1 Yohani 5:12 - ULufingwi uLupwa

¹² Umuntu we ali nu vhuliilani nu Mwana wa Mulungu, ali nu vhulanzi uvhwo. Ileelo we atali nu vhuliilani nu Mwana wa Mulungu, atali nu vhulanzi uvhwo.

Tesitamenti Umupwa 1965

¹² Uno wengʼali nawo uMwana, wʼali navwo nuvulanzi. Uno wengʼate nawo uMwana wa Mulungu, we vwope navwe vulanzi ate navwo.

1 Yohani 5:12 ပူးပေါင်းရင်းမြစ်များ

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

Yohani 3:15

inga mbape uvhulanzi uvhwa shiima avhantu vhe vhakuniitiha.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.