1 Yohani 5:18 - ULufingwi uLupwa

¹⁸ Tumanyile kuuti umuntu wonti we mwana wa Mulungu, atakuvheelela kuvhomba uvhutalamalandu, mwe pe uMwana wa Mulungu akumuguulila. UMuvhiivhi ula uSeetano atangamuvhomba naashimo.

Tesitamenti Umupwa 1965

¹⁸ Tumanyilʼiswe ukuti vonti ve vapafilwe mwa Mulungu vatakutalʼamalandu, avene ve vapafilwe mwa Mulungu vakuyisunjilila, ilelo pe wope nuwalombwa akupotwa ukuvapalamansya.

1 Yohani 5:18 ပူးပေါင်းရင်းမြစ်များ

Matayi 5:37

Inga mukwitiha ishintu, mutinji, ‘Eena’ vhweleele, poosye inga mukuhaana, mutinji, ‘Ndaali’ vhweleele. Zyonti zye zikwonjela muli izyo, zikufuma kwa Muvhiivhi ula.”

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

Yohani 1:13

Ivho vhe vhaana vha Mulungu, ileelo te kulandatana ni shifumo shaavho, poosye kulandatana nu kupaapwa kwi idala ilya kuhomaana umwanaavuli nu mwantanda, poosye ku lukasamo ulwa muntu, uMulungu wuuyo we avhavhiisile kuvha vhaana vhaakwe.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 15:4

Mujendeelele kuvha pooka niine, niine kwe njendeelele kuvha pooka niimwe. Inza vwe ulusamba lutangaahoma amantonongwa lweka ishisita kuvha mwi impensya, niimwe mutangavhomba zye zikumuhondezya uMulungu ishisita kuvha muhati yaane.

Yohani 15:7

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Yohani 15:9

Inza vwe uTaata ankunzite ine, vwe niine mbakunzite imwe. Ishi pe mujendeelele kuvha mu shikunzi shaane.

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

1 Peteli 1:23

Mukwanzilwa muvhe ni shikunzi isho, mwe pe mupafwilwe ulwa vhuvhili, te ku vhapaafi vhe vhakufwa, nkandi kwa mupaafi we atakufwa kwi idala ilya izwi ilya Mulungu lye liliipo shiima.

1 Yohani 2:29

Mwe pe mumanyile kuuti uChilisiti mugolosu, pe mumanye kuuti wonti we akuvhomba ingolosu, we mwana wa Mulungu.

1 Yohani 3:12

Tutahaavhe inza umuntu ula we vhahatinji uKaayini, we áamile wa Muvhiivhi ula uSeetano, ahamugoga umunine waakwe. Shooni she ámugozile? Ámugozile, mwe pe imbombo zyakwe zyáli mbiivhi, ileelo izya muzuuna waakwe zyáli ngolosu.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.

1 Yohani 3:9

Umuntu wonti we mwana wa Mulungu, atakuvheelela kuvhomba uvhutalamalandu, mwe pe ishiholanyo isha Mulungu shili muhati yaakwe. Atangavheelela kuvhomba uvhutalamalandu, mwe pe uweene mwana wa Mulungu.

1 Yohani 4:6

Ileelo iswe swe vhantu vha Mulungu. Umuntu we amumanyile uMulungu, akututejeelezya, ileelo umuntu we te wa Mulungu, atakututejeelezya. Vhwevhulo, vwe tukumanya uvhusugaano uvhwa vhantu vhe vhakulongolwa nu Mupepo uwa nalyoli, na vhaala vhe vhakulongolwa ni mpepo iya ilenga.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.

1 Yohani 5:15

Havhili, mwe pe tumanyile kuuti akutwivwa inga twamulaavha ishintu shonti, tumanyile kuuti akuutupa vwonti vwe tukumulaavha.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

1 Yohani 5:21

Mwe vhaana vhaane, muvhe minso, mutapuutaje avhalungu.

1 Yohani 5:4

Nkuti te ngomu, mwe pe wonti we mwana wa Mulungu, akuzipoota imbiivhi izya mu nsi. Ishintu she shikutwavwa kuzipoota imbiivhi izya mu nsi, lwitiho lwitu kwa Yeesu Chilisiti.

uYuuda 1:21

Mujendeelele kuvha mu shikunzi isha Mulungu, nu kumusuuvhila uMwene wiitu uYeesu Chilisiti, kuuti avhafwile uvhwila inga avhinjizye mu vhulanzi uvhwa shiima.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.