1 Yohani 5:8 - ULufingwi uLupwa

⁸ Kuli vhatatu vhe vhakuhomeshezya inongwa izya Yeesu ku mwanya: uTaata nu Izwi nu Mupepo uMufinjile. Vhatatu ivho vhali ishintu shooka.

Tesitamenti Umupwa 1965

⁸ UMupepo naminzi namavanda, ilelo ve vatatu vanava vayipezilʼukuva woka mwene.

1 Yohani 5:8 ပူးပေါင်းရင်းမြစ်များ

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Maliko 14:56

Avhantu avhinji vhahahomeshezyaga inongwa izya ilenga, ileelo zitahalingaanaga.

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Yohani 19:34

Ileelo umusikaali wumo ahamulasa uYeesu ni mpalala pa luvhazu. Pe amavhanda na minzi vihafuma.

iMbombo izya Vhatumwa 15:15

Inongwa izyo zikuvhalilana na mazwi ge gasimviilwe mu makalaata aga vhakuvhwi kuuti,

VaLoma 8:16

UMupepo uyo we akuhomeshezya mu mooyo giitu kuuti iswe swe vhaana vha Mulungu.

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

VaHebuli 13:12

Ye nongwa uYeesu woope áyimviliilwe nu kumugoga panzi iya shikwilo ishipiti isha nkaaya iya Yelusaleemu, inga avhazelufwe avhantu uvhutalamalandu vhwavho kwi idala ilya mavhanda gaakwe.

VaHebuli 6:4

Ishi avhantu vhe vhalesile kumwitiha uMulungu, tungavhagalusya inza vhuli? Avhantu ivho ku vhwandilo vhásambiliiye uvhwanalyoli uvhwa Mulungu, nu kupeelwa ivipeelwa kufuma ku mwanya, nu kuposheela uMupepo uMufinjile.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.

1 Yohani 5:9

Havhili kuli avhahoome vhatatu mu nsi: uMupepo na minzi na mavhanda. Avhahoome vhatatu ivho, vhakutuhomeshezya iswe uvhwanalyoli vhwevhuula. Inga tukuvhwitiha uvhwahoome uvhwa vhantu, tukwanzilwa kuvhwitiha uvhwahoome uvhwa Mulungu vhwe vhupiti nkaani. Nkuti vhupiti, mwe pe wu Mulungu wuuyo avhufumwizye, havhili avhufumwizye kuzya Mwana waakwe.