1 Yohani 5:7 - ULufingwi uLupwa

⁷ Woope uMupepo uMufinjile akuhomeshezya kuuti izyo zya nalyoli, mwe pe uMupepo uMufinjile wa nalyoli.

Tesitamenti Umupwa 1965

⁷ She vah vatatu ve vakuhomeshezya:

1 Yohani 5:7 ပူးပေါင်းရင်းမြစ်များ

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 18:16

Ileelo inga atakutejeelezya, usogole umunyatule umuntu uwamwavho wooka poosye vhavhili, inga muvhulandate uVhusimbe uVhufinjile vhwe vhukuti, ‘Uvhunanzi vhwonti vhulongwaje lwe vhaafumwa uvhwahoome avhantu vhavhili, poosye vhatatu.’

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Yohani 1:1

Ku vhwandilo lwe ivintu vwonti vishiili kupelwa, kwáli uIzwi, uIzwi uyo áali pooka nu Mulungu, havhili uIzwi uyo áali wu Mulungu.

Yohani 10:30

Ine nu Taata waane tuli pooka.”

Yohani 12:28

We Taata, ulolesye uvhushindamu uvhwa izina lyaho ku vhantu.” Pe izwi lihafuma ku mwanya kwa Mulungu lihati, “Nalolesya uvhushindamu uvhwa izina lyane, havhili kwe njendeelele kulolesya.”

Yohani 14:17

UMutuuli uyo we Mupepo we alivhalolesya avhantu uvhwanalyoli. Avhantu vhe vhakumuhaana uMulungu vhatangamuposheela uMupepo uyo, mwe pe vhatakumulola, havhili vhatamumanyile. Ileelo imwe mumumanyile, mwe pe akuvha pooka niimwe, woope alitendama muhati zyinyu.

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Yohani 5:26

Inza vwe uTaata waane ali na maha aga kuumupa umuntu uvhulanzi uvhwa shiima, niine ne Mwana waakwe ampiiye amaha aga kuuvhapa avhantu uvhulanzi uvhwa shiima.

Yohani 8:18

Kwi idala ili ine nkuyihomeshezya neene nu Taata we ansonteleziizye wu hoome waane.”

Yohani 8:54

UYeesu ahavhaamula ahati, “Inga nkuyishindiha neene neeka, uvhushindamu vhwane vhutali ni mbombo naayimo. Ileelo uTaata waane we imwe mukuti wu Mulungu wiinyu, we akunshindiha.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 5:32

Niiswe swe vhahoome avha zyonti izyo, pooka nu Mupepo uMufinjile, we uMulungu avhapiiye vhonti vhe vhakumushindiha.”

2 VaKolinti 13:14

UMwene uYeesu Chilisiti avhafwilaje uvhwila. UMulungu alolesyaje ishikunzi kuli imwe. Woope uMupepo uMufinjile, avhapanje uvhuliilani imwe mwenti.

1 Yohani 1:1

Tukuvhakumusizya inongwa izya ula we wu Izwi ilya Vhulanzi, we áliipo kufuma ku vhwandilo. Iswe twámwivuuye nu kumulola na minso giitu sweneeswe, tuhamwenyaaga nu kumupalamansya ni nyoovhe zyitu.

1 Yohani 5:6

UYeesu Chilisiti álolesile kuuti Mwana wa Mulungu kwi idala ilya lwozyo ulwa minzi ni lya mavhanda aga kufwa kwakwe. Atálolesile ku minzi vhweleele, nkandi ku minzi na ku mavhanda.

1 Yohani 5:8

Kuli vhatatu vhe vhakuhomeshezya inongwa izya Yeesu ku mwanya: uTaata nu Izwi nu Mupepo uMufinjile. Vhatatu ivho vhali ishintu shooka.

Ishitushizya 19:13

Ázwaye umwenda we vhátontesile mu mavhanda. Izina lyakwe uyo wu “Izwi ilya Mulungu.”