo, vwe niiwe uli.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

uTiiti 1:4

Nkukusimbila izi iwe Tiiti, we mwana waane mu lwitiho lwe tuli nalwo pooka niiwe. UTaata uMulungu nu Muposhi wiitu uChilisiti uYeesu vhakufwilaje uvhwila, nu kuukupa uvhutehamu.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

1 Peteli 1:7

Kulingwa kwinyu kukulolesya kuuti nalyoli mukumwitiha uYeesu Chilisiti. Inza vwe avhantu vhakuyizelufwa isahaabu kwi idala ilya kuyipemba inga yivhe nyinza, vhwevhulo, ulwitiho lwinyu lukulingwa kulolesya kuuti mumwitisile uChilisiti. Kumwitiha uChilisiti kwinza kuluusya isahaabu ye yikunanjiha. Inga mukujimbiilila indingo izyo, uMulungu alivhatiima, nu kuuvhapa uvhushindamu nu mushinzi pi isiku liila lye uYeesu Chilisiti aliloleha apazelu ku vhantu vhonti.

1 Peteli 2:7

Ivhwe ilyo lya nsavho kuli imwe mwe mukwitiha, ileelo ku vhaala vhe vhatakwitiha, “Ivhwe lye avhazenzi vhálihaanile lye lyavha livhwe ipiti ilya pa shipembe isha nyumba.”

1 Peteli 5:1

Ishi nkuvhasimbila imwe mwe vhasongo avha vivhanza. Ine ne songo uwamwinyu, havhili ne hoome uwa mayimba aga Chilisiti. Ine ndiposheela uvhushindamu pooka nawo, ahavhaliilizyo he hakwinza. Nkuvhalambiilizya kuuti

2 Peteli 1:4

Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.