1 Yohani 5:17 - ULufingwi uLupwa

¹⁷ Kuvhomba lyonti lye te ligolosu pilongolela ilya Mulungu, kwe kuvhomba uvhutalamalandu. Ileelo pooka niizyo, vhuliipo uvhutalamalandu vhwe vhutakumuvhiiha umuntu ukutali nu Mulungu shiima shiima.

Tesitamenti Umupwa 1965

¹⁷ Uvusitavugolosu ṿwonti vwe vutalamalandu. Vulipo nuvutalamalandu vwe vutakupelʼuvufwe.

1 Yohani 5:17 ပူးပေါင်းရင်းမြစ်များ

Yakobu 1:15

Insiivho izya mpapilo zikumutwala umuntu kuvhomba uvhutalamalandu, vhwope uvhutalamalandu vhukumutwala umuntu uyo ku vhufwe.

1 Yohani 2:1

Mwe vhaana vhaane, nkuvhasimbila inongwa izi, inga mutavhombaje uvhutalamalandu. Ileelo poosye inga umuntu wonti muli imwe avhomba uvhutalamalandu, tuli nawo we akutulaavhila kwa Taata uMulungu, uyo wu Yeesu Chilisiti. Uweene mugolosu.

1 Yohani 3:4

Wonti we akuvhomba uvhutalamalandu, akuvhomba uvhusambusu kwa Mulungu, mwe pe kuvhomba uvhutalamalandu, kwe kuvhomba uvhusambusu.

1 Yohani 5:16

Kuli uvhutalamalandu vhwe vhutakumuvhiiha umuntu ukutali nu Mulungu shiima shiima. Inga wumo muli imwe akumulola uwamwavho akuvhomba uvhutalamalandu inza uvhwo, amulavhilaje kwa Mulungu, woope uMulungu aliimupa uvhulanzi. Yikuvha vhwevhulo, ku vhaala vhe vhakuvhomba uvhutalamalandu inza uvhwo. Ileelo kuli uvhutalamalandu vhwe vhukumuvhiiha umuntu ukutali nu Mulungu shiima shiima. Ine ntakuti amulavhilaje kwa Mulungu ku vhutalamalandu inza uvhwo.